ଅନିଦ୍ରା ସମସ୍ୟା ଦୂର କରିବା ପାଇଁ ପିଅନ୍ତୁ ଏହି ଜୁସ୍
ସନ୍ଥ ଦଲାଇ ଲାମାଙ୍କ ଅନୁସାରେ, ‘ଉତ୍ତମ ନିଦ୍ରା ହେଉଛି ଜଣେ ବ୍ୟକ୍ତି ପାଇଁ ସବୁଠାରୁ ଭଲ ଧ୍ୟାନ’। ଜଣେ ବ୍ୟକ୍ତିକୁ ଯଦି ଠିକ୍ ଭାବେ ନିଦ୍ରା ହେଉଛି ତେବେ ଆମେ ନିଶ୍ଚିତ ହୋଇଯିବା ଉଚିତ ଯେ ବ୍ୟକ୍ତି ଜଣକ ସଂପୂର୍ଣ୍ଣ ସୁସ୍ଥ। ମନେରଖନ୍ତୁ ଉତ୍ତମ ନିଦ୍ରା ଅର୍ଥାତ୍ ଅତିରିକ୍ତ ନିଦ ନୁହେଁ। ନିଦ୍ରାର ଏକ ପରିସୀମା ବି ରହିଛି। ଅଧିକ ନୁହେଁ, କି କମ୍ ନୁହେଁ। ତାହାଲେ ଯାଇ ଆମେ କହିବା ଉତ୍ତମ ନିଦ୍ରା। ଆଜିକାଲି ଅଧିକାଂଶ ବ୍ୟକ୍ତିଙ୍କ ଭିତରେ ଅନିଦ୍ରା ସମସ୍ୟା ଦେଖା ଦେଉଛି। ବିଳମ୍ବିତ ରାତ୍ରି ପର୍ଯ୍ୟନ୍ତ ନିଦ୍ରା ଆସୁ ନାହିଁ। ମାତ୍ର ଆମେ ଆଜି ଯେଉଁ ଜୁସ୍ ସଂପର୍କରେ ଜଣାଇବୁ ତାହାକୁ ପିଇଲେ ନିଦ୍ରା ପୂରା ଶିଶୁଙ୍କ ପରି ନିଦ୍ରା ହେବ।
Kanak News is now on WhatsApp
Join and get latest news updates delivered to you via WhatsApp
ଜାଣିରଖନ୍ତୁ ଯେ ଚେରି ଜୁସ୍ ନିଦ ପାଇଁ ଖୁବ୍ ଭଲ। ଏହି ଜୁସ୍ କେବଳ ନିଦ ନୁହେଁ, ବରଂ ଆପଣଙ୍କ ଶରୀରର ଅନେକ ସମସ୍ୟାର ସମାଧାନ କରିପାରେ। ସୁଠାରୁ ଭଲ କଥା ହେଲା ଏହି ଜୁସର କୌଣସି ପାର୍ଶ୍ୱ ପ୍ରଭାବ ନାହିଁ। ନୂଆ କରି ହୋଇଥିବା ଏକ ଗବେଷଣାରୁ ଜାଣିବାକୁ ମିଳିଛି ଯେ ଯେଉଁ ବ୍ୟକ୍ତିମାନେ ଚେରି ଜୁସ୍ ପିଇ ଖଟକୁ ଯାଉଛନ୍ତି ସେମାନଙ୍କୁ କମ୍ ସମୟ ମଧ୍ୟରେ ନିଦ୍ରା ଗ୍ରାସ କରୁଛି। ମନେ ରଖନ୍ତୁ, ଗୋଟାଏ ଗ୍ଲାସରୁ ଅଧିକ ଜୁସ୍ ପିଇବେ ନାହିଁ। ଗୋଟାଏ ଗ୍ଲାସ୍ ଜୁସ୍ ହେବା ପାଇଁ ଯେତିକି ପରିମାଣର ଚେରି ଓ ପାଣି ଆବଶ୍ୟକ ଆପଣ ତାହାକୁ ମିଶ୍ରଣ କରି ଜୁସ୍ ପ୍ରସ୍ତୁତ କରନ୍ତି। ରାତ୍ରି ଭୋଜନ କରିବା ପରେ ସେହି ଜୁସକୁ ପିଇକି ଶୁଅନ୍ତୁ। ଦେଖିବେ ଆପଣଙ୍କର ନିଦ୍ରାହୀନତା ସମସ୍ୟା କୁଆଡ଼େ ଚାଲିଯିବ।