ନିର୍ବାଚନ ଲଢ଼ିବେ ସୀମା ହାଇଦର ! ମିଳିଲା ଟିକେଟ ଅଫର, ଗ୍ରହଣ କଲେ ସୀମା
କନକ ବ୍ୟୁରୋ : ଭାରତ ହେଉକି ପାକିସ୍ତାନ , ସବୁଠି ଏବେ ସୀମା ହାଇଦରଙ୍କୁ ନେଇ ଚର୍ଚ୍ଚା । କେବେ ସୀମାଙ୍କୁ ଲକ୍ଷ ଲକ୍ଷ ଟଙ୍କାର ଚାକିରି କରିବାକୁ ପ୍ରସ୍ତାବ ମିଳୁଛି ତ କେବେ ମିଳୁଛି ସିନେମାରେ ଅଭିନୟ କରିବାର ଅଫର୍ । ଆଉ ଏବେ ତାଙ୍କୁ ନେଇ ଆସିଛି ନୂଆ ଖବର । ଏନଡ଼ିଏର ସହଯୋଗୀ ଦଳ ତଥା କେନ୍ଦ୍ରମନ୍ତ୍ରୀ ରାମଦାସ ଅଠାୱଲେଙ୍କ ଦଳ ରିପବ୍ଲିକାନ ପାର୍ଟି ଅଫ ଇଣ୍ଡିଆରୁ ଏହି ପ୍ରସ୍ତାବ ମିଳିଛି । ରିପବ୍ଲିକାନ ପାର୍ଟି ଅଫ ଇଣ୍ଡିଆ ଏବେ ସୀମାକୁ ନିର୍ବାଚନ ଲଢ଼ିବା ପାଇଁ ପ୍ରସ୍ତାବ ଦେଇଛି । କେବଳ ସେତିକି ନୁହେଁ ଟିକେଟ ଯାଚିବା ପରେ ଏହାକୁ ସୀମା ସ୍ୱିକାର କରିଥିବା ଜଣାପଡିଛି । ଚର୍ଚ୍ଚା ହେଉଛି ୨୦୨୪ ଲୋକସଭା ନିର୍ବାଚନ ପାଇଁ ଦଳ ତାଙ୍କୁ ମଇଦାନକୁ ଓହ୍ଲାଇବା ଚାହୁଁଛି । ‘ଆରପିଆଇ’ର ରାଷ୍ଟ୍ରୀୟ ଉପାଧ୍ୟକ୍ଷ କିଶୋର ମାସୁମ ସୀମାଙ୍କୁ ଦଳରେ ସାମିଲ କରିବାକୁ ଇଚ୍ଛା ପ୍ରକାଶ କରିଛନ୍ତି । ସେପଟେ ଘଟଣାକୁ ନେଇ ପ୍ରତିକ୍ରିୟା ରଖିଛନ୍ତି କେନ୍ଦ୍ରମନ୍ତ୍ରୀ ରାମଦାସ ଅଠାୱାଲେ । ଅଠାୱଲେ କହିଛନ୍ତି, ସୀମା ହାଇଦରଙ୍କ ସହ ଆମ ଦଳର କୈାଣସି ସମ୍ପର୍କ ନାହିଁ । ତାଙ୍କୁ ଦଳରେ ସାମିଲ କରିବାର କୈାଣସି ପ୍ରଶ୍ନ ଉଠୁ ନାହିଁ । ସୀମାକଙ୍କୁ ଟିକେଟ ଅଫର ନେଇ ଦଳରେ ଫାଟ ଦେଖାଦେଲାଣି ।
Kanak News is now on WhatsApp
Join and get latest news updates delivered to you via WhatsApp
ସୀମାଙ୍କୁ ଆରପିଆଇ ଦଳ ପକ୍ଷରୁ ପ୍ରସ୍ତାବ ମିଳିଥିବା ଖବର ସାମ୍ନାକୁ ଆସିବା ସହ ମହିଳା ସଙ୍ଗଠନର ଅଧ୍ୟକ୍ଷ ଭାବେ ନିଯୁକ୍ତି ଦିଆଯାଇପାରେ ବୋଲି କୁହାଯାଇଛି । ଏହା ସହ ତାଙ୍କ କହିବା ଶୈଳୀକୁ ନେଇ ଦଳର ମୁଖପାତ୍ର କରାଯାଇପାରେ । ତେବେ ସୁରକ୍ଷା ଏଜେନ୍ସିଙ୍କ ନିକଟରୁ କ୍ଲିନ ଚିଟ୍ ମିଳିବା ପରେ ଦଳ ନିଷ୍ପତି ନେବ ବୋଲି କୁହାଯାଉଛି । ସୀମାଙ୍କୁ ଭାରତର ନାଗରିକତା ମିଳିଗଲା ପରେ ନିର୍ବାଚନ ଲଢ଼ିବାନେଇ ସବୁଜ ସଙ୍କେତ ମିଳିବ ବୋଲି ‘ଆରପିଆଇ’ର ରାଷ୍ଟ୍ରୀୟ ଉପାଧ୍ୟକ୍ଷ କିଶୋର ମାସୁମ କହିଛନ୍ତି ।
ସୀମାଙ୍କୁ ନେଇ ଏବେ ବି ଥମିନି ସନ୍ଦେହ । ପାକିସ୍ତାନର ଗୁଇନ୍ଦା ଭାବେ ଭାରତ ଆସିଥିବା ସୀମାଙ୍କୁ ସନ୍ଦେହ କରାଯାଉଛି ଏବଂ ତଦନ୍ତ ମଧ୍ୟ ଚାଲିଛି । ବିଭିନ୍ନ ଆଡ଼ୁ ସୀମାଙ୍କୁ ପ୍ରସ୍ତାବ ମିଳୁଥିବାବେଳେ ଏହାରି ମଧ୍ୟରେ ଗୋଟିଏ ରାଜନୈତିକ ଦଳରେ ସୀମାଙ୍କ ସାମିଲକୁ ନେଇ ବଢ଼ିଛି ଚର୍ଚ୍ଚା ।