୧୪ ବର୍ଷରେ ୯୦୦ ଜଣ ଯୁବବର୍ଗଙ୍କୁ ଆଇଏଏସ୍ ଅଧିକାରୀ କରିଥିବା ଏହି ପ୍ରଫେସର କଲେ ଆତ୍ମହତ୍ୟା ! ଝୁରି ହେଉଛନ୍ତି ଛାତ୍ରଛାତ୍ରୀ ।
ସିଭିଲ୍ ସେବା ପରୀକ୍ଷା ପାଇଁ ଚେନ୍ନାଇର ପ୍ରସିଦ୍ଧ କୋଚିଙ୍ଗ୍ ସଂସ୍ଥା ଶଙ୍କର ଆଇଏଏସ୍ ଏକାଡେମୀର ସଂସ୍ଥାପକ ପ୍ରଫେସର ଶଙ୍କର ଦେବରାଜନ୍ ଫାସୀ ଲଗାଇ ଆତ୍ମହତ୍ୟା କରିଛନ୍ତି । ଚେନ୍ନାଇ ସ୍ଥିତ ବାସଭବନରେ ତାଙ୍କ ମୃତ ଦେହକୁ ପୋଲିସ୍ ଜବତ କରିଛି । ତେବେ ପୋଲିସ ତାଙ୍କ ମୃତ ଶରୀରକୁ ପୋଷ୍ଟମଟମ୍ ପାଇଁ ପଠାଇ ଦେଇଛି । ତେବେ ଆତ୍ମହତ୍ୟାର କାରଣ ଏଯାଏଁ ସ୍ପଷ୍ଟ ହୋଇନଥିବା ବେଳେ ନିଜସ୍ୱ କାରଣରୁ ସେ ଏଭଳି କରିଥାଇ ପାରନ୍ତି ବୋଲି ଖବର ଶୁଣିବାକୁ ମିଳୁଛି । ପୋଲିସ୍ କହିବାନୁସାରେ ଦେବରାଜନ୍ ଙ୍କ ସହ ତାଙ୍କ ପତ୍ନୀଙ୍କ ଆତ୍ମହତ୍ୟା ପୂର୍ବଦିନ ରାତିରେ ଝଗଡା ହୋଇଥିଲା । ଯେଉଁଥିପାଇଁ ତାଙ୍କୁ ଆତ୍ମହତ୍ୟା କରିବାକୁ ପଡିଥାଇପାରେ । ଏହି ସମୟରେ ତାଙ୍କ ପଡୋଶୀ ଏବଂ ସ୍ତ୍ରୀ ତାଙ୍କୁ ପାଖ ଡାକ୍ତରଖାନା ମଧ୍ୟ ନେଇ ଯାଇଥିଲେ । ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଦେଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଶଙ୍କର ଦେବରାଜନ୍ ନିଜ କୋଚିଂ କ୍ଲାସ୍ ଶଙ୍କର ଆଇଏଏସ୍ ଏକାଡେମୀ ପାଇଁ ଚେନ୍ନାଇ ସମେତ ସମ୍ପୁର୍ଣ୍ଣ ଦେଶରେ ମଧ୍ୟ ଖୁବ୍ ପ୍ରସିଦ୍ଧ ଥିଲେ । ସେ ୨୦୦୪ ମସିହାରେ ଚେନ୍ନାଇରେ ଶଙ୍କର ଆଇଏଏସ୍ ଏକାଡେମୀର ଆରମ୍ଭ କରିଥିଲେ । ସେତେବେଳୁ ନେଇ ଆଜି ପର୍ଯ୍ୟନ୍ତ ସେ ୯୦୦ ଜଣ ଯୁବକଙ୍କ ଆଇଏଏସ୍ ହେବାର ସ୍ୱପ୍ନକୁ ସାକାର କରିଦେଇଥିଲେ । ତେବେ ଶଙ୍କରଙ୍କ ଏଭଳି ଅଚାନକ ରୁପେ ଦୁନିଆରୁ ଚାଲିଯିବାକୁ ତାଭ୍କ ଛାତ୍ରଛାତ୍ରୀ ବିଶ୍ୱାସ କରିପାରୁନାହାନ୍ତି । ତାଙ୍କର ଦୁଇ ଝିଅ ମଧ୍ୟ ଅଛନ୍ତି ।