ଅଚଳ ନୋଟର ଚଢାଉ : ଗୁପ୍ତ ଗାଧୁଆ ଘରୁ ଜବତ ୫.୭ କୋଟିର ନୂଆ ନୋଟ୍
ବିମୁଦ୍ରାକରଣର ପ୍ରଭାବରେ ସାଇତି ରଖିଥିବା କଳାଟଙ୍କାକୁ ରଖିବା ନେଇ ଲୋକଙ୍କର ବୁଦ୍ଧିବଣା । କିଏ ନୋଟ ବିଡାକୁ ନାଳରେ ଫୋପାଡି ଦେଉଛିତ କିଏ ଜାଳି ଦେଉଛି । ଏମିତି ସ୍ଥିତି ଦେଖିବାକୁ ମିଳୁଛି । ବିମୁଦ୍ରାକରଣକୁ ଇତିମଧ୍ୟରେ ମାସେ ପୂରିଥିବା ବେଳେ ବିଭିନ୍ନ ସ୍ଥାନରେ ଆୟକର ଚଢାଉ ଜୋରଦାର୍ ହେବାରେ ଲାଗିଛି । ଏମିତି ଏକ ଚଢାଉ କର୍ଣ୍ଣାଟକରେ ହୋଇଛି । ଏକ ଗୁପ୍ତ ଗାଧୁଆ ଘରୁ ଜବତ ହୋଇଛି ୫.୭ କୋଟି ଟଙ୍କା ଓ ୩୨ କେଜି ସୁନା ।
Kanak News is now on WhatsApp
Join and get latest news updates delivered to you via WhatsApp
ଆୟକର ଅଧିକାରୀମାନେ କର୍ଣ୍ଣାଟକର ଚଲାକେରେଠାରେ ଜଣେ ହାଓଲା ଅପରେଟରଙ୍କ ଗୁପ୍ତ ଗାଧୁଆଘରୁ ୫.୭ କୋଟି ଟଙ୍କାର ନୂଆ ନୋଟ୍ , ୩୨ କିଲୋଗ୍ରାମ୍ ସୁନା ଓ ୯୦ ଲକ୍ଷର ପୁରୁଣା ନୋଟ ଜବତ କରିଛନ୍ତି । ଗୋଇନ୍ଦା ଏଜେନ୍ସିଗୁଡିକ ନିକଟରୁ ସୂଚନା ପାଇ ଅଧିକାରୀମାନେ ଏହି ଚଢାଉ କରିଥିବା ଜଣାପଡିଛି ।
ଗତ ସସ୍ତାହରେ ଆୟକର ଅଧିକାରୀମାନେ ଚେନ୍ନାଇର ୩ଜଣ ବ୍ୟବସାୟୀଙ୍କ ବାସଭବନ ଉପରେ ଚଢାଉ କରିଥିଲେ । ସେମାନଙ୍କ ନିକଟରୁ ୧୪୨ କୋଟିର ନଗଦ ଟଙ୍କା ଓ ସୁନା ଜବତ କରାଯାଇଥିଲା ।
ଏହା ସହ ଦେଖନ୍ତୁ ଏହି ଭିଡିଓ –