ବାଘ ସଂଖ୍ୟା ଘୋଷଣା କଲେ ପ୍ରଧାନମନ୍ତ୍ରୀ, ୨୦୨୨ ଗଣନା ମୁତାବକ ଘୋଷଣା ହେଲା ଦେଶର ବାଘ ସଂଖ୍ୟା
କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଦେଶର ବାଘ ଗଣନା ପରେ କେତେ ବାଘ ରହିଛନ୍ତି ତାହା ଘୋଷଣା କରିଛନ୍ତି । ଦେଶରେ ବାଘସଂଖ୍ୟା ବୃଦ୍ଧି ପାଇଥିବାରୁ ଏହା ଦେଶପାଇଁ ଗୌରବର ବିଷୟ ବୋଲି ପ୍ରଧାନମନ୍ତ୍ରୀ କହିଛନ୍ତି । ସେପଟେ ଗତ ୧୦ ବର୍ଷ ମଧ୍ୟରେ ଦେଶରେ ବାଘ ସଂଖ୍ୟା ୭୫ ପ୍ରତିଶତ ବୃଦ୍ଧି ପାଇଥିବା କଥା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି ଆଜି ଦେଶରେ ପ୍ରୋଜେକ୍ଟ ଟାଇଗରକୁ ୫୦ ବର୍ଷ ପୁରଣ ହୋଇଥିବାରୁ ପ୍ରଧାନମନ୍ତ୍ରୀ ଏନେଇ ଦେଶରେ ରହିଥିବା ବାଘସଂଖ୍ୟା ବାବଦରେ ସୂଚନା ଦେଇଛନ୍ତି । ୧୯୭୩ ମସିହାରେ ଜିମକ କଂବେଟ ଟାଇଗର ରିଜର୍ଭରେ ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ପ୍ରୋଜେକ୍ଟ ଟାଇଗରର ଶୁଭାରମ୍ଭ କରିଥିଲେ । ସେହି ସମୟରେ ଦେଶରେ ବାଘ ସଂଖ୍ୟା ୨୬୮ରୁ କମ୍ ଥିଲା । ହେଲେ ୫୦ ବର୍ଷ ପରେ ଏବେ ଦେଶରେ ଟାଇଗର ରିଜର୍ଭ ସଂଖ୍ୟା ୫୩ରେ ପହଂଚିଥିବା ବେଳେ ବାଘ ସଂଖ୍ୟା ୩,୧୬୭ରେ ପହଂଚିଛି ।