ରାସ୍ତାରେ ଆଉ ଗଡିବନାହିଁ ବିଏସ-୪ ଯାନବାହନ ! ଖୁବ୍ ଶୀଘ୍ର ବନ୍ଦ ହେବ ରେଜିଷ୍ଟର
ବାୟୁମଣ୍ଡଳରେ ଗାଡି ମୋଟର ଆଦିର ସଂଖ୍ୟା ବୃଦ୍ଧି ଯୋଗୁଁ ପରିବେଶ ପ୍ରଦୂଷଣ ଦୃତମାତ୍ରାରେ ବଢିବାରେ ଲାଗିଛି । ଏହାଯୋଗୁଁ ଲୋକମାନଙ୍କୁ ଅନେକ ସମସ୍ୟାର ସମ୍ମୁଖୀନ ହେବାକୁ ପଡୁଛି । ତେଣୁ ଏହି ସମସ୍ୟାର ସମାଧାନ ପାଇଁ ସରକାର ଏକ ନୂଆ ପଦକ୍ଷେପ ନେବା ଲାଗି ଚେଷ୍ଟା ଚଳାଇଛନ୍ତି । ଯାନବାହନରୁ ନିର୍ଗତ ଧୂଆଁ କାରଣରୁ ହେଉଥିବା ପ୍ରଦୂଷଣକୁ ରୋକିବା ପାଇଁ ସରକାର ଏକ ବଡ ପଦକ୍ଷେପ ନେବାକୁ ଯାଉଛନ୍ତି । ୧ ଅପ୍ରେଲ ୨୦୨୦ପୂର୍ବରୁ ନିର୍ମିତ ହୋଇଥିବା ବିଏସ-୪ ଯାନବାହନ ଗୁଡିକର ରେଜିଷ୍ଟ୍ରେସନ ୩୦ଜୁନ,୨୦୨୦ପରେ ରୋକାଯିବା ଲାଗି କେନ୍ଦ୍ରୀୟ ମୋଟର ବାହନ ନିୟମରେ ସଂଶୋଧନ ଲାଗି ସୂଚନା ଜାରି କରାଯାଇଛି । ଗତ ବର୍ଷ ସରକାର ଅପ୍ରେଲ ୧,୨୦୨୦ସୁଦ୍ଧା ୟୁରୋ-୬ ଥିବା ଇନ୍ଧନ ଆପୁର୍ତ୍ତିକୁ ରୋକିବା ଲାଗି ନିଷ୍ପତ୍ତି ନେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ରୀୟ ଯାନବାହନ ନିୟମକୁ ସଂଶୋଧନ ପାଇଁ ବର୍ତ୍ତମାନର ଅଧିସୂଚନାକୁ ଜାରି କରିବା ଲାଗି ସଡକ ପରିବହନ ଏବଂ ରାଜମାର୍ଗ ମନ୍ତ୍ରାଳୟରେ ହିତାଧିକାରୀ, ପ୍ରଭାବିତ ବ୍ୟକ୍ତିି ଏବଂ ଜନସାଧାରଣ ଜନତାଙ୍କଠାରୁ ୨୦ଡିସେମ୍ବର ମଧ୍ୟରେ ଆପତି ଏବଂ ସ୍ପଷ୍ଟୀକରଣର ସୂଚନା ମାଗିଛନ୍ତି । ଅଧିସୂଚନାରେ ଏହି ନିୟମକୁ କେନ୍ଦ୍ରୀୟ ମୋଟର ବାହନ ନିୟମ ୨୦୧୭ରେ କୁହାଯିବ ଏବଂ ଅଧିକାରୀ ରାଜପତ୍ରରେ ଅନ୍ତିମ ପ୍ରକାଶ ତିଥିରୁ ହିଁ ଏହି ନିୟମ ଲାଗୁ କରାଯିବ । ୧ଅପ୍ରେଲ,୨୦୨୦ ପୂର୍ବରୁ ନିିର୍ମିତ ଭାରତ ଷ୍ଟେଜ-୪ ନୂଆ ବାହନ୩୦ଜୁନ,୨୦୨୦ ପରେ ରେଜିଷ୍ଟର ହୋଇବନାହିଁ ବୋଲି ଅଧିସୂଚନାରେ କୁହାଯାଇଛି ।
ବିଏସ-୪ ବାହନ ୧ଅପ୍ରେଲ,୨୦୨୦ପୂର୍ବରୁ ନିର୍ମିତ ଏମ ଏବଂ ଏନ ଶ୍ରେଣୀର ନୂଆ ବାହନ, ଯାହାକି ଲୋକଙ୍କ ଚାହିଦାକୁ ନେଇ ବିକ୍ରି ହୋଇଥାଏ ,୩୦ସେପ୍ଟମ୍ବର ପରେ ଏହାର ପଞ୍ଜୀକୃତ ହୋଇପାରିବ ନାହିଁ । ଚାରି ଚକ ବିଶିଷ୍ଟ ବାହନ ଗୁଡିକ ‘ଏମ’ଶ୍ରେଣୀର ଅନ୍ତର୍ଭୂକ୍ତ ଅଟେ ଏବଂ ଯେଉଁ ବାହନ ଚାରିଚକିଆ ବିଶିଷ୍ଟ ମାତ୍ର ମାଲଗାଡି ରୁପେ ବ୍ୟବହୃତ ହୁଏ ଏଗୁଡିକ ‘ଏନ’ଶ୍ରେଣୀୟ ଅନ୍ତର୍ଭୂକ୍ତ ବୋଲି ମଧ୍ୟ ଏହି ଅଧିସୂଚନାରେ ଦର୍ଶାଯାଇଛି ।