ହ୍ୱାଟସଆପକୁ କଡ଼ା ଟକ୍କର ! ପେଟିଏମ ଲଂଚ କଲା ଇନବକ୍ସ ସର୍ଭିସ । ଅର୍ଥ କାରବାର ସହ ଚାଟ ବି କରିପାରିବେ ଗ୍ରାହକ
ମୋବାଇଲ ୱାଲେଟ କଂପାନୀ ପେଟିଏମ ନିଜର ମୋବାଇଲ ଆପରେ ଚାଟ ସର୍ଭିସର ସୁବିଧା ଆରମ୍ଭ କରିବାକୁ ଘୋଷଣା କରିଛି । ଯାହାଦ୍ୱାରା ଗ୍ରାହକମାନେ ଏବେ ମେସେଜ ଜରିଆରେ ବି ନିଜର ବନ୍ଧୁମାନଙ୍କ ସହିତ ଟଙ୍କା କାରବାର କରିପାରିବେ ଏବଂ କଂପାନୀ ଏହି ସେବାର ନାଁ ରଖିଛି ‘ଇନବକ୍ସ’ । ତେବେ ହ୍ୱାଟସଆପକୁ ଟକ୍କର ଦେବା ପାଇଁ କଂପାନୀ ଏହି ପଦକ୍ଷେପ ଉଠାଇଛି । ସେପଟେ ହ୍ୱାଟସଆପ ମଧ୍ୟ ଭାରତରେ ନିଜର ୟୁପିଆଇ ସର୍ଭିସକୁ ଖୁବ୍ ଶୀଘ୍ର ଲଂଚ କରିବାକୁ ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପେଟିଏମ ବିଶ୍ୱର ସବୁଠାରୁ ବଡ ମେସେଜିଂ ସର୍ଭିସ ହ୍ୱାଟସଆପକୁ ଟକ୍କର ଦେବା ପାଇଁ ଏକ ଲାଇଫ ଲୋକେସନ ଫିଚର ଆରମ୍ଭ କରିଛି । ଏମିତିରେ ତ ଆପଣ ହ୍ୱାଟସାପରେ ପୂର୍ବରୁ ବି ନିଜର ବର୍ତ୍ତମାନର ଲୋକେସନ ପଠାଇପାରୁଥିଲେ । ହେଲେ ତାହା ଲାଇଫ ଅପଡେଟ ହେଉନଥିଲା । ଏବେ ଏହି ନୂଆ ଫିଚର ଜରିଆରେ ଆପଣ କାହାକୁ ବି ନିଜର ଲାଇଫ ଲୋକେସନ ପଠାଇ ପାରିବେ । ଯାହା ଲଗାତର ଭାବେ ଆପଣଙ୍କର ଲୋକେସନ ସଂପର୍କରେ ତାଙ୍କୁ ଅବଗତ କରାଉଥିବ । ଏପରି ନୁହେଁ କି ଥରେ ସେୟାର କରିବା ପରେ ସବୁବେଳେ ଆପଣଙ୍କର ଲୋକେସନ ସଂପର୍କରେ ତାହା ତାଙ୍କୁ ଅବଗତ କରାଉଥିବ । ଏହି ଫିଚରଟି କିଛି ସମୟ ପାଇଁ କାମ କରିବ । ଯାହାପରେ ଯଦି ଆପଣ ପୁଣି ଥରେ ଲାଇଫ ଲୋକେସନ ଜଣାଇବାକୁ ଚାହୁଁଛନ୍ତି ତେବେ ଆପଣଙ୍କୁ ପୁଣି ଥରେ ତାକୁ ସେୟାର କରିବାକୁ ପଡିବ । ହ୍ୱାଟସଆପ ମୁତାବକ, ଆପଣ କୌଣସି ବି ଚାଟ କିମ୍ବା ଗ୍ରୁପରେ ନିଜର ଲାଇଫ ଲୋକେସନ ପଠାଇପାରିବେ ।
ପେଟିଏମ ନିଜର ଏହି ସର୍ଭିସକୁ ବର୍ତ୍ତମାନ ଆଣ୍ଡ୍ରଏଡରେ ଲଂଚ କରିଛି । ଖୁବ୍ ଶୀଘ୍ର ହିଁ କଂପାନୀ ଏହାକୁ ଆଇଓଏସରେ ମଧ୍ୟ ଆରମ୍ଭ କରିଦେବ । ଏହି ସର୍ଭିସରେ ଚାଟ କରିବା ବ୍ୟତୀତ ଯାହାବି କ୍ୟାସବ୍ୟାକ ଅଫର ଚାଲୁଥିବ ସେ ସଂପର୍କରେ ନୋଟିଫିକେସନ ମଧ୍ୟ ଆପଣଙ୍କ ମୋବାଇଲକୁ ପଠାଇଦେବ । ଏହି ସର୍ଭିସ ଜରିଆରେ ୟୁଜର ଟଙ୍କା କାରବାର ସହିତ ପରପ୍ସର ମଧ୍ୟରେ କଥାବାର୍ତ୍ତା ବି କରିପାରିବେ । ଏହି ସର୍ଭିସର ବ୍ୟବହାର କରିବା ପାଇଁ ଆପଣଙ୍କୁ କେବଳ ଆପଣଙ୍କର ଫୋନରେ ପେଟିଏମର ଆପକୁ ଡାଉନଲୋଡ କରିବାକୁ ପଡିବ ।
ଏହାପରେ ତାକୁ ଇନଷ୍ଟଲ କରିବାକୁ ପଡିବ । ଏହାପରେ ଚାଟ ଆପରେ ଆପଣଙ୍କର ମୋବାଇଲ ଫୋନରେ ଯେତେବି ନମ୍ବର ପେଟିଏମ ସହ ଲିଙ୍କ ଥିବ ତାଙ୍କର ନାଁ ଚାଲି ଆସିବ । ଏହାପରେ ଆପଣ ସେମାନଙ୍କ ସହ କଥା ହେବା ସହ ଫଟୋ ଗ୍ୟାଲେରୀ, କ୍ୟାମେରା ସହାୟତାରେ ଫଟୋ କମ୍ବା ଭିଡିଓ ରେକର୍ଡିଂ ଆଦି ପଠାଇ ବି ପାରିବେ ।
ସୌଜନ୍ୟ: ଅମର ଉଜାଲା