କନକ ବ୍ୟୁରୋ : ଅଶୋକ ଗେହଲଟ ଜାତୀୟ କଂଗ୍ରେସର ଅଧ୍ୟକ୍ଷ ହେବା କଥା ଏକପ୍ରକାର ସ୍ପଷ୍ଟ ହୋଇସାରିଛି । ହେଲେ ତାଙ୍କ ପରେ କିଏ ହେବ ରାଜସ୍ଥାନର ମୁଖ୍ୟମନ୍ତ୍ରୀ ଏହାକୁ ନେଇ ଏବେ ରାଜନୀତି ଜୋର ଧରିଛି । ଏନେଇ ଆଜି ରାଜସ୍ଥାନ କଂଗ୍ରେସର ବିଧାୟକ ଦଳ ବୈଠକ ସନ୍ଧ୍ୟା ୬ ଟାରେ ବସିବ । ଏନେଇ କଂଗ୍ରେସର ଅନ୍ତରୀଣ ଅଧ୍ୟକ୍ଷ ସୋନିଆ ଗାନ୍ଧୀ କିଛି ବରିଷ୍ଠ ନେତାଙ୍କୁ ପର୍ଯ୍ୟବେକ୍ଷକ ଭାବେ ରାଜସ୍ଥାନ ପଠାଇଛନ୍ତି । ସେପଟେ ମୁଖ୍ୟମନ୍ତ୍ରୀ ଦୌଡରେ ଥିବା ସଚିନ ପାଇଲଟଙ୍କୁ ଅଶୋକ ଗେହଲଟ ବିରୋଧ କରୁଥିବା କଥା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଆଜିର ବୈଠକରେ ରାଜସ୍ଥାନ କଂଗ୍ରେସର ସମସ୍ତ ବିଧାୟକଙ୍କ ସହ ବୈଠକ କରିବେ ଦଳର ବରିଷ୍ଠ ନେତା ମଲ୍ଲିକାର୍ଜୁନ ଖଡଗେ ଓ ଅଜୟ ମାକେନ । ସେପଟେ ସଚିନ ପାଇଲଟଙ୍କ ପ୍ରତି ଗାନ୍ଧୀ ପରିବାରର ସମର୍ଥନ ଥିବା କଥା ଜଣାପଡିଛି । ସେପଟେ ଅଶୋକ ଗେହଲଟ ଚାହୁଁଛନ୍ତି କି ରାଜସ୍ଥାନ ମୁଖ୍ୟମନ୍ତ୍ରୀ ପଦ ପାଇଁ ନିଷ୍ପତ୍ତି କଂଗ୍ରେସ ଅଧ୍ୟକ୍ଷ ପଦ ପାଇଁ ନାମାଙ୍କନ ସରିବା ପରେ ହେଉ । ହେଲେ ଆଜିର ବୈଠକ ପରେ ତୁରନ୍ତ ପର୍ଯ୍ୟବେକ୍ଷକମାନେ ସୋନିଆ ଗାନ୍ଧୀଙ୍କୁ ରିପୋର୍ଟ କରିବେ ।
ଅନ୍ୟପଟେ ମୁଖ୍ୟମନ୍ତ୍ରୀ ପଦ ପାଇଁ ଦାବିଦାର ଭାବେ ସବୁଠାରୁ ଆଗରେ ରହିଛନ୍ତି ସଚିନ ପାଇଲଟ । ଏହି କ୍ରମରେ ଲଗାତର ୩ ଦିନ ହେବ ପାଇଲଟ ଦଳୀୟ ବିଧାୟକଙ୍କୁ ଭେଟି ସେମାନଙ୍କ ସହ ଆଲୋଚନା କରୁଛନ୍ତି । ଏହାସହ ଗେହଲଟଙ୍କ ସମର୍ଥନରେ ଥିବା ବିଧାୟକମାନେ ଗେହଲଟ ଉଭୟ ଦୁଇଟି ପଦରେ ରୁହନ୍ତୁ ବୋଲି ଦାବି କରୁଛନ୍ତି । ଏହାରି ମଧ୍ୟରେ କୁହାଯାଉଛି କି ଆଜିର ବୈଠକ ପରେ ଗେହଲଟ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇପାରନ୍ତି ।