ଅମିତ ଶାହଙ୍କ ଲିଖିତ ପୁସ୍ତକ ଉନ୍ମୋଚନ ଉତ୍ସବରେ ରାଜନୀତି। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବିଧାୟକ ସୌମ୍ୟରଞ୍ଜନ ପଟ୍ଟନାୟକ ରଖିଲେ ମତ।
କନକ ବ୍ୟୁରୋ: ଭାରତୀୟ ରାଜନୀତିର ଚାଣକ୍ୟ କୁହାଯାଉଥିବା କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ଜୀବନୀ ଉପରେ ଲିଖିତ ‘ଅମିତ୍ ଶାହା ଓ ବିଜେପିର ଯାତ୍ରା’ ପୁସ୍ତକର ଉନ୍ମୋଚନ, ଓଡିଶା ରାଜନୀତିର ଭବିଷ୍ୟତ ଆଲୋଚନା ପାଇଁ ଏକ ସୁଯୋଗ ସୃଷ୍ଟି କରିଥିଲା । ଯେଉଁଠି ଥିଲେ କେନ୍ଦ୍ରମନ୍ତ୍ରୀ ଧମେନ୍ଦ୍ର ପ୍ରଧାନ, ବରିଷ୍ଠ ସାମ୍ବାଦିକ ସ୍ୱପନ ଦାସଗୁପ୍ତାଙ୍କ ଭଳି ଅନୁଭବି ବ୍ୟକ୍ତି । ଆଉ ମଝିରେ ବସିଥିଲେ ବିଜେଡି ବିଧାୟକ ସୌମ୍ୟରଞ୍ଜନ ପଟ୍ଟନାୟକ ।
Kanak News is now on WhatsApp
Join and get latest news updates delivered to you via WhatsApp
ଅମିତଙ୍କ ଶାହାଙ୍କ ସଫଳତାର କାହାଣୀ ବଖାଣୁ ବଖାଣୁ କେନ୍ଦ୍ରମନ୍ତ୍ରୀ ଧମେନ୍ଦ୍ର ପ୍ରଧାନ ଓଡିଶାରେ ବିଜେପିର ସ୍ଥିତିକୁ ନେଇ ଭବିଷ୍ୟବାଣୀ କରିଥିଲେ । ଆଉ କହିଥିଲେ ବିଜେପିକୁ ରାଜ୍ୟରେ ଏକ ନମ୍ବର ଦଳ କରିବା ପାଇଁ ପ୍ରକ୍ରିୟା ଜାରି ରହିଛି । ଗୋଟିଏ ସମୟରେ ରାଜ୍ୟରେ ବିଜେପି ସପକ୍ଷରେ ୧୨ରୁ ୧୪ ପ୍ରତିଶତ ଭୋଟ ପଡୁଥିଲା, ଏବେ ୩୦ରୁ ୩୮ ପ୍ରତିଶତ ଭୋଟ ପାଉଛି ଦଳ । ସେପଟେ ଖଣ୍ଡପଡା ବିଧାୟକ ସୌମ୍ୟରଞ୍ଜନ ପଟ୍ଟନାୟକ କହିଛନ୍ତି ରାଜନୈତିକ ଦଳ ଯିଏ ବି କରିଛି, ଦୁଇ ନମ୍ବରରୁ ଏକ ନମ୍ବର ହେବା ପାଇଁ ଚାହିଁବ, ଏହା ଏକ ସ୍ୱାଭାବିକ ପ୍ରକ୍ରିୟା ।
କ୍ଷମତାରେ ରହିବା ପାଇଁ ଜାତି, ଧର୍ମ, ନାଁରେ ଆଗରୁ ଭୋଟ ପଡୁଥିଲା । ହେଲେ ଏବେ ସବୁ ରାଜନୈତିକ ଦଳ ବିଭିନ୍ନ ବର୍ଗକୁ ନିଜ ଆଡକୁ ଆଣିବା ପାଇଁ ଲାଭାର୍ଥି ବା ହିତାଧିକାରୀ ବର୍ଗ ସୃଷ୍ଟି କରୁଛନ୍ତି ବୋଲି କହିଛନ୍ତି ସୌମ୍ୟରଞ୍ଜନ । ଧର୍ମେନ୍ଦ୍ର କହିଥିଲେ, ମୋଦି ଓ ଅମିତ ଶାହାଙ୍କ ଲାଭାର୍ଥିର ସଂଜ୍ଞା ହେଲା ଗରିବ ଲୋକଙ୍କୁ ଘର, ଜଳ, ଉଜ୍ୱଳା ଗ୍ୟାସ ପହଞ୍ଚାଇବା ।
ଅମିତ୍ ଶାହ କେମିତି ଜଣେ ବୁଥସ୍ତରର କର୍ମକତାରୁ ବିଶ୍ୱର ସବୁଠାରୁ ବଡ ରାଜନୈତିକ ଦଳର ସଭାପତି ହେଲେ, ଅମିତ ଶାହା ଓ ବିଜେପିର ଯାତ୍ରା ପୁସ୍ତକରେ ରହିଛି ସେହି ସଫଳତାର କାହାଣୀ ।