ପ୍ରଭାତଙ୍କ ଗିରଫଦାରୀ ପ୍ରତିବାଦରେ ତାତିଲେ ସମର୍ଥକ ! କଟକରେ ସମର୍ଥକଙ୍କ ବାଇକ ରାଲି, ଭୁବନେଶ୍ୱରରେ ଘେରିବେ ସିବିଆଇ ଅଫିସ
କନକ ବ୍ୟୁରୋ : ସିସୋର ଚିଟଫଣ୍ଡ ମାମଲାରେ ବିଜେଡି ବିଧାୟକ ପ୍ରଭାତ ବିଶ୍ୱାଳ ଆଜି ସିବିଆଇ ଆଜି ଦ୍ୱିତୀୟ ଦିନ ପାଇଁ ଜେରା କରିବ । ସେପଟେ ଲାଗାତର ଦ୍ୱିତୀୟ ଦିନ ଲାଗି କଟକରେ ଗିରଫଦାରରୀ ପ୍ରତିବାଦ କରିଛନ୍ତି ବିଧାୟକଙ୍କ ସମର୍ଥକ । ଛାତ୍ର ବିଜେଡି ପକ୍ଷରୁ ଆଜି କଟକରେ ବାଇକ ରାଲି କରାଯାଉଛି । ଗିରଫଦାରୀର ପ୍ରତିବାଦ ଓ ପ୍ରଭାତ ବିଶ୍ୱାଳଙ୍କ ସମର୍ଥନରେ ଏହି ବାଇକ କାଲିର ଆୟୋଜନ କରାଯାଇଛି । ବିଜେଡି ସମର୍ଥକମାନେ କଟକରେ ପ୍ରତିବାଦ କରିଛନ୍ତି । କଟକ ବିଜେଡି ଓ ଜଗତପୁର ନାଗରିକ ମଂଚ ପକ୍ଷରୁ ନରେନ୍ଦ୍ର ମୋଦି, ଅମିତ ଶାହ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପୋଷ୍ଟର ପୋଡିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ସି ସୋର ଚିଟଫଣ୍ଡ ମାମଲାରେ ଗିରଫ ହେବା ପରେ ବିଧାୟକ ପ୍ରଭାତକ ବିଶ୍ୱାଙ୍କ ପ୍ରଥମ ରାତି କଟିଛି ସିବିଆଇ ଅଫିସରେ । ବିଜେଡି ବିଧାୟକ ପ୍ରଭାତ ବିଶ୍ୱାଳଙ୍କୁ ରିମାଣ୍ଡରେ ନେଇ ଆଜିଠାରୁ ଜେରା କରିବ କେନ୍ଦ୍ରୀୟ ତଦନ୍ତକାରୀ ସଂସ୍ଥା ସିବିଆଇ । ବିଶେଷ କରି ପତ୍ନୀଙ୍କ ଆକାଉଂଟକୁ ସିସୋର ଆକାଉଂଟରୁ ଆସିଥିବା ଟଙ୍କା ନେଇ ଖୋଳତାଡ କରିବ ସିବିଆଇ । ସିସୋର ସହ ଲିଙ୍କ ନେଇ ବିଜେଡି ବିଧାୟକ ପ୍ରଭାତ ବିଶ୍ୱାଳଙ୍କୁ ଗିରଫ କରିବା ପରେ ପ୍ରେସ ରିଲିଜ୍ ଜାରି କରିଛି ସିବିଆଇ । ଯେଉଁଥିରେ ତଦନ୍ତକାରୀ ସଂସ୍ଥା ଏକ ଚାଂଚଲ୍ୟକର ତଥ୍ୟ ଦେଇଛି ।
କଟକ ତଥା ଏହାର ଆଖପାଖ ଅଂଚଳରେ ସିସୋର ଗ୍ରୁପ ଅଫ୍ କମ୍ପାନୀଜ କିଭଳି ସୁରୁଖୁରୁରେ ତାର ବ୍ୟବସାୟ
କରିପାରିବ ସେଥିରେ ସହାୟତା କରିଥିଲେ ବିଧାୟକ ପ୍ରଭାତ ବିଶ୍ୱାଳ । ଆଉ ଏଥିପାଇଁ ବିଧାୟକଙ୍କ ପତ୍ନୀଙ୍କ ଆକାଉଂଟକୁ ବିପୁଳ ପରିମାଣର ଟଙ୍କା ଆସିଥିଲା । ତେବେ ଏଟଙ୍କା କିଏ ଦେଇଛି , ସିବିଆଇ ତାର ପ୍ରେସ ରିଲିଜରେ ତାର ନାଁ ସ୍ପଷ୍ଟ କରିନି । ସେପଟେ ସିବିଆଇର ଅଭିଯୋଗକୁ ଖଣ୍ଡନ କରିଛନ୍ତି ବିଧାୟକଙ୍କ ପତ୍ନୀ ଲଷ୍ମୀବିଳାସିନୀ ବିଶ୍ୱାଳ । କହିଛନ୍ତି, ତାଙ୍କ ଆକାଉଂଟକୁ ସିସୋର ଆକାଉଂଟରୁ ମାତ୍ର ଦୁଇଥର ଟଙ୍କା ଆସିଛି । ଥରେ ୧୫ ଲକ୍ଷ ଏବଂ ଆଉ ଥରେ ୧୦ ଲକ୍ଷ ଟଙ୍କା । ଏହାବାଦ୍ ତାଙ୍କ ଆକାଉଂଟକୁ ଟଙ୍କା ଆସିନି । ସିବିଆଇକୁ ଚ୍ୟାଲେଂଜ କରି ଲଷ୍ମୀବିଳାସୀନି କହିଛନ୍ତି ଯଦି ସନ୍ଦେହ ରହିଛି ତେବେ ତାଙ୍କ ଆକାଉଂଟ ଯାଂଚ କରାଯାଉ ।