ମାନହାନୀ ମାମଲାରେ ରାହୁଲ ସାଂସଦ ପଦରୁ ଅଯୋଗ୍ୟ । ଦେଶବ୍ୟାପୀ କଂଗ୍ରେସ କରିବ ପ୍ରତିବାଦ । ରାହୁଲ କହିଲେ, ଦେଶର ସ୍ୱର ସାଜିବା ପାଇଁ ଜାରି ରହିବ ଲଢ଼େଇ
କନକ ବ୍ୟୁରୋ: ରାହୁଲଙ୍କ ସଭ୍ୟ ପଦ ଯିବା ପରେ, ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । କଂଗ୍ରେସର ଶୀର୍ଷ ନେତୃତ୍ୱ ତୁହାକୁ ତୁହା ବୈଠକ କରି ଆଗାମୀ ରଣନୀତି ପ୍ରସ୍ତୁତ କରୁଥିବାବେଳେ ରାସ୍ତାକୁ ଓହ୍ଲାଇ ପ୍ରତିବାଦ କରିଛନ୍ତି କଂଗ୍ରେସ କର୍ମୀ । ମୋଦୀ ସରକାର ବିରୋଧରେ ବିକ୍ଷୋଭ କରିଛନ୍ତି । କିନ୍ତୁ ରାହୁଲଙ୍କ ବିରୋଧରେ କାର୍ଯ୍ୟାନୁଷ୍ଠାନକୁ ଐତିହାସିକ କହିବା ସହ ସ୍ୱାଗତ କରିଛି ବିଜେପି ।
Kanak News is now on WhatsApp
Join and get latest news updates delivered to you via WhatsApp
ଆଦାନୀ ମାମଲାର ଜେପିସି ତଦନ୍ତ ଦାବି, କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କୁ ସଂସଦରେ କହିବାକୁ ଅନୁମତି ଭଳି ଦାବି ନେଇ ରାସ୍ତାକୁ ଓହ୍ଲାଇଛି କଂଗ୍ରେସ । ସଂସଦ ଭବନରୁ ବିଜୟ ଚୌକ ଯାଏଁ ବରିଷ୍ଠ କଂଗ୍ରେସ ନେତା ଓ ଏକାଧିକ ବିରୋଧୀ ଦଳର ନେତା ବିରୋଧ ପ୍ରଦର୍ଶନ କରିଛନ୍ତି । ଏହାର କିଛି ସମୟ ପରେ ସାଂସଦ ରାହୁଲ ଗାନ୍ଧୀଙ୍କ ସଦସ୍ୟତା ରଦ୍ଦ ଖବର ଆସିଥିଲା । ଆଉ କଂଗ୍ରେସର ସର୍ବୋଚ୍ଚ ନେତାଙ୍କ ଉପରେ କାର୍ଯ୍ୟାନୁଷ୍ଠାନର ପ୍ରତିବାଦ ଦେଶର ବିଭିନ୍ନ ସ୍ଥାନରେ ଦେଖିବାକୁ ମିଳିଛି । ମୁମ୍ବାଇ, ରାୟପୁର, ଲକ୍ଷେ୍ନø, ପାଟନାରେ କଂଗ୍ରେସ କର୍ମୀ ରାହୁଲଙ୍କ ସଦସ୍ୟତା ରଦ୍ଦକୁ ନେଇ ବିଜେପି ବିରୋଧରେ ଜୋରଦାର ବିରୋଧ ପ୍ରଦର୍ଶନ କରିଛନ୍ତି ।
- କେନ୍ଦ୍ର ଉପରେ ବର୍ଷିଲେ କଂଗ୍ରେସ ନେତା
- ଆଇନଗତ ଓ ରାଜନୈତିକ ଲଢେଇ କରିବ ଦଳ
ରାହୁଲ ଗାନ୍ଧୀଙ୍କ ସଦସ୍ୟତା ରଦ୍ଦ ନେଇ ଲୋକସଭା ସଚିବାଳୟର ବିଜ୍ଞପ୍ତି ପରେ ଜାତୀୟ ରାଜନୀତିରେ ହଲଚଲ ଦେଖା ଦେଇଛି । ସାମ୍ବାଦିକ ସମ୍ମିଳନୀ କରି କେନ୍ଦ୍ର ଉପରେ ବର୍ଷିଛନ୍ତି କଂଗ୍ରେସ ନେତା । ଆଗକୁ ବିଜେପିର ଷଡଯନ୍ତ୍ର ବିରୋଧରେ ଆଇନଗତ ଓ ରାଜନୈତିକ ଲଢେଇ ଲଢିବା ପାଇଁ ପ୍ରସ୍ତୁତ ବୋଲି କଂଗ୍ରେସ ନେତା ଅଭିଷେକ ମନୁସିଂଘଭୀ ଓ ଜୟରାମ ରମେଶ କହିଛନ୍ତି । ତେବେ ବିଜେପି ନେତା ରାହୁଲଙ୍କ ସଦସ୍ୟତା ରଦ୍ଦକୁ ଆଇନ ଅନୁସାରେ କାର୍ଯ୍ୟାନୁଷ୍ଠାନ କହୁଥିବା ବେଳେ ରାଜନୈତିକ ପ୍ରତିଶୋଧ ବୋଲି କଂଗ୍ରେସ କହିଛି । ହେଲେ ସବୁଠୁ ବଡ ପ୍ରଶ୍ନ ହେଉଛି ଏବେ ରାହୁଲଙ୍କ ପରବର୍ତ୍ତୀ ପଦକ୍ଷେପ କ’ଣ ହେବ? ଆଇନଜୀବୀ କହୁଛନ୍ତି…
- ସସନ କୋର୍ଟଙ୍କ ରାୟକୁ ହାଇକୋର୍ଟରେ ଚ୍ୟାଲେଞ୍ଜ କରିବାକୁ ହେବ
- ରାୟ ଉପରେ ରହିତାଦେଶ ମିଳିଲେ ରାହୁଲ ଫେରି ପାଇବେ ପଦ
- ହାଇକୋର୍ଟ ରାୟକୁ ରଦ୍ଦ ନ କଲେ ରାହୁଲଙ୍କୁ ଅଡୁଆ
- ୮ବର୍ଷ ନିର୍ବାଚନ ଲଢିପାରିବେନି ରାହୁଲ ଗାନ୍ଧୀ
- ୱାୟନାଡରେ ଶୀଘ୍ର ଉପନିର୍ବାଚନ ସମ୍ଭାବନା ରହିଛି