ବୋଲଡୋଜର ପ୍ରେମରେ ବ୍ରିଟେନ ପ୍ରଧାନମନ୍ତ୍ରୀ, ଗୁଜୁରାଟ ଗସ୍ତବେଳେ ଜେସିବି ଉପରେ ଚଢି ଉଠାଇଲେ ଫଟୋ
କନକ ବ୍ୟୁରୋ : ବ୍ରିଟେନ ପ୍ରଧାନମନ୍ତ୍ରୀ ବୋରିସ୍ ଜନସନ୍ ଦୁଇଦିନିଆ ଭାରତ ଗସ୍ତରେ ଆସିଛନ୍ତି । ଗୁରୁବାର ସକାଳେ ସେ ଗୁଜୁରାଟର ଅହମଦାବାଦ ଠାରେ ପହଂଚିବା ପରେ ଭିନ୍ନ ଭିନ୍ନ କାର୍ଯ୍ୟକ୍ରମରେ ଯୋଗ ଦେଇଛନ୍ତି । ଏହି କ୍ରମରେ ସେ ହଲୋଲର ଜେସିବି ଫ୍ୟାକ୍ଟ୍ରି ପରିଦର୍ଶନରେ ଯାଇଥିଲେ । ସେଠାରେ ବୋରିସ୍ ଏକ ଜେସିବି ଉପରେ ଚଢି ଉଠାଇଥିବା ଫଟୋ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବାପରେ ଏହାକୁ ନେଇ ଅନେକ ଲୋକ ଭିନ୍ନ ଭିନ୍ନ କମେଣ୍ଟମାନ ଦେଇଛନ୍ତି । ଏକ ଜାତୀୟ ଗଣମାଧ୍ୟମ ସହ କଥାବାର୍ତ୍ତା ବେଳେ ବୋରିସ କହିଛନ୍ତି କି, ବୋଲଡୋଜର ଉପରେ ଚଢିବା ତାଙ୍କ ପାଇଁ ଏକ ସୁନ୍ଦର ଅନୁଭୂତି ଥିଲା ଓ ଗୁଜୁରାଟ ଆସିବା ତାଙ୍କପାଇଁ ସୌଭାଗ୍ୟର କଥା ବୋଲି ସେ କହିଛନ୍ତି ।
ସେପଟେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିବାକୁ ସେ ଉତ୍ସାହିତ ଅଛନ୍ତି ବୋଲି କହିଛନ୍ତି । ଏହାସହ ଉଭୟଙ୍କ ମଧ୍ୟରେ ବାଣିଜ୍ୟ ସୁରକ୍ଷା ଓ ଅନ୍ୟ କିଛି ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଆଲୋଚନା ହେବ ବୋଲି ସେ କହିଥିଲେ ।
ଏହାପୂର୍ବର ଭାରତ ପହଂଚିବାର କିଛି ସମୟ ମଧ୍ୟରେ ବୋରିସ ଏକ ଟ୍ୱିଟ କରି କହିଥିଲେ କି ଭାରତ ଆସି ତାଙ୍କୁ ଭଲ ଲାଗୁଛି । ଭାରତ ହେଉଛି ବିଶ୍ୱର ସବୁଠାର ୁ ବଡ ଲୋକତାନ୍ତ୍ରିକ ରାଷ୍ଟ୍ର । ଏହା ଉଭୟ ଦେଶ ମଧ୍ୟରେ ସଂପର୍କ ବୃଦ୍ଧି ନେଇ ସେ ଆଶାବାଦୀ ଥିବା କଥା କହିଛନ୍ତି ।