ପାକିସ୍ତାନରେ ଦିନକୁ ଦିନ ବିଗୁଡୁଛି ସ୍ଥିତି । ଗ୍ୟାସ ଦର ୧୧୨ ପ୍ରତିଶତ ବୃଦ୍ଧି, ୬ମାସ ମଧ୍ୟରେ ୩୭୦ ଅରବ ଡଲାର ଟିକସ ଆଦାୟ କରିବାକୁ ସରକାରଙ୍କ ଘୋଷଣା

କନକ ବ୍ୟୁରୋ : ଦିନକୁ ଦିନ ଅଧିକ ସଂଗୀନ ହେଉଛି ପାକିସ୍ତାନର ସ୍ଥିତି । ଦରଦାମ ବୃଦ୍ଧି ଭିତରେ ଦୁଇ ମୁଠା ଖାଦ୍ୟ ମିଳିବା ମଧ୍ୟ ଏଠି ଦିବା ସ୍ୱପ୍ନ ପାଲଟିଛି । ଗୋଟେ ପଟେ ଖାଦ୍ୟ ଓ ଅତ୍ୟାବଶକୀୟ ସାମଗ୍ରୀ ସଙ୍କଟ ଅନ୍ୟପଟେ ଗ୍ୟାସର ଦର ଏବେ ୧୧୨ ପ୍ରତିଶତ ବୃଦ୍ଧି ପାଇବା ଦେଶବାସୀଙ୍କ ମୁଣ୍ଡରେ ଚଡ଼କ ପକାଇଛି । ମଙ୍ଗଳବାର ସଂଘୀୟ କ୍ୟାବିନେଟର ଆର୍ଥିକ ସମନ୍ୱୟ ସମିତ ଗ୍ୟାସ ଦର ବୃଦ୍ଧି ଘୋଷଣା କରିଛି । ଏଥିସହ ଅର୍ଥମନ୍ତ୍ରୀ ଅଶଫାକ ଡାର ଏକଥା ମଧ୍ୟ ଘୋଷଣା କରିଛନ୍ତି ୬ମାସ ଭିତରେ ପାକିସ୍ତାନବାସୀଙ୍କଠୁ ୩୧୦ ଅରବ ଡଲାର ଟିକସ ଆଦାୟ କରାଯିବ । ପାକିସ୍ତାନରେ ଚାଉଳ କେଜି ୨ଶହ ଟଙ୍କାରେ ବିକ୍ରି ହେଉଛି, କ୍ଷୀର ଲିଟର ଦାମ ୧୪୦ଟଙ୍କା ରହିଛି, ଆଳୁ କେଜି ୧୦୦ଟଙ୍କା, ସେହିପରି ଗ୍ୟାସ ସିଲିଣ୍ଡର ଦାମ ୩୫ଶହ ଟଙ୍କ ରହିଛି । ସେପଟେଟ ବିଦ୍ୟୁତ ଦର ୩୦ ପ୍ରତିଶତ ବୃଦ୍ଧି କରାଯାଇଛି