ପିଏନବି ମହାଦୁର୍ନୀତିର ମାଷ୍ଟରମାଇଣ୍ଡ ନିରବ ମୋଦିଙ୍କ ସଂପତି ସିଜ୍ : ଏକକାଳୀନ ୨୩ଟି ସ୍ଥାନରେ ଚଢାଉ କଲା ପ୍ରବର୍ତ୍ତନ ନିର୍ଦ୍ଦେଶାଳୟ, ୫ ହଜାର ୧୦୦ କୋଟି ଜବତ୍
କନକ ବ୍ୟୁରୋ : ପଞ୍ଜାବ ନ୍ୟାସନାଲ ବ୍ୟାଙ୍କ ମହାଦୁର୍ନୀତିର ମାଷ୍ଟରମାଇଣ୍ଡ ନିରବ ମୋଦିଙ୍କ ୫ହଜାର ଶହେ କୋଟି ଟଙ୍କାର ସଂପତି ସିଜ୍ । ହୀରା ବ୍ୟବସାୟୀ ନିରବ ମୋଦି ଓ ତାଙ୍କ ସହଯୋଗୀ ମେହୁଲ ଚୋକସିଙ୍କ ୨୩ଟି ବିଭିନ୍ନ ସ୍ଥାନରେ ଏକକାଳୀନ ଚଢାଉ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ । ମୁମ୍ବାଇ, ଦିଲ୍ଲୀ, ସୁରଟ, ହାଇଦ୍ରାବାଦରେ ଓ ଜୟପୁରରେ ଗୁରୁବାର ଚଢାଉ କରିଛି ଇଡି । ଏଥିସହ ନିରବଙ୍କ ବିଭିନ୍ନ ବ୍ୟାଙ୍କ ଆକାଉଂଟରେ ଥିବା ୩ କୋଟି ଚଙ୍କା ମଧ୍ୟ ଜବତ ହୋଇଛି । ନିରବଙ୍କ କମ୍ପାନିର ବିଭିନ୍ନ ଗହଣା ଷ୍ଟୋର ଉପରେ ଚଢାଉ କରି ହୀରା ଗହଣା ଓ ମୂଲ୍ୟବାନ ପଥର ସହ ମୋତି, ସୁନା ଓ ରୁପା ଆଦି ଜବତ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ପଞ୍ଜାବ ନ୍ୟାସନାଲ ବ୍ୟାଙ୍କର ଜାଲ ଗ୍ୟାରେଂଟି ହାସଲ କରି ଅନ୍ୟ ଭାରତୀୟ ବ୍ୟାଙ୍କର ବିଦେଶୀ ଶାଖାରୁ ୧୧ହଜାର ୩ଶହ କୋଟି ଟଙ୍କା ଚୁନା ଲଗାଇଛନ୍ତି ଏହି ପ୍ରଖ୍ୟାତ ହୀରା ବ୍ୟବସାୟୀ ନିରବ ମୋଦି । ବୁଧବାର ଏହି ମହାଦୁର୍ନୀତି ସାମ୍ନାକୁ ଆସିବା ପରେ ସାରା ଦେଶରେ ଆଲୋଡନ ସୃଷ୍ଟି ହୋଇଛି । ଏହି ଦୁର୍ନୀତି ଜଣାପଡିବା ପରେ ଜାନୁଆରୀ ୩୧ ତାରିଖରେ ସିବିଆଇ ଲୁକ ଆଉଟ ସର୍କୁଲାର ଜାରି କରିଥିଲା । ହେଲେ ଏହା ପୂର୍ବରୁ ଭାରତରୁ ଫେରାର ହୋଇଯାଇଛନ୍ତି ଧୂର୍ତ୍ତ ନିରବ ମୋଦି ।
ଦେଶର ଦ୍ୱିତୀୟ ସର୍ବବୃହତ ରାଷ୍ଟ୍ରାୟତ ବ୍ୟାଙ୍କ, ପଂଜାବ ନ୍ୟାସନାଲ୍ ବ୍ୟାଙ୍କକୁ ୧୧ ହଜାର କୋଟିରୁ ଅଧିକ ଟଙ୍କାର ଚୂନା ଲଗାଇଛନ୍ତି ବିଶିଷ୍ଟ ହୀରା ବ୍ୟବସାୟୀ ନିରଭ ମୋଦି । ବ୍ୟାଙ୍କ ଠକେଇରେ ମଦ ଟାଇକୁନ୍ ବିଜୟ ମାଲ୍ୟାକୁ ବି ଟପି ଯାଇଛନ୍ତି ନିରଭ । ତେବେ ଏହି ସ୍କାମର ପର୍ଦ୍ଦାଫାସ ହେବା ପୂର୍ବରୁ ସେ ପରିବାର ସହ ବିଦେଶକୁ ଖସି ପଳାଇଛନ୍ତି । ହେଉଥିବା ଚର୍ଚ୍ଚା ଅନୁସାରେ ସ୍ୱିଜରଲାଣ୍ଡରେ ଅଛନ୍ତି ପିଏନବି ମହାଦୁର୍ନୀତିର ମାଷ୍ଟରମାଇଣ୍ଡ ନିରବ ମୋଦି ଲଳିତ ମୋଦି ଓ ବିଜୟ ମାଲ୍ୟାଙ୍କ ଭଳି ଅତ୍ୟନ୍ତ ଅତ୍ୟନ୍ତ ଯୋଜନାବଦ୍ଧ ଭାବେ ନିବର ଫେରାର ହୋଇଯାଇଥିବାରୁ ଏହା ପଛରେ ସରକାରଙ୍କ ହାତଥିବା ଅଭିଯୋଗ ଆଣି ମୋଦି ସରକାରଙ୍କୁ କାଠଗଡାରେ ଛିଡା କରାଇଛନ୍ତି ବିରୋଧୀ ଦଳଗୁଡିକ । ନିରବଙ୍କ ପତ୍ନୀ ଜଣେ ଆମେରିକୀୟ ନାଗରିକ ହୋଇଥିବାବେଳେ ତାଙ୍କ ସଂପର୍କୀୟ ମେହୁଲ ଚୋକସି ଜାନୁଆରୀ ୪ ତାରିଖରେ ଭାରତ ଛାଡିଥିବା ଜଣାପଡିଛି । ନିରବ ମୋଦିଙ୍କ ଭାଇ ମଧ୍ୟ ବେଲଜିୟମ ନାଗରିକ ଓ ସେ ଜାନୁଆରୀ ପହିଲାରେ ଭାରତ ଛାଡି ଚାଲିଯାଇଥିବା ସୂଚନା ମିଲିଛି । ସିବିଆଇର ମାମଲା ଆଧାରରେ ପ୍ରବର୍ତନ ନିର୍ଦ୍ଦେଶାଳୟ ନିରବଙ୍କ ବିରୋଧରେ ଅର୍ଥ ହଡପ ଅଭିଯୋଗରେ ଛାନଭିନକୁ ଜୋରଦାର କରିଛି ।