କିଏ ହେବ ଗୁଜରାଟ ଓ ହିମାଚଳପ୍ରଦେଶ ମୁଖ୍ୟମନ୍ତ୍ରୀ? ଆଜି ଘୋଷଣା ହୋଇପାରେ ନାଁ । ବିଜେପି କେନ୍ଦ୍ରୀୟ କମିଟିର ଘନ ଘନ ବୈଠକ
କନକ ବ୍ୟୁରୋ : ଆଜି ଗୁଜରାଟ ପାଇଁ ହୋଇପାରେ ମୁଖ୍ୟମନ୍ତ୍ରୀଙ୍କ ନାଁ ଘୋଷଣା । ଗୁଜରାଟରେ ବିଜେପି ବିଜୟୀ ହୋଇଥିଲେ ମଧ୍ୟ ଜଣେ ନୂଆ ମୁହଁ ବାଛିବାକୁ ଘନ ଘନ ବୈଠକ ଜାରି ରଖିଛି ବିଜେପିର କେନ୍ଦ୍ରୀୟ ନେତୃତ୍ୱ । ଆଜି ଅହମ୍ମଦାବାଦରେ ନବନିର୍ବାଚିତ ବିଧାୟକଙ୍କ ସହ ଆଲୋଚନା କରିବେ ଅର୍ଥମନ୍ତ୍ରୀ ଅରୁଣ ଜେଟଲୀ । ତାପରେ ନାଁ ଘୋଷଣା କରିପାରନ୍ତି । ପ୍ରଧାନମନ୍ତ୍ରୀ ଏନେଇ ଜେଟଲୀଙ୍କ ସହ ଆଲୋଚନା କରିଛନ୍ତି । ଗୁଜରାଟରେ ଷଷ୍ଠ ଥର ପାଇଁ ବିଜେପିକୁ କ୍ଷମତାକୁ ଆସିଛି । କିନ୍ତୁ ଦଳର ସିଟ ସଂଖ୍ୟା ଏଥର କମିଯାଇଛି । ତେଣୁ ଏଥର ମୁଖ୍ୟମନ୍ତ୍ରୀ ପଦରୁ ବିଜୟ ରୂପାନୀଙ୍କୁ ପରିବର୍ତନ କରିବାକୁ ଚାହୁଁଛି ବିଜେପି
Kanak News is now on WhatsApp
Join and get latest news updates delivered to you via WhatsApp
ହିମାଚଳପ୍ରଦେଶ ମୁଖ୍ୟମନ୍ତ୍ରୀ ନେଇ ମଧ୍ୟ ଆଜି ନିଷ୍ପତି ହୋଇପାରେ । ଏଥିପାଇଁ ଆଜି ସିମଳାରେ ବୈଠକ ବସୁଛି । ବହୁମତ ହାସଲ କରିଥିବା ବିଜେପିର ମୁଖ୍ୟମନ୍ତ୍ରୀ ପ୍ରାର୍ଥୀ ପ୍ରେମକୁମାର ଧୁମଲ ହାରିଯାଇଥିବାରୁ ତାଙ୍କ ବଦଳରେ ଜୟରାମ ଠାକୁରଙ୍କୁ ପରବର୍ତୀ ମୁଖ୍ୟମନ୍ତ୍ରୀ କରିବାକୁ ନିଷ୍ପତି ନିଆଯାଇଛି ବୋଲି ସୂଚନା ମିଳିଛି । ଆଜି ଦଳର କେନ୍ଦ୍ରୀୟ ନେତୃମଣ୍ଡଳୀ ଏ ସମ୍ପର୍କରେ ଭାବେ ଘୋଷଣା କରିପାରନ୍ତି । ତେବେ ଧୁମଲ ଜୟରାମଙ୍କୁ ମୁଖ୍ୟମନ୍ତ୍ରୀ କରିବା ପାଇଁ ରାଜି ହୋଇଥିବା ଜଣାପଡିଛି ।