ଗୁଜୁରାଟରେ ଗାଈ ସହ ସେଲଫି ! ନବରାତ୍ରିରେ କଣ୍ଡୋମ କଂପାନୀଙ୍କ ସେକ୍ସ ବିଜ୍ଞାପନ ବେଳେ ସରକାର ପ୍ରଚାର କଲେ ଗୋସେବା
ଗୁଜୁରାଟ : ଗୁରୁବାର(୨୧ ସେପ୍ଟେମ୍ବର ) ଶାରଦୀୟ ନବରାତ୍ରୀର ପ୍ରଥମ ଦିନ ଥିଲା । ଦେଶର ଅନ୍ୟ ଅଂଚଳ ଠାରୁ ଖୁବ୍ ଅଲଗା ଗୁଜୁରାଟରେ ନବରାତ୍ରିର ଅବସରରେ ୯ଦିନ ଯାଏ ଦେବୀ ପୂଜା ଓ ଗରବାର ଆୟୋଜନ ହୋଇଥାଏ । କିନ୍ତୁ ଏହି ନବରାତ୍ରିରେ ଗୁଜୁରାଟ ସରକାରଙ୍କର ଏକ ଖାସ୍ ବିଷୟ ଏବେ ଚର୍ଚ୍ଚାର ଖୋରାକ୍ ଯୋଗାଇଛି । ଭାଇବ୍ରାଣ୍ଟ ନବରାତ୍ରି ମହୋତ୍ସବରେ ଲାଗିଥିବା କଳା ଏବଂ ହସ୍ତଶିଳ୍ପ ପ୍ରଦର୍ଶନରେ ‘ ସେଲଫି ୱିଥ୍ ସରସ୍ୱତୀ’ ସମସ୍ତଙ୍କର ଧ୍ୟାନ ଆକର୍ଷଣ କରୁଛି । ରାଜ୍ୟର ଚର୍ଚ୍ଚିତ ଗୋଭକ୍ତ ବିଜୟ ପ୍ରସନ୍ନାଙ୍କ ଗାଈର ଚାରି ମାସର ବାଛୁରୀ ସରସ୍ୱତୀ ଅଟେ । ପ୍ରଦର୍ଶନୀରେ ସରସ୍ୱତୀକୁ ଚାନ୍ଦିର ଘୁଂଗୁର ଓ ଘଂଟି ପିନ୍ଧାଇ ଷ୍ଟଲ ନଂ ୭୫ର ମଂଚରେ ରଖାଯାଇଛି । ରାଜ୍ୟର ଗୋ-ସେବା ବୋର୍ଡ ଲୋକଙ୍କୁ ସରସ୍ୱତୀଙ୍କ ସହ ସେଲଫି ନେବା ପାଇଁ ପ୍ରେରିତ କରୁଛନ୍ତି । ଏହି ପ୍ରଦର୍ଶନୀ ଅହମ୍ମଦାବାଦର ଜିଡିଏମସି ଗ୍ରାଉଣ୍ଡରେ ଚାଲୁଅଛି । ଆଉ ବହୁ ସଂଖ୍ୟାରେ ଜନସମାଗମ ମଧ୍ୟ ହେଉଛିା
Kanak News is now on WhatsApp
Join and get latest news updates delivered to you via WhatsApp
ବିଜୟ ପ୍ରସନ୍ନା ଏଥିରେ ପ୍ରଥମେ ନିଜର ଗାଈଙ୍କ ବିବାହ ଧୁମଧାମରେ କରିବା କାରଣରୁ ଚର୍ଚ୍ଚାକୁ ଆସିଛନ୍ତି । ଟାଇମ୍ସ ଅଫ୍ ଇଣ୍ଡିଆ ର ଖବର ଅନୁସାରେ ଏହି ସେଲଫି ଅଭିଯାନର ଆରମ୍ଭ ବିଜେପି ନେତା ବଲ୍ଲଭ କଥାରିଆ କରିଛନ୍ତି । କଥାରିଆ ଗୁଜୁରାଟ ଗୋସେବା ଆୟୋଗ ଓ ଗୈାଚର ବିକାଶ ବୋର୍ଡର ଅଧ୍ୟକ୍ଷ । ରିପୋର୍ଟ ଅନୁସାରେ ପ୍ରଥମେ ଏହି ପ୍ରମୁଖ ସେଲଫି ଅଭିଯାନର ଶୁଭାରମ୍ଭ ରାଜ୍ୟର ସିଏମ୍ ବିଜୟ ରୁପାନୀ କରିଥାନ୍ତେ । କିନ୍ତୁ ସେ ଆସିପାରିନଥିଲେ ।
କଥାରିଆ ଟାଇମ୍ସ ଅଫ୍ ଇଣ୍ଡିଆକୁ କହିଛନ୍ତି , ଆଜିର ଯୁବପିଢି ହିନ୍ଦୀ ସଂସ୍କୃତି ଓ ପରମ୍ପରାରେ ଗାଈର ମହତ୍ୱକୁ ବୁଝିପାରିନାହାଁନ୍ତି । କଥାରିଆଙ୍କ ଅନୁସାରେ ଗୋସେବା ବୋର୍ଡ ‘ସେଲଫି ୱିଥ୍ ସରସ୍ୱତୀ’ ଜରିଆରେ ଯୁବପିଢିଙ୍କ ହୃଦୟରେ ଗାଈଙ୍କ ପ୍ରତି ପ୍ରେମ ଓ ସମ୍ମାନ ଜଗାଇବାକୁ ଚାହୁଁଛନ୍ତି । ରିପୋର୍ଟ ଅନୁସାରେ , ପ୍ରଦର୍ଶନୀକୁ ଆସୁଥିବା କିଛି ଲୋକ ବାଛୁରୀ ସରସ୍ୱତୀ ସହ ସେଲଫି ନେଉଥିବାର ନଜର ଆସିଛି । ଏହା ପୂର୍ବରୁ ଗୁଜୁରାଟରେ ଏକ କଣ୍ଡୋମ କଂପାନୀ ସନ୍ନି ଲିଓନଙ୍କ ବି ଜ୍ଞାପନ ସହ ନବରାତ୍ରିର ଶୁଭକାମନା ଦେଇଥିଲେ । ଯାହାକୁ ନେଇ ବିବାଦ ମୁଣ୍ଡ ଟେକିଥିଲା । ଆଉ ଚାରିଆଡେ ଏ ବିଷୟରେ ଆଲୋଚନା ହୋଇଥିଲା । ଏବେ କୁହାଯାଉଛି ସେହି ବିଜ୍ଞାପନ ବିରୋଧରେ ଏହି ସେଲଫି କାର୍ଯ୍ୟକ୍ରମ ଏକ ସଫଳ ଉଦ୍ୟମ ।
(ସୌଜନ୍ୟ- ଜନସତ୍ତା)