କନକ ବ୍ୟୁରୋ : ଗିରଫ ହେଲେ ସପନା ଗିଲ୍ । ଭାରତୀୟ କ୍ରିକେଟର ପୃଥ୍ୱୀ ଶ’ଙ୍କ ସହ ଗଣ୍ଡଗୋଳ ଓ କାର ଭାଙ୍ଗିବା ଘଟଣାରେ ଗିରଫ ହୋଇଛନ୍ତି ୟୁଟ୍ୟୁବର ସପନା ଗିଲ୍ । ସପନାଙ୍କୁ କୋର୍ଟରେ ହାଜର କରାଯିବା ପରେ ଜେଲ ପଠାଯିବ । ଅନ୍ୟପଟେ ଏହି ଘଟଣାରେ ଅନ୍ୟ ଅଭିଯୁକ୍ତଙ୍କୁ ମଧ୍ୟ ଖୁବଶୀଘ୍ର ଗିରଫ କରାଯିବ । ପୋଲିସର ସୂଚନା ମୁତାବକ, ଓଶିବାରା ଥାନାରେ କାର ଭଙ୍ଗା ଘଟଣାରେ ୭ ଜଣଙ୍କ ନାଁରେ ମାମଲା ରୁଜୁ ହୋଇଥିଲା । ଯେଉଁ ମାମଲାରେ ସପନାଙ୍କୁ ଗିରଫ କରିଛି ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ଗତ ୧୫ ତାରିଖରେ ମୁମ୍ବାଇର ସହାରା ଷ୍ଟାର ହୋଟେଲରେ ନିଜ ସାଙ୍ଗଙ୍କ ସହ ଡିନର କରିବାକୁ ପହଞ୍ଚିଥିଲେ ପୃଥ୍ୱୀ । ତେବେ ଏହି ସମୟରେ ଜଣେ ତାଙ୍କ ପାଖକୁ ଆସି ସେଲଫି ନେଇଥିଲେ । ପରେ ଆଉ ୨ ଜଣ ମଧ୍ୟ ସେଲଫି ନେଇଥିଲେ ଏବଂ ପୂରା ଗ୍ରୁପ୍ ସହ ସେଲଫି ନେବାକୁ ପୃଥ୍ୱୀଙ୍କୁ କହିଥିଲେ । କିନ୍ତୁ ସାଙ୍ଗଙ୍କ ସହ ଭୋଜି ଖାଇବାକୁ ଆସିଥିବାରୁ ହଇରାଣ ନ କରିବାକୁ କହିଥିଲେ ପୃଥ୍ୱୀ । କିନ୍ତୁ ଏହାକୁ ମାନନଥିଲେ ଏହି ଗ୍ରୁପରେ ଥିବା ବ୍ୟକ୍ତି । ତେଣୁ ହୋଟେଲ ମ୍ୟାନେଜରଙ୍କୁ ଡାକି ଏନେଇ ଅଭିଯୋଗ କରିଥିଲେ ପୃଥ୍ୱୀ । ଯାହାଫଳରେ ଉକ୍ତ ଗ୍ରୁପରେ ଥିବା ସମସ୍ତ ବ୍ୟକ୍ତିଙ୍କୁ ହୋଟେଲରୁ ବାହାରି ଯିବାକୁ କହିଥିଲେ ମ୍ୟାନେଜର । ପରେ ହୋଟେଲରୁ ବାହାରି ସମସ୍ତେ ପୃଥ୍ୱୀଙ୍କୁ ବାହାରେ ଅପେକ୍ଷା କରି ରହିଥିଲେ ।
Please stay miles away from such people & such scenes @PrithviShaw 🙏
pic.twitter.com/rwRFk73F4Q— Sushant Mehta (@SushantNMehta) February 16, 2023
ଆଉ ପୃଥ୍ୱୀ ଶ’ ବାହାରକୁ ବାହାରିବା କ୍ଷଣି ତାଙ୍କ ସାଙ୍ଗଙ୍କ କାରକୁ ଭାଙ୍ଗି ଦେଇଥିଲେ ଅଭିଯୁକ୍ତ । ଆଉ କାର ଭିତରେ ପୃଥ୍ୱୀ ଶ’ ବସିଥିଲେ । ତେବେ ପୃଥ୍ୱୀଙ୍କୁ ନେଇ ବିବାଦ ଯେପରି ସୃଷ୍ଟି ନହେଉ ସେଥିପାଇଁ ସାଙ୍ଗମାନେ ତାଙ୍କୁ ଅନ୍ୟ କାରରେ ପଠାଇଥିଲେ । କିନ୍ତୁ ଏହି କାରକୁ ଏକ ପେଟ୍ରୋଲ ପମ୍ପ ପାଖରେ ଅଟକାଇଥିଲେ ଅଭିଯୁକ୍ତ ମାନେ । ଆଉ ଏହି ଗ୍ରୁପରେ ଥିବା ମହିଳା ଜଣକ କହିଥିଲେ ଯଦି ଏହି ମାମଲାର ସମାଧାନ ଚାହୁଁଛ ତେବେ ୫୦ ହଜାର ଟଙ୍କା ଦିଅ ନଚେତ ଅଭିଯୋଗ ଲଗାଇଦେବୁ ।
ଅନ୍ୟପଟେ ଗିରଫ ହୋଇଥିବା ସପନା ଗିଲଙ୍କ ଓକିଲ ପୃଥ୍ୱୀ ଶ’ଙ୍କ ନାଁରେ ମାରପିଟ ଅଭିଯୋଗ ଆଣିଛନ୍ତି । ସେ କହିଛନ୍ତି, ସପନାଙ୍କୁ ପୃଥ୍ୱୀ ମାରପିଟ୍ କରିଛନ୍ତି । ପୃଥ୍ୱୀଙ୍କ ହାତରେ ମଧ୍ୟ ଷ୍ଟିକ ଥିବା ଭିଡ଼ିଓରେ ଦେଖିବାକୁ ମିଳିଛି ବୋଲି କହିଛନ୍ତି ସପନାଙ୍କ ଓକିଲ ।