ପିଲାଙ୍କ ଦେହରେ ହାତ ଦେଇପାରିବେନି ଅଭିଭାବକ, ଏନେଇ ବାପାମାଆଙ୍କୁ ଥାନାକୁ ଟାଣିପାରିବେ ସନ୍ତାନ । ଦୋଷୀ ସାବ୍ୟସ୍ତ ହେଲେ ହୋଇପାରେ ୧୦ ବର୍ଷ କାଳ ଜେଲ ଦଣ୍ଡାଦେଶ
ଭାରତୀୟ ସମ୍ବିଧାନରେ ପ୍ରତ୍ୟେକ ନାଗରିକଙ୍କୁ ୬ଟି ଅଧିକାର ପ୍ରଦାନ କରାଯାଇଛି । ଯେଉଁ ଅଧିକାର ବଳରେ ଦେଶର ପ୍ରତ୍ୟେକଟି ବ୍ୟକ୍ତିକୁ ସମାଜରେ ସମ୍ମାନର ସହ ବଂଚିବାର ପୂରା ସ୍ୱାଧିନତା ରହିଛି । ଆଜି ଆମେ ଆପଣଙ୍କୁ ଏଭଳି ହିଁ କିଛି ଅଧିକାର ସଂପର୍କରେ ଅବଗତ କରାଇବୁ, ଯାହା ଆପଣଙ୍କ କାମରେ ନିଶ୍ଚୟ ଆସିପାରେ । ତେବେ ଆସନ୍ତୁ ଜାଣିବା ..
Kanak News is now on WhatsApp
Join and get latest news updates delivered to you via WhatsApp
ଶିଶୁ ଅଧିକାର
ଗର୍ଭରେ ବଢୁଥିବା ଶିଶୁର ଅଧିକାର
ଆମ ଦେଶରେ ଶିଶୁଙ୍କୁ ମାଆ ଗର୍ଭରୁ ହିଁ ସଂରକ୍ଷଣ ମିଳିଯାଇଥାଏ । ଭ୍ରୁଣ ହତ୍ୟା ଏବଂ ଜନ୍ମ ପୂର୍ବରୁ ଲିଙ୍ଗ ନିରୂପଣ ଉପରେ ରୋକ ଲଗାଇବା ପାଇଁ ୧୯୯୬ରେ ପିସିପିଏନଡିଟି ନିୟମ ପ୍ରଣୟନ କରାଯାଇଥିଲା । ଯାହା ଅନୁଯାୟୀ ଜନ୍ମ ପୂର୍ବରୁ ଲିଙ୍ଗ ନିରୂପଣ କରିବା ଏବଂ ଗର୍ଭପାତ ଉପରେ ରୋକ୍ ଲଗାଯାଇଛି । ଏପରିକି ଏଭଳି କାମରେ ଲିପ୍ତ ଥିବା ଉଭୟ ଡାକ୍ତର କିମ୍ବା ଲ୍ୟାବ କର୍ମୀଙ୍କ ପାଇଁ ଦଣ୍ଡବିଧାନର ମଧ୍ୟ କଡା ଆଇନ ରହିଛି ।
ଶିକ୍ଷାଗତ ଅଧିକାର
ପିଲାଙ୍କୁ ବାଧ୍ୟତାମୂଳକ ଶିକ୍ଷା ଦେବା ଉଦ୍ଦେଶ୍ୟରେ ୧ ଏପ୍ରିଲ ୨୦୧୦ରେ କେନ୍ଦ୍ର ସରକାର ଶିକ୍ଷାଗତ ଅଧିକାର ଆଇନ୍ ପ୍ରସ୍ତୁତ କରିଛନ୍ତି । ସମ୍ବିଧାନର ଅନୁଚ୍ଛେଦ ୨୧ଏ ଅନୁଯାୟୀ ୬ ବର୍ଷରୁ ୧୪ ବର୍ଷ ବୟସର ପିଲାଙ୍କର ଶିକ୍ଷା ବାଧ୍ୟତାମୂଳକ ଅଟେ । ଏହି ନିୟମ ପ୍ରଣୟନ ହେବା ପରେ ପ୍ରତ୍ୟେକଟି ଶିଶୁ ପ୍ରାରମ୍ଭିକରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ମାଗଣା ଏବଂ ବାଧ୍ୟତାମୂଳକ ରୂପରେ ପାଠପଢିବ । ତାଙ୍କୁ ନିଜ ଅଂଚଳରେ ଥିବା ଆଖପାଖ ବିଦ୍ୟାଳୟରେ ନାମଲେଖାଇବାର ପୂରା ଅଧିକାର ପ୍ରଦାନ କରାଯାଇଛି । ତେବେ ଏହି ଆଇନ ଅନୁସାରେ ସ୍କୁଲରୁ ପିଲାର ନାଁ କାଟିବା ଅପରାଧ ଭାବେ ବିବେଚନା କରାଯିବ ।
ଶିଶୁ ଶ୍ରମିକ ବିରୋଧରେ ସୁରକ୍ଷା
୨୬ ଜୁଲାଇ ୨୦୧୬, ଲୋକସଭା ଗୃହରେ ଶିଶୁ ଶ୍ରମିକ ନିଷେଧ ଏବଂ ବିନିୟମ ସଂଶୋଧନ ବିଧେୟକ ୨୦୧୬ ପାରିତ କରାଯାଇଥିଲା । ଯାହା ଅନୁଯାୟୀ ୧୪ ବର୍ଷରୁ କମ ବୟସର ପିଲାଙ୍କ ଦ୍ୱାରା ବ୍ୟବସାୟୀକ କିମ୍ବା ଶିଳ୍ପାଂଚଳରେ କାମ କରାଇବା ସଂଜେ୍ଞୟ ଅପରାଧ ଭାବେ ବିବେଚନା କରାଯିବ । ସେହିପରି ୧୪ରୁ ୧୬ ବର୍ଷ ବୟସର ପିଲାଙ୍କୁ କୌଣସି ବି ବିପଦଜ୍ଜନକ କାରଖାନା ବା ସ୍ଥାନରେ କାମ ନକରାଇବା ଉଚିତ । ଏଭଳି କରିବା ଦ୍ୱାରା ୩ ବର୍ଷ କାଳ ଜେଲଦଣ୍ଡାଦେଶ ସହ ଜରିମାନା ଦେବାର ବି ନିୟମ ରହିଛି ।
ନିର୍ଯାତନାରୁ ରକ୍ଷା ପାଇବାର ଅଧିକାର
ବାପା-ମାଆଙ୍କ ଦ୍ୱାରା କୌଣସି ବି ପ୍ରକାରର ନିର୍ଯାତନାର ଶିକାର ହେଉଥିବା ଶିଶୁ, ଜୁଭେନାଇଲ ଆଇନ ଅନୁଯାୟୀ ସେମାନଙ୍କ(ବାପାମାଆ)ଙ୍କ ବିରୋଧରେ ପୁଲିସ ନିକଟରେ ଅଭିଯୋଗ କରିପାରିବେ । ସେହିପରି ଅଭିଭାବକଙ୍କ ଦ୍ୱାରା ପ୍ରତାଡିତ ହେଉଥିବା ସମୟରେ ଯଦି କୌଣସି ଶିଶୁକୁ ଆଘାତ ଲାଗିଯାଏ ତେବେ ଆଇପିସି ଆକ୍ଟର ଧାରା ୩୨୩,୩୨୪ ଏବଂ ୩୨୬ ଅନୁଯାୟୀ ମାମଲା ରୁଜୁ ହେବ । ଜୁଭେନାଇଲ ଆଇନ ଅନୁଯାୟୀ ଦୋଷୀ ସାବ୍ୟସ୍ତ ହେଲେ ବାପାମାଆଙ୍କୁ ୧୦ ବର୍ଷ କାଳ ଜେଲ ଦଣ୍ଡାଦେଶ ହୋଇପାରେ ।