କନକ ବ୍ୟୁରୋ: ମୁଲତବୀ ପରେ ବିଧାନସଭାରେ ଉଠିଲା ଚାଷୀ ପ୍ରସଙ୍ଗ । ଶୂନ୍ୟକାଳରେ ଚାଷୀ ସମସ୍ୟା ପ୍ରସଙ୍ଗରେ ଆଲୋଚନା ହୋଇଛି । ବିରୋଧୀଙ୍କ ମୁଲତବି ପ୍ରସ୍ତାବ ଉପରେ ଗୃହରେ ଆଲୋଚନା କରାଯାଇଛି । କୃଷିମନ୍ତ୍ରୀ ପ୍ରଦୀପ ମହାରଥୀ ଚାଷୀଙ୍କ ସମସ୍ୟା ନେଇ ଉତର ରଖିଛନ୍ତି । ସେହିପରି ଶୂନ୍ୟକାଳରେ ଭତା ବୃଦ୍ଧି ଦାବି କରିଥିଲେ ବିରୋଧୀ ଦଳ ନେତା ନରସିଂହ ମିଶ୍ର । ଭତା ଟଙ୍କା ୩ଶହରୁ ହଜାରେ ଟଙ୍କା ବଢାଇବାକୁ ନରସିଂହ ମିଶ୍ର ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଜି ବିଧାନସଭା ଆରମ୍ଭର କିଛି ସମୟ ପରେ ଅନୁସୂଚିତ ଜାତି ଜନଜାତି ମନ୍ତ୍ରୀ ଗୃହରେ ଭୁଲ ଉତର ରଖିଥିବା ଅଭିଯୋଗ ଆଣି ହଙ୍ଗାମା କରିଥିଲେ ବିରୋଧୀ । ବାଚସ୍ପତିଙ୍କ ପୋଡିୟମ ନିକଟରେ ନାରାବାଜି କରିଥିଲେ କଂଗ୍ରେସ ବିଧାୟକ । ଏହାପରେ ମଧ୍ୟାହ୍ନ ୧୨ଟା ଯାଏଁ ଗୃହକୁ ମୁଲତବି ଘୋଷଣା କରିଥିଲେ ବାଚସ୍ପତି । କଂଗ୍ରେସ ଦଳ ମୁଖ୍ୟ ସଚେତକ ତାରା ପ୍ରସାଦ ବାହିନୀପତି କହିଛନ୍ତି ଆଦିବାସୀ ବ୍ୟାପାର ମନ୍ତ୍ରୀ ଗୃହରେ ଭୁଲ ଉତର ରଖୁଛନ୍ତି । ତାଙ୍କ ବିରୋଧରେ ସ୍ୱାଧୀକାର ଭଙ୍ଗ ନୋଟିସ ଅଣାଯିବ । ବିଜେପି ବିଧାୟକ ରବି ନାଏକ ମଧ୍ୟ ସମାନ ଅଭିଯୋଗ ଆଣିଥିଲେ ।