ସ୍କୁଲ ବ୍ୟାଗରେ ପୂର୍ବତନ ମୁଖ୍ୟମନ୍ତ୍ରୀ ! ଗୁଜୁରାଟରେ ବଣ୍ଟାଯାଇଥିବା ସ୍କୁଲ୍ ବ୍ୟାଗରେ ଅଖିଳେଶଙ୍କ ଫଟୋ
ସରକାରୀ ସ୍କୁଲରେ ଅଧିକରୁ ଅଧିକ ପିଲାଙ୍କୁ ପାଠ ପଢିବା ପାଇଁ ଆକୃଷ୍ଟ କରିବା ନିମନ୍ତେ ଗୁଜୁରାଟ ସରକାରଙ୍କ ପକ୍ଷରୁ ପ୍ରବେଶ ଉତ୍ସବ କରାଯାଉଛି । ତେବେ ଏହି ଅବସରରେ ଦେଖାଦେଇଛି ଏକ ଭିନ୍ନ ଦୃଶ୍ୟ । ଉତ୍ସବ ଅବସରରେ ପିଲାମାନଙ୍କୁ ନିକଟରେ ୧୨ହଜାର ସ୍କୁଲ ବ୍ୟାଗ୍ ବଣ୍ଟାଯାଇଥିଲା ବେଳେ ଏହି ବ୍ୟାଗରେ ଷ୍ଟିକରିଂ ହୋଇଥିଲା ଉତ୍ତର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବଙ୍କ ଫଟୋ । ଆଉ ଫଟୋ ତଳେ ଲେଖା ହୋଇଥିଲା ‘ଖୁବ୍ ପଢ଼ାଓ, ଖୁବ୍ ବଢ଼ାଓ ’ ।
Kanak News is now on WhatsApp
Join and get latest news updates delivered to you via WhatsApp
ଛୋଟା ଉଦେପୁର ଜିଲ୍ଲା ପଂଚାୟତ ପକ୍ଷରୁ ଏକ ଆଦିବାସୀ ବହୁଳ ଗ୍ରାମ ସାଙ୍ଖେଡାରେ ପିଲାଙ୍କ ନାମ ଲେଖା ପାଇଁ ଏକ ଅଭିଯାନ କରାଯାଇଥିଲା । ଏହି ଅବସରରେ ବଣ୍ଟାଯାଇଥିବା ସ୍କୁଲ୍ ବ୍ୟାଗରେ ଅଖିଲେଶଙ୍କ ଫଟୋ ଥିଲା । ଜଣେ ଅଧିକାରୀଙ୍କ କହିବା ଅନୁସାରେ ଗୁଜୁରାଟ ଶିକ୍ଷା ବିଭାଗ ପକ୍ଷରୁ ସୁରତର ଏକ ଫାର୍ମକୁ ବ୍ୟାଗ ପାଇଁ ଅର୍ଡର ଦିଆଯାଇଥିଲା । ଏଥିରେ ଗୁଜୁରାଟ ଶିକ୍ଷା ବିଭାଗର ଫଟୋ ଲାଗିବାକୁ ନିର୍ଦ୍ଦେଶ ମଧ୍ୟ ଥିଲା । ତେବେ ଫଟୋରେ ଅଖିଲେଶ ଥିବା ଦେଖିବାକୁ ମିଳିଛି । ହୋଇପାରେ ପୂର୍ବରୁ ଉତ୍ତର ପ୍ରଦେଶ ସରକାରଙ୍କ ନିର୍ଦ୍ଦେଶ କ୍ରମେ ଏହି ସଂସ୍ଥା ବ୍ୟାଗ୍ ଯୋଗାଉଥିଲା ବେଳେ କିଛି ବଳିଯାଇଥିବାରୁ ଏଠାକୁ ପଠାଇଦେଇଛି । ଶିକ୍ଷା ବିଭଅଗର ପ୍ରମୁଖ ସଚିବ ସୁନୈନା ତୋମାର୍ କହିଛନ୍ତି ଯେ, ଆମେ ଏହି ଘଟଣାର ତଦନ୍ତ ପାଇଁ ନିର୍ଦ୍ଦେଶ ଦେଇଛୁ , ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।