ମହାନଦୀ ଉତ୍ପତ୍ତିସ୍ଥଳରେ ଟ୍ରିବ୍ୟୁନାଲ ଟିମ୍। କ୍ଷେତ୍ର ପରିଦର୍ଶନ କଲେ, ସ୍ଥିତି ପରଖିଲେ
କନକ ବ୍ୟୁରୋ: ମହାନଦୀ ଟ୍ରିବ୍ୟୁନାଲର ସଦସ୍ୟ ମହାନଦୀ ଉତ୍ପତିସ୍ଥଳରେ ସ୍ଥିତି ପରଖିଛନ୍ତି । ଏଥିରେ ରହିଛନ୍ତି ପାଟନା ଓ ଦିଲ୍ଲୀ ହାଇକୋର୍ଟ ବିଚାରପତି । ଟିମ୍ ଛତିଶଗଡ ଧମତରୀର ଫାର୍ସିଆରେ ପହଞ୍ଚିଛନ୍ତି । ଟିମ୍ ରାୟପୁରରୁ ବାହାରି ଧମତରୀ ପହଞ୍ଚିବା ପରେ ମାଣ୍ଡମସିଲ୍ଲୀ ଜଳାଶୟକୁ ଯାଇ ନିରୀକ୍ଷଣ କରିଛନ୍ତି । ଟିମ୍ ଛତିଶଗଡ଼ ଓ ମଧ୍ୟପ୍ରଦେଶର ସୀମାନ୍ତରେ ଥିବା ସିହାୱା ପର୍ବତମାଳାକୁ ଯାଇଥିଲେ । ଏହି ସିହାୱାରୁ ନିର୍ଗତ ଝରଣା ହାଇଡ୍ରୋଲୋଜି ଦୃଷ୍ଟିରୁ ମହାନଦୀର ଉତ୍ପତିସ୍ଥଳ ଭାବେ ପରିଚିତ ।
Kanak News is now on WhatsApp
Join and get latest news updates delivered to you via WhatsApp
ମହାନଦୀ ବିବାଦର ସମାଧାନ ପାଇଁ ଟ୍ରିବ୍ୟୁନାଲର ସଦସ୍ୟ ଛତିଶଗଡରେ ଥିବାବେଳେ ଛତିଶଗଡ ମୁଖ୍ୟମନ୍ତ୍ରୀ ଭୂପେଶ ବାଘେଲ କଡା ମନ୍ତବ୍ୟ ଦେଇ ଦୁଇ ରାଜ୍ୟର ବିବାଦକୁ ବଢାଇଛନ୍ତି । ସେ କହିଛନ୍ତି, ବ୍ୟାରେଜ କରିଛୁ, ଆଗକୁ ବନ୍ଧ ବାନ୍ଧିବୁ । ବନ୍ଧ ବାନ୍ଧିବା ପ୍ରସଙ୍ଗ ଟ୍ରିବ୍ୟୁନାଲ ପାଇଁ ଅଟକି ରହିଛି । ଅନୁମତି ମିଳିଲେ ବନ୍ଧ ବାନ୍ଧିବୁ । ୭ଟି ବ୍ୟାରେଜ ନିର୍ମାଣ ଯୋଗୁଁ ବିବାଦ ହୋଇଛି । ସବୁ ପାଣି ଓଡିଶାକୁ ଯାଉଛି ।
ବାଘେଲଙ୍କ ମନ୍ତବ୍ୟ ନେଇ ବିଜେଡି କଡା ଆଭିମୁଖ୍ୟ ଗ୍ରହଣ କରିଛି । ଦଳ କହିଛି ଅନ୍ତଃ-ରାଜ୍ୟ ନଦୀରେ ଓଡିଶାର ବି ହକ ଅଛି । ବାଘେଲ ଜାଣିଶୁଣି ଓଡିଶାର ସ୍ୱାର୍ଥକୁ ପ୍ରତାରିତ କଲାଭଳି କଥା କହୁଛନ୍ତି । ସମସ୍ତ ଆଇନ-କାନୁନ ବିଧି ବ୍ୟବସ୍ଥାକୁ ଜଳାଞ୍ଜଳି ଦେଇଛନ୍ତି । କଂଗ୍ରେସ ମଧ୍ୟ ପ୍ରତିକ୍ରିୟା ରଖିଛ ିା
ମହାନଦୀ ହେଉଛି ଓଡ଼ିଶାର ଲାଇଫ୍ ଲାଇନ । କିନ୍ତୁ ଅଣମୌସୁମୀ ସମୟରେ ଓଡ଼ିଶାକୁ ୩୦% କମ୍ ପାଣି ମିଳୁଥିବା ଅଭିଯୋଗ ରହିଛି । ଛତିଶଗଡ ମହାନଦୀ ପାଣି ଅଟକାଉଥିବାରୁ ପ୍ରଭାବ ଓଡ଼ିଶା ଉପରେ ପଡୁଛି । ଏବେ ଭୂପେଶଙ୍କ ବିବାଦୀୟ ବୟାନ ଓ ଓଡିଶାର କଡା ଆଭିମୁଖ୍ୟ ପରେ ବିବାଦ କେଉଁଆଡକୁ ଯାଉଛି ତା ଉପରେ ସମସ୍ତଙ୍କ ନଜର ରହିଛ ିା