ସୁନ୍ଦରଗଡ : ନାଁକୁ ଖୋଲା ହୋଇଛି ଫାଇଲ୍, କାମ ନକରି ସରକାରଙ୍କ ଆକାଉଂଟରୁ ଲକ୍ଷ ଲକ୍ଷ ଟଙ୍କା ହଡପ
କନକ ବ୍ୟୁରୋ : ଦୁର୍ନୀତି କରିବାର ନୂଆ ଉପାୟ ଆପଣାଇଛନ୍ତି ସୁନ୍ଦରଗଡ ଜିଲ୍ଲା ସବଡେଗା ବ୍ଲକର କିଛି ଅସାଧୁ କର୍ମଚାରୀ । ନାଁକୁ ଖାଲି ଫାଇଲ୍ ଖୋଲା ହୋଇଛି, ଆଉ କାମ ନକରି ସରକାରଙ୍କ ଆକାଉଂଟରୁ ଲକ୍ଷ ଲକ୍ଷ ଟଙ୍କା ହଡପ କରିନେଇଛନ୍ତି । ଏହି ଅଭିଯୋଗ ଆସିଛି ସୁନ୍ଦରଗଡ ଜିଲ୍ଲାର ଦେଓଗାଁ ପଂଚାୟତ ଅନ୍ତର୍ଗତ ଲୁହୁରାପଡାରୁ ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ଅନୁଯାୟୀ ଲୁହୁରାପଡାରେ ଥିବା ଛୋଟ ଡ୍ୟାମର ସରପ୍ଲସ ନିର୍ମାଣ ପାଇଁ ପାଂଚ ଲକ୍ଷ ଟଙ୍କାର ଏଷ୍ଟିମେଟ କରାଯାଇଥିଲା । ଗାଁରେ ଗ୍ରାମସଭା କରି ଭିଲେଜ ଲେବଲ ଲିଡର ମଧ୍ୟ ନିଯୁକ୍ତି କରାଯାଇଥିଲା । ହେଲେ କାମ ନହୋଇ ମଧ୍ୟ ଦୁଇଟି ପର୍ଯ୍ୟାୟରେ ପାଂଚ ଲକ୍ଷ ଟଙ୍କା ଉଠାଇ ନିଆଯାଇଥିବା ଅଭିଯୋଗ କରିଥିଲେ ଗ୍ରାମବାସୀ ।
ଗ୍ରାମବାସୀଙ୍କଠାରୁ ଏହି ଅଭିଯୋଗ ପାଇବା ପରେ ଗ୍ରାଉଣ୍ଡ ଜିରୋରୁ ସ୍ଥିତି ପରଖିଥିଲା କନକ ନ୍ୟୁଜ୍ । ଆଉ କନକ ନ୍ୟୁଜ୍ କ୍ୟାମରୋ କଏଦ କରିଥିଲା ଏହି ଡ୍ୟାମଟିର ବାସ୍ତବ ଚିତ୍ର । ଡ୍ୟାମଟି ଏବେ ବି ସେମିତି ଭଙ୍ଗା ଦଦରା ଅବସ୍ଥାରେ ପଡିରହିଛି । ଯାହା ବୟାନ କରୁଛି କିଭଳି ହୋଇଛି କାର୍ଯ୍ୟ, ଆଉ ସରକାରୀ ଟଙ୍କାକୁ କିଭଳି ଚଳୁ କରିଛନ୍ତି ସରକାରୀ ବାବୁ । ତେବେ ଏହି ଅଭିଯୋଗକୁ ଗୁରୁତର ସହ ଗ୍ରହଣ କରିଛନ୍ତି ସୁନ୍ଦରଗଡ ଜିଲ୍ଲାପାଳ । ଆଉ ତଦନ୍ତ ନିର୍ଦ୍ଦେଶ ଦେଇଛନ୍ତି । କହିଛନ୍ତି ଦୁନୀତିର ପ୍ରମାଣ ମିଳିଲେ ଦୃଢ଼ କାର୍ଯ୍ୟନୁଷ୍ଠାନ ଗ୍ରହଣ କରାଯିବ ।