ଇମ୍ରାନ୍ ମୁହଁରେ ଶାନ୍ତିର ବାର୍ତ୍ତା, ହେଲେ ସୀମାରେ ଲଗାତାର ଅସ୍ତ୍ରବିରତି ଉଲ୍ଲଂଘନ କରୁଛି ପାକ୍ ସେନା, ଜଣେ ନାଗରିକ ଆହତ
କନକ ବ୍ୟୁରୋ : ପୁଣି ଥରେ ପାକିସ୍ତାନର ଦୋମୁହାଁ ନୀତି ପଦାରେ ପଡିଛି । ଗୋଟିଏ ପଟେ ଶାନ୍ତି ପାଇଁ କଥାବାର୍ତା କଥା କହୁଥିବା ପାକିସ୍ତାନ ଅନ୍ୟପଟେ ସୀମାରେ ଜାରି ରଖିଛି ଅସ୍ତ୍ରବିରତି ଉଘଂଘନ । ପୁଂଛ ଓ ଉରି ସେକ୍ଟରରେ ପୁଣି ଅସ୍ତ୍ରବିରତି ଉଲ୍ଲଙ୍ଘନ କରିଛି ପାକିସ୍ତାନ । ବାରମ୍ବାର ଭାରତୀୟ ସୀମା ଉପରକୁ ଗୁଳିମାଡ କରିଛି ପାକିସ୍ତାନ । ସୀମାରେ ଜନବସତି ଉପରକୁ ପାକିସ୍ତାନ ପଟୁ ଗୁଳିମାଡ ଜାରି ରହିଛି । ଏଥିରେ ଜଣେ ସାଧାରଣ ନାଗରିତ ଆହତ ହୋଇଛନ୍ତି । ତେବେ ଏହାର ମୁହଁତୋଡ ଜବାବ ଦେଉଛନ୍ତି ଭାରତୀୟ ସେନା ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଭାରତୀୟ ପାଇଲଟ୍ ଅଭିନନ୍ଦନଙ୍କୁ ପାକିସ୍ତାନ ମାତ୍ର ଗୋଟିଏ ଦିନରେ ଛାଡିବା ନେଇ ଘୋଷଣା କରିବା ପରେ ସବୁଠି ଚର୍ଚ୍ଚା କେମିତି ଏତେ ଉଦାରତା ଦେଖାଇଲା ପାକ୍ ସରକାର । ଏହା ପଛରେ କଣ ରହିଛି ପ୍ରମୁଖ କାରଣ । ଭାରତର ଯୁଦ୍ଧ ପ୍ରସ୍ତୁତିକୁ ଦେଖି ଡରିଗଲା ନାଁ ଆନ୍ତର୍ଜାତୀୟ ଚାପ ଆଗରେ ମୁଣ୍ଡ ନୁଆଁଇଲେ ଇମ୍ରାନ । ତେବେ ସୂଚନା ଅନୁଯାୟୀ ଆମେରିକା, ସାଉଦି ଆରବ ଓ ୟୁନାଇଟେଡ୍ ଆରବ ଏମିରେଟସର ପ୍ରବଳ ଚାପ ଯୋଗୁଁ ପାକିସ୍ଥାନ ମୁଣ୍ଡ ନୁଆଇଁବା ପାଇଁ ଏକ ପ୍ରକାର ବାଧ୍ୟ ହୋଇଛି ।