ପଦାରେ ପଡ଼ିଲା କେନ୍ଦ୍ରାପଡ଼ା ଜଳସମ୍ପଦ ବିଭାଗର ଚରମ ଅବହେଳା। କାମର ୪ ମାସ ପରେ ଭୁଶୁଡ଼ିପଡ଼ିଲା ବାରେଣୀ ଘାଟ ପଥର ପ୍ୟାକିଂ।
କନକ ବ୍ୟୁରୋ: ପଦାରେ ପଡ଼ିଲା ଜଳସମ୍ପଦ ବିଭାଗର ଚରମ ଅବହେଳା । ମାତ୍ର ୪ ମାସ ତଳେ ୪୪ଲକ୍ଷ ଟଙ୍କା ବ୍ୟୟରେ ତିଆରି ହୋଇଥିବା ପଥର ପ୍ୟାକିଂ ଏବେ ଭୁଶୁଡ଼ି ପଡ଼ିଛି । କାମ ଠିକ୍ କରିବାକୁ କହିବା ବଦଳରେ ବେପରୁଆ ଭାବେ ମନ୍ତବ୍ୟ ରଖିଛନ୍ତି ବିଭାଗୀୟ ସହକାରୀ ଯନ୍ତ୍ରୀ । ନିଜର ଭୁଲକୁ ସୁଧାରିବା ପରିବର୍ତେ ଅତ୍ୟନ୍ତ ଦାୟିତ୍ୱହୀନ ଭାବେ ସେ ପ୍ରତିକ୍ରିୟା ଦେଇଥିଲେ । କନକ ନ୍ୟୁଜ ଦେଇଥିବା ପ୍ରତିକ୍ରିୟାରେ ଯନ୍ତ୍ରୀ କହିଥିଲେ ଏଭଳି କାମ ଖରାପ ହେବ, ପୁଣି ଟେଣ୍ଡର ହେବ ଆଉ ଏମିତି ଚାଲିବ ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ରାପଡ଼ା ଜିଲ୍ଲା ଇନ୍ଦୁପୁର ବାରେଣୀ ଘାଟରେ ବନ୍ୟା ପରିସ୍ଥିତିକୁ ନିୟନ୍ତ୍ରଣରେ ରଖିବା ପାଇଁ ପଥର ପ୍ୟାକିଂ କାମ ଜଳସମ୍ପଦ ବିଭାଗ ଦ୍ୱାରା ଆରମ୍ଭ କରାଯାଇଥିଲା । କିନ୍ତୁ ଅତ୍ୟନ୍ତ ନିମ୍ନମାନର କାମ ଯୋଗୁଁ ଏହା ଏବେ ନଷ୍ଟ ହୋଇଯାଇଛି । ଏନେଇ ଆମେ ବିଭାଗୀୟ ସହକାରୀ ଯନ୍ତ୍ରୀ ପ୍ରମୋଦ କୁମାର ରାୟଙ୍କ ପ୍ରତିକ୍ରିୟା ନେବାବେଳେ ଏଭଳି ଦାୟିତ୍ୱହୀନ ପ୍ରତିକ୍ରୟା ରଖିଥିଲେ ସମ୍ପୃକ୍ତ ଯନ୍ତ୍ରୀ । ତେବେ ଏଭଳି ମନ୍ତବ୍ୟକୁ ସ୍ଥାନୀୟ ଲୋକେ ବିରୋଧ କରିବା ସହ କାମ ସଠିକ୍ ଭାବରେ କରାଯାଉ ବୋଲି ଦାବି କରିଛନ୍ତି ।