ସିଷ୍ଟୋମେଟିକ୍ ଇନଭେଷ୍ଟମେଂଟ ପ୍ଲାନ ତଥା ସିପ୍ ଜରିଆରେ ମ୍ୟୁଚୁଆଲ ଫଣ୍ଡରେ ନିବେଶ କରିବା ଏକ ଲୋକପ୍ରିୟ ବିକଳ୍ପ ଅଟେ । ସିପ୍ ଆଧାରରେ ପ୍ରତିମାସ ଏକ ନିର୍ଦ୍ଧାରିତ ପରିମାଣର ଅର୍ଥରାଶି ଆପଣଙ୍କ ଖାତାରୁ କଟିଯାଇଥାଏ ଏବଂ ଏହି ଅର୍ଥରାଶିର ୟୁନିଟ୍ ଆପଣଙ୍କୁ ଆଲର୍ଟ କରିଦିଆଯାଇଥାଏ । ହେଲେ ଅନେକ ସମୟରେ ପ୍ରତିମାସ ଚାଲୁଥିବା ଏହି ପ୍ରକ୍ରିୟା ଖାତାରେ ପର୍ଯ୍ୟାପ୍ତ ବାଲାନ୍ସ ନଥିବା କାରଣରୁ ଭାଙ୍ଗି ଯାଇଥାଏ । ଯାହାକି ଆପଣଙ୍କ ପାଇଁ ସମସ୍ୟା ସୃଷ୍ଟି କରିଥାଏ । ତେବେ ଅଧିକାଂଶ ସମୟରେ ଏଭଳି ସମସ୍ୟା ଦରମା ବିଳମ୍ବରେ ଆସିଲେ, ଲଗାଯାଇଥିବା କୌଣସି ଚେକ୍ କ୍ଲିଅର ନହେଲେ କିମ୍ବା ଖାତାରେ ପର୍ଯ୍ୟାପ୍ତ ପରିମାଣର ବାଲାନ୍ସ ନ ରହିବା କାରଣରୁ ଉପୁଜିଥାଏ । ତେଣୁ ଏଭଳି ପରିସ୍ଥିତିରେ ଆପଣ କଣ କରିବା ଉଚିତ ଆଜି ସେ ସଂପର୍କରେ ଆମେ ଆପଣଙ୍କୁ ଜଣାଇବାକୁ ଯାଉଛୁ । ତେବେ ଆସନ୍ତୁ ଜାଣିବା . . .
Kanak News is now on WhatsApp
Join and get latest news updates delivered to you via WhatsApp
ବ୍ୟାଙ୍କ ଶୁଳ୍କ
ଅଧିକାଂଶ ସମୟରେ ନୂଆ ନିବେଶକମାନଙ୍କୁ ଜଣା ନଥାଏ କି, ନିବେଶରେ ଲଗାଯାଇଥିବା ବ୍ୟାଙ୍କ ଖାତାରେ ପର୍ଯ୍ୟାପ୍ତ ବାଲାନ୍ସ ନଥିଲେ ବ୍ୟାଙ୍କ ଆପଣଙ୍କ ଉପରେ କେତେ ଟଙ୍କାର ଜରିମାନା ଲାଗାଇଥାଏ । ତେବେ ଏହି ଶୁଳ୍କ ପ୍ରତ୍ୟେକ ବ୍ୟାଙ୍କରେ ପୃଥକ ପୃଥକ ହୋଇଥାଏ । ଏଥିପାଇଁ ଚେଷ୍ଟା କରିବେ କି ସିପ, ଚେକ୍ କିମ୍ବା କୌଣସି ବି କିସ୍ତି, ଯାହାକି ଆପଣଙ୍କ ଖାତାରୁ କଟୁଛି ତା ଉପରେ କେତେ ଟଙ୍କା ଜରିମାନା ବାବଦକୁ ଲାଗିଛୁ ବୋଲି ଜାଣିବାକୁ ।
ଏସଏମଏସ ଏବଂ ଇ-ମେଲ ଆଲର୍ଟ
ପେମେଂଟ ହାଉସ କିମ୍ବା ବ୍ରୋକର୍ସ ଆପଣଙ୍କୁ ଏସଂପର୍କରେ ସୂଚିତ କରିବା ଉଦ୍ଦେଶ୍ୟରେ ଉଭୟ ଏସଏମଏସ କିମ୍ବା ଇ-ମେଲ ପଠାଇଥାନ୍ତି । ଏହି ମେସେଜ ଏସଆଇପିର ବ୍ୟାଙ୍କ ଖାତାରୁ କଟାଯିବା ନେଇ ପଠାଯାଇଥାଏ । ଏହାଦ୍ୱାରା ଏସଆଇପି ନିବେଶକ ସତର୍କ ହୋଇ ନିଜ ବ୍ୟାଙ୍କ ଖାତାରେ ପର୍ଯ୍ୟାପ୍ତ ଅର୍ଥରାଶି ରଖିବାକୁ ପଡିବ ।
ଷ୍ଟାଡିଂ ଇନଷ୍ଟ୍ରକସନ
ଅଧିକାଂଶ ନିବେଶକ ନିଜ ସାଲାରୀ ବ୍ୟାଙ୍କ ଆକାଉଂଟ ଏବଂ ନିବେଶ ପାଇଁ ଅଲଗା ଅଲଗା ବ୍ୟାଙ୍କ ଆକାଉଂଟ ରଖିଥାନ୍ତି । ବାରମ୍ବାର ଚାକିରି ପରିବର୍ତ୍ତନ ହେବା ଦ୍ୱାରା ତାଙ୍କର ଅନେକ ସାଲାରୀ ଖାତା ହୋଇଯାଇଥାଏ । ତେଣୁ ନିବେଶ ପାଇଁ ଅଲଗା ବ୍ୟାଙ୍କ ଖାତା ରଖିବା ଲାଭଜନକ ହୋଇଥାଏ । ଏହାକୁ ସୁନିଶ୍ଚିତ କରିବା ପାଇଁ ଷ୍ଟାଡିଂ ଇନଷ୍ଟ୍ରକସନ ଆପଣଙ୍କର ଏସଆଇପିର ଡ୍ୟୁ ଡେଟ୍ ପୂର୍ବରୁ ହିଁ ନିବେଶ ଖାତାରେ ପର୍ଯ୍ୟାପ୍ତ ପରିମାଣର ଟଙ୍କା ରଖିବାରେ ସହାୟତା ହୋଇଥାଏ ।
ଅନଲାଇନ ମାଧ୍ୟମର ବ୍ୟବହାର
ଯଦି ସମସ୍ତ ସାବଧାନତା ପରେ ବି କୌଣସି କାରଣରୁ ସିପ୍ ବାଉନ୍ସ ହୋଇଯାଏ ତେବେ ଏହାର ସୂଚନା ଆପଣ ଆପଣଙ୍କର ବ୍ୟାଙ୍କ ଏବଂ ଫଣ୍ଡ ହାଉସକୁ ନିଶ୍ଚୟ ରୂପେ ଅବଗତ କରାନ୍ତୁ । ଏଥିସହିତ ହିଁ ସିପ ବାବଦକୁ ଅର୍ଥ ରାଶିକୁ ଜମା କରି, ତାକୁ ନିୟମିତ ରୂପରେ ପୁଣି ଥରେ ଆରମ୍ଭ କରନ୍ତୁ । ମାତ୍ର ଥରେ ପେମେଂଟ ଭାଙ୍ଗି ଗଲେ ତାକୁ ବନ୍ଦ କରିବାକୁ ଆଦୌ ଚିନ୍ତା କରନ୍ତୁ ନାହିଁ ।