ସରିଲା ହର ପାର୍ବତୀଙ୍କ ବାହାଘର। ବୈଦିକ ରୀତିନୀତିରେ ଶିବ-ପାର୍ବତୀଙ୍କ ବିବାହ ସମ୍ପନ୍ନ। ଆଜି ଯୁଗଳମୂର୍ତ୍ତିଙ୍କ ନଗର ପରିକ୍ରମା
କନକ ବ୍ୟୁରୋ: ସରିଲା ହର-ପାର୍ବତୀଙ୍କ ବାହାଘର । ସମ୍ବଲପୁରରେ ଧୁମଧାମରେ ବୈଦିକ ରୀତିନୀତି ଅନୁସାରେ ବର କନ୍ୟାଙ୍କ ବିବାହ ଅନୁଷ୍ଠିତ ହୋଇଛିି । ଆଜି ମାଆ ପାର୍ବତୀଙ୍କ ସହ ମନ୍ଦିରକୁ ପ୍ରତ୍ୟାବର୍ତ୍ତନ କରିବେ ହର ହର ମହାଦେବ । ଏହି ଅବସରରେ ଯୁଗଳ ମୂର୍ତ୍ତିଙ୍କ ଦର୍ଶନ କରିବେ ଶ୍ରଦ୍ଧାଳୁ । ନଗର ପରିକ୍ରମା କରିବା ସହ ହର-ଗୌରଙ୍କ ଯୁଗଳ ମୂର୍ତ୍ତି ଭକ୍ତଙ୍କୁ ଆଶିର୍ବାଦ ଦେଇ ମନ୍ଦିରକୁ ଫେରିବେ ।
Kanak News is now on WhatsApp
Join and get latest news updates delivered to you via WhatsApp
ଜଗତଜନନୀ ମାଆ ପାର୍ବତୀଙ୍କୁ ବିବାହ କରିବା ପାଇଁ ଗତ ରାତିରେ ଦେବ ଦେବ ମହାଦେବ ବରଯାତ୍ରୀଙ୍କ ସହ ଶୋଭାଯାତ୍ରାରେ ଆସିଥିଲେ । ବରବେଶୀ ମହାଦେବଙ୍କୁ ଦେଖିବା ପାଇଁ ସହରର ରାସ୍ତାଘାଟରେ ଶ୍ରଦ୍ଧାଳୁଙ୍କ ଗହଳି ଲାଗିଥିଲା । ନନ୍ଦପଡାର ବରାଡ ବାଲୁଙ୍କେଶ୍ୱର, ଝାଡୁଆପଡାର ଶ୍ରୀ ଶ୍ରୀ ବାବା ଲୋକନାଥ, ମୁଦିପଡା ମନ୍ଦିରରୁ ଜାଗେଶ୍ୱର ବାବା, ଠାକୁରପଡା ଗୁପ୍ତେଶ୍ୱର ବାବା, ବଡ ବଜାରର ଶୀତଳେଶ୍ୱର , ବାଲିବନ୍ଧାର ସୋମନାଥବାବାଙ୍କ ବରଯାତ୍ରା ଧୁମଧାମରେ କନ୍ୟା ଘରକୁ ବାହିରିଥିଲା ।
ବରଯାତ୍ରା ବେଳେ ବାଜା, ରୋଷଣୀ ସହ ନାଚ ଗୀତରେ ମୁଖରିତ ହୋଇଥିଲା ସମ୍ବଲପୁର ସହର । ବର ଶୋଭାଯାତ୍ରାରେ କୁଚିଣ୍ଡାର ଗୌରବାଡି, ହୀରାକୁଦର ଘଂଟ, ଗାଇସୀମାର ଶଙ୍ଖ, ବିଭିନ୍ନ ସ୍ଥାନର ଦୁଲଦୁଲି, ସଂପ୍ରଦା, କୋଲକତାର ଆଧୁନିକ ନୃତ୍ୟ ସମେତ ପ୍ରାୟ ୬ଶହ କଳାକାର ନିଜ କଳା ପ୍ରଦର୍ଶନ କରିଥିଲେ ।