କନକ ବ୍ୟୁରୋ: ଦୀର୍ଘ ୬୦ ଘଂଟାରୁ ଅଧିକ ସମୟ ଧରି ବୋରୱେଲରେ ଫସି ରହିଛି କୁନି ପୁଅ ତନ୍ମୟ ଖୁବ୍ ଶୀଘ୍ର ହେବ ଉଦ୍ଧାର । ଉଦ୍ଧାରକାରୀ ଦଳ ତନ୍ମୟର ନିକଟତର ହୋଇଛନ୍ତି । ୪୪ ଫୁଟ୍ ରାମ୍ପ ଖନନର କାମ ଶେଷ ହୋଇଥିବା ବେଳେ ୧୧ ଫୁଟର ଖନନ କାମ ଜାରି ରହିଛି ।
Kanak News is now on WhatsApp
Join and get latest news updates delivered to you via WhatsApp
ବୋରୱେଲରରେ ଗଭୀର ୪ଶହ ଫୁଟ ହୋଇଥିବା ବେଳେ ତନ୍ମୟ ୫୦ ଫୁଟରେ ଅଟକି ରହିଛି । ତେବେ ଏପର୍ଯ୍ୟନ୍ତ ୧୧ ଫୁଟର ଖନନ କାମ ଶେଷ ହୋଇଥିବା ବେଳେ ଆଉ ୩୯ ଫୁଟରେ ଫସି ରହିଛି ତନ୍ମୟ । ପିଲାଟିକୁ ପାଇପ ଯୋଗେ ବୋରୱେଲର ମୁହଁପଟୁ ଅକ୍ସିଜେନ୍ ଯୋଗାଇ ଦିଆଯାଉଛି । ସୂଚନା ଅନୁସାରେ ବେତୁଲ ଜିଲ୍ଲା ମାଣ୍ଡାଭି ଗାଁର ସୁନୀଲ ଦିୟାବର, ୬ ତାରିଖ ସନ୍ଧ୍ୟାରେ ୮ବର୍ଷର ପୁଅ ତନ୍ମୟକୁ ନେଇ ବିଲକୁ ଯାଇଥିଲେ । ଏହି ସମୟରେ ତନ୍ମୟ ବୋରୱେଲ ଗାତକୁ ଚାହୁଁଥିବା ବେଳ ଅଚାନକ୍ ଗାତରେ ପଡ଼ିଯାଇଥିଲେ । ଖବର ପାଇ ପୁଲିସ ଓ ପ୍ରଶାସନର ଟିମ୍ ପହଂଚିବା ସହ ଉଦ୍ଧାର କାର୍ଯ୍ୟ ଆରମ୍ଭ କରିଥିଲା ।
ମାତ୍ର ଗୋଟିଏ ସପ୍ତାହ ପୂର୍ବରୁ ସୁନୀଲ ଦିୟାବର ଏହି ବୋରୱେଲ ଖୋଳିଥିଲେ । ବୋରୱେଲରେ ଜଳସ୍ତର କମିଯିବାରୁ ଲାଗିଥିବା ମିଟର ଖୋଲିି ଘରକୁ ନେଇଯାଇଥିଲେ । ଆଉ ଖୋଲା ଥିବା ବୋରୱେଲରେ ପଡ଼ିିଯାଇଥିଲେ ତନ୍ମୟ ।