ଦୀପାବଳି ପୂର୍ବରୁ ବେଆଇନ୍ ବାଣ କାରଖାନା ଉପରେ ଚଢାଉ । ୬ଜଣଙ୍କୁ ଗିରଫ କରିବା ସହ ୬ଲକ୍ଷ ଟଙ୍କାର ବାଣ ଜବତ କଲା ପୋଲିସ
୬ଜଣଙ୍କୁ ପୋଲିସ ଗିରଫ କରିବା ସହିତ ପ୍ରାୟ ୬ ଲକ୍ଷ ଟଙ୍କାର ବାଣ ଓ ଅନ୍ୟ ସାମଗ୍ରୀ ଜବତ କରିଛି।
କନକ ବ୍ୟୁରୋ: ଦୀପାବଳି ପୂର୍ବରୁ ବେଆଇନ୍ ବାଣ କାରଖାନା ଉପରେ ଚଢାଉକଲା ପୋଲିସ । କଟକ ପୁରୀଘାଟ ଥାନା ପୁଲିସ ନିମସାହି ଅଞ୍ଚଳରେ ଚାଲିଥିଲା ବେଆଇନ୍ ବାଣ କାରବାର । ଖବର ପାଇ ପୋଲିସ ଚଢାଉ କରିଛି । ବେଆଇନ୍ ବାଣ କାରବାର କରୁଥିବା ୬ଜଣଙ୍କୁ ପୋଲିସ ଗିରଫ କରିବା ସହିତ ପ୍ରାୟ ୬ ଲକ୍ଷ ଟଙ୍କାର ବାଣ ଓ ଅନ୍ୟ ସାମଗ୍ରୀ ଜବତ କରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, କଟକ ପୁରୀଘାଟ ଥାନା ପୁଲିସ ନିମସାହି ଅଞ୍ଚଳରେ ଅତର୍କୀତ ଭାବେ ଚଢ଼ାଉ କରି ବେଆଇନ ଭାବେ ବାଣ ପ୍ରସ୍ତୁତ କରୁଥିବା ଅଭିଯୁକ୍ତମାନଙ୍କୁ ଗିରଫ କରିଛି । ରାତି ପାହିବା ପରେ ଦୀପର ପର୍ବ ‘ଦୀପାବଳି’ ପାଳନ ହେବ । ଏଥି ପାଇଁ ସାରା ବିଶ୍ୱ ଉତ୍ସବ ମୁଖର ହେଉଛି । ଭାରତରୁ ଆରମ୍ଭ ହୋଇଥିବା ଦୀପାବଳି ବିଦେଶରେ ମଧ୍ୟ ପାଳନ ହେଉଛି । ଦୀପାବଳିରେ ବାଣ ଓ ଦୀପର ଚାହିଦା ରହୁଥିବା ବେଳେ କିଛି ଅସାମାଜିକ ବ୍ୟକ୍ତି ଅସାଧୁ ଉପାୟରେ ଟଙ୍କା ରୋଜଗାର କରିବାକୁ ଉଦ୍ୟମ କରୁଛନ୍ତି । ବାଣ ପ୍ରସ୍ତୁତ ଓ ବିକ୍ରି ପାଇଁ ଲାଇସେନ୍ସର ଆବଶ୍ୟକତା ଥିବା ବେଳେ, ଏହା ନ କରି ମଧ୍ୟ କିଛି ଅସାମାଜିକ ବ୍ୟକ୍ତି ଏହି କାରବାର ସହ ସଂପୃକ୍ତ ରହୁଛନ୍ତି ।