ଲାଲ ବତି ଜଳୁଥିବା ସମୟରେ ଆପଣ କରୁଛନ୍ତି କି ଏଭଳି କିଛି କାମ ? ତେବେ ସାବଧାନ ! ଏଣିକି ଆପଣଙ୍କ ପକେଟରୁ ଯିବ ହଜାରେ ଟଙ୍କା
ବଡ ବଡ ସହରମାନଙ୍କରେ ସବୁଠାରୁ ବଡ ସମସ୍ୟା ହେଲା ଟ୍ରାଫିକ୍ ବ୍ୟବସ୍ଥା । ଯାହାକୁ ନିୟନ୍ତ୍ରଣ କରିବା ଖୁବ କଷ୍ଟକର ହୋଇପଡେ । ମାତ୍ର ଲୋକଙ୍କର ସୁବିଧା ପାଇଁ ସହରର ପ୍ରତିଟି ଛକମାନଙ୍କରେ ଟ୍ରାଫିକ୍ ବ୍ୟବସ୍ତା କଡାକଡି କରାଯାଇଛି । ଏପରିକି ଯଦି କେହି ଏହାକୁ ଅବମାନନା କରନ୍ତି ତେବେ ତାଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଆପଣ ଦେଖିଥିବେ କି ବିଭିନ୍ନ ଛକମାନଙ୍କରେ ଟ୍ରାଫିକ୍ ପୁଲିସ ଜଗିଥାନ୍ତି । ଯିଏକି ଟ୍ରାଫିକ୍ ଜନିତ ସମସ୍ୟାକୁ ନିୟନ୍ତ୍ରଣ କରିଥାନ୍ତି । ଆଉ ଏଥସହିତ ଏଠାରେ ବି ଟ୍ରାଫିକ୍ ଲାଇଟ୍ ଲଗାଯାଇଥାଏ । ଯାହାର ସଙ୍କେତ ମିଳିବା କ୍ଷଣି ଯାନବାହନ ଚଳପ୍ରଚଳ କରିଥାନ୍ତି । ତେବେ ଏହି ବତି ଗୁଡିକର ମଧ୍ୟ ଏକ ନିର୍ଦ୍ଦିଷ୍ଟ ନିୟମ ରହିଛି । ଯାହା ସଂପର୍କରେ ବୋଧ ଆପଣଙ୍କୁ ଜ୍ଞାନ ଥିବ । ମାତ୍ର ଏସବୁ ମଧ୍ୟରେ ଯଦି ଆପଣ ଲାଲ ବତି ଜଳୁଥିବା ସମୟରେ ଗାଡିର କାଚ ଖୋଲି ଭିକାରୀଙ୍କୁ ଭିକ ଦେଉଛନ୍ତି କିମ୍ବା କୌଣସି ଜିନିଷ କିଣିଛନ୍ତି ତେବେ ଏଣିକି ଏସବୁ କାମ ଆପଣଙ୍କ ପାଇଁ ମହଙ୍ଗା ପଡିପାରେ ।
Kanak News is now on WhatsApp
Join and get latest news updates delivered to you via WhatsApp
କାରଣ ମୋଟର ଭେଇକିଲ୍ ନିୟମ ଆଧାରରେ ଲାଲ ବତି ଜଳୁଥିବା ସମୟରେ ଗାଡି କାଚ ଖୋଲିବା ଯାତାୟତ ନିୟମର ଉଲ୍ଲଘଂନ ଅଟେ । ଯେଉଁଥି ପାଇଁ ଆପଣଙ୍କୁ ମୋଟା ରକମର ଜରିମାନା ଦେବାକୁ ପଡିପାରେ । ଯଦି ଆପଣ ଏଭଳି କାମ କରୁଥିବାର ଧରା ପଡନ୍ତି ତେବେ ଏଥିପାଇଁ ଆପଣଙ୍କ ଉପରେ ପାଖାପାଖି ହଜାର ଟଙ୍କାର ଜରିମାନା ବାବଦକୁ ଲାଗିପାରେ । କ୍ରାସ ଗାର୍ଡ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବା ପରେ ପରେ ଏବେ ଦିଲ୍ଲୀ ପୁଲିସ ଅଭିଯାନ ଜାରି କରି ଲୋକଙ୍କୁ ସଚେତନ କରିବେ କି ସେମାନେ ଲାଲ ବତି ଜଳିବା ସମୟରେ ଗାଡିର କାଚକୁ ବନ୍ଦ ରଖିବାକୁ ।
ଏଠାରେ ଆମେ କହି ରଖୁଛୁ କି, କ୍ରାସ ଗାର୍ଡ ଦ୍ୱାରା ବଡ ବଡ ଦୁର୍ଘଟଣା ହେବାର ଭୟ ରହିଥାଏ । କାହିଁକି ନା କ୍ରାସ ଗାର୍ଡ ବ୍ୟବହାର ହେବା ଦ୍ୱାରା ଗାଡିର ଏୟାର ବ୍ୟାଗ ଖୋଲି ନଥାଏ ଏବଂ ଚାଳକଙ୍କର ମୃତ୍ୟୁ ମଧ୍ୟ ହେବାର ସମ୍ଭବନା ରହିଥାଏ ।