ଫିଲ୍ମ ‘କେରଳ ଷ୍ଟୋରୀ’ ଉପରେ ବ୍ୟାନ୍ ଲଗାଇବାକୁ ଦାବି । ଫିଲ୍ମରେ ରହିଛି ଏକ ହଜାର ଝିଅଙ୍କ ଧର୍ମ ପରିବର୍ତ୍ତନର କାହାଣୀ ।
କନକ ବ୍ୟୁରୋ: ଫିଲ୍ମ ‘କେରଳ ଷ୍ଟୋରୀ’କୁ ନେଇ ଏବେ ସବୁଠି ଚର୍ଚ୍ଚା । ବିବାଦ ଭିତରେ ଫସିଥିବା ଏହି ଫିଲ୍ମକୁ ଏବେ ବ୍ୟାନ୍ କରିବାକୁ ଦାବି ହେଉଥିବାବେଳେ, କେରଳ ସରକାର ମଧ୍ୟ ଏହି ଫିଲ୍ମକୁ ବ୍ୟାନ୍ କରିବା ସପକ୍ଷରେ ବାହାରିଛନ୍ତି । ଖାଲି ସେତିକି ନୁହେଁ, କେରଳର ଅନ୍ୟ ରାଜନୈତିକ ଦଳ ମାନେ ମଧ୍ୟ ଏହି ଫିଲ୍ମକୁ ତୁରନ୍ତ ବ୍ୟାନ୍ କରିବାକୁ ଆଗ୍ରହ ଦେଖାଇଛନ୍ତି । ଯାହା ଏହି ଫିଲ୍ମକୁ ନେଇ ହେଉଥିବା ଚର୍ଚ୍ଚାକୁ ଆହୁରି ବଢାଇ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ କେରଳର ମୁଖ୍ୟମନ୍ତ୍ରୀ ଏବଂ କଂଗ୍ରେସର ବରିଷ୍ଠ ନେତା ଶଶୀ ଥରୁର ମଧ୍ୟ ଏହି ଫିଲ୍ମକୁ ନେଇ ଆଲୋଚନା କରିବା ଦେଖିବାକୁ ମିଳିଥିଲା । କେରଳ ମୁଖ୍ୟମନ୍ତ୍ରୀ ପିନାରାଇ ବିଜୟନ ଏହି ଫିଲ୍ମକୁ ନେଇ କହିଥିଲେ ଯେ, ଏହି ଫିଲ୍ମରେ ସଂଘ ପରିବାରର ଏଜେଣ୍ଡା ଦେଖିବାକୁ ମିଳୁଛି । ଅନ୍ୟପଟେ ଶଶୀ ଥରୁର୍ ଏହି ଫିଲ୍ମର ପୋଷ୍ଟର ସେୟାର କରି କହିଥିଲେ ଯେ, ଏହି ଫିଲ୍ମର କାହାଣୀ ହେଉଛି କେରଳର କାହାଣୀ ।
ମିଡିଆ ରିପୋର୍ଟସ ମୁତାବକ, ଏଫଇୟୁଓକେର କହିବା କଥା ‘କେରଳ ଷ୍ଟୋରୀ’ ଫିଲ୍ମ ଉପରେ ପ୍ରତିବନ୍ଧ ଲଗାଇବାର କୌଣସି ଫାଇଦା ନାହିଁ । ଏହି ଫିଲ୍ମ ଓଟିଟିରେ ମଧ୍ୟ ରିଲିଜ୍ ହେଲେ ଲୋକ ଏହାକୁ ଦେଖିବେ । ତେବେ ଫିଲ୍ମ ଉପରେ ବ୍ୟାନ୍ ଲଗାଇବା ବିଲକୁଲ୍ ଭଲ କଥା ନୁହେଁ ବୋଲି କୁହାଯାଇଛି ।
ସୂଚନାଯୋଗ୍ୟ ଯେ, ଆସନ୍ତା ମେ ୪ ତାରିଖରେ ରିଲିଜ୍ ହେବାକୁ ଯାଉଛି ଫିଲ୍ମ ‘କେରଳ ଷ୍ଟୋରୀ’ । ଏହି ଫିଲ୍ମରେ କେରଳର ହଜାରେ ଝିଅଙ୍କ କାହାଣୀ ଦେଖିବାକୁ ମିଳୁଛି । ଯେଉଁମାନେ କି ହଠାତ୍ ଗାଏବ ହେଇଯାଉଛନ୍ତି । ତେବେ ଏହାପରେ ଏହି ଝିଅମାନଙ୍କର ବ୍ରେନ୍ ୱାଶ୍ କରାଯିବା ସହିତ ସେମାନଙ୍କର ଧର୍ମ ପରିବର୍ତ୍ତନ କରିଦିଆଯାଉଛି । ଖାଲି ସେତିକି ନୁହେଁ, ଏହି ଝିଅମାନଙ୍କୁ ଆଇଏସ୍ ଭଳି ଆତଙ୍କୀ ସଙ୍ଗଠନ ସହ ମଧ୍ୟ ସାମିଲ କରାଯାଉଛି । ଏହାପରେ ଏହି ଝିଅମାନେ ଭାରତ ସମେତ ବିଶ୍ୱର ବିଭିନ୍ନ ଦେଶରେ ଆତଙ୍କୀ କାର୍ଯ୍ୟକଳାପ କରିବା ସହିତ ବିଭିନ୍ନ ଦେଶରେ ମୋର୍ଚ୍ଚା ଖୋଲୁଛନ୍ତି ।
ତେବେ କେରଳ ମୁଖ୍ୟମନ୍ତ୍ରୀଙ୍କ କହିବା କଥା, ଏହି ଫିଲ୍ମରେ ସଂଘ ପରିବାରର ମିଛ ଏଜେଣ୍ଡା ଦେଖାଯାଇଛି । ଏହି ଫିଲ୍ମ ଜରିଆରେ ସଂଘର ପ୍ରୋପାଗଣ୍ଡା ଖେଳାଯାଉଛି । ଯେଉଁଥିପାଇଁ ଏହି ଫିଲ୍ମକୁ ବ୍ୟାନ୍ କରିବାକୁ ଦାବି ହେଉଛି ।