ଖୋର୍ଦ୍ଧାରେ ଶବ ସତ୍କାରକୁ ନେଇ ବିବାଦ : ରାସ୍ତା ଉପରେ ମୃତଦେହ ରଖି ଗ୍ରାମବାସୀଙ୍କ ଆନ୍ଦୋଳନ
ଖୋର୍ଦ୍ଧା : ଖୋର୍ଦ୍ଧା ନିରାକାରପୁର କଲେଜ ଛକ ମଶାଣୀରେ ଶବ ପୋଡାକୁ ନେଇ ବିବାଦ ଦେଖାଦେଇଛି । ନୂଆ ଜଗନ୍ନାଥ ସଡକ ଉପରେ ଶବ ରଖି ପୋଡିବାକୁ ପ୍ରୟାସ କରିଛନ୍ତି ଗ୍ରାମବାସୀ । ରାସ୍ତା ଅବରୋଧ ହୋଇଥିବା ଯୋଗୁଁ ରାସ୍ତାର ଉଭୟ ପାଶ୍ୱର୍ରେ ଶତାଧିକ ଯାନବାହାନ ଅଟକି ରହିଛି । ଟାଙ୍ଗି ତହସିଲଦାର ଓ ନିରାକାର ପୁଲିସ ଘଟଣାସ୍ଥଳରେ ପହଂଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ଯେଉଁ ଜାଗାରେ ଶବ ପୋଡା ଯାଉଥିଲା ସେହି ଜାଗା ଗାଁର ଜଣେ ବ୍ୟକ୍ତି ନିଜର ଜାଗା ବୋଲି ଦାବି କରିବା ପରେ ବିବାଦ ଉପୁଜିଥିଲା । ସେହି ସମୟରେ ମଧ୍ୟ ପୋଲିସ ଓ ତହସିଲଦାର ଘଟଣାସ୍ଥଳରେ ପହଂଚି ସମସ୍ୟା ସମାଧାନ ପାଇଁ ପ୍ରୟାସ କରିଥିଲେ । କିନ୍ତୁ ଏହା ଫଳପ୍ରଦ ହୋଇନଥିଲା ।
ଆଜି ଗାଁରେ ଜଣେ ବ୍ୟକ୍ତିଙ୍କ ମୃତ୍ୟୁ ହେବା ପରେ ମଶାଣୀକୁ ଶବ ପୋଡିବା ପାଇଁ ନିଆଯାଇଥିବା ବେଳେ ସମ୍ପୃକ୍ତ ବ୍ୟକ୍ତି ଜଣକ ନିଜ ଜାଗା ବୋଲି ଦାବି କରିବା ସହ ଶବ ପୋଡିବାକୁ ଅନୁମତି ଦେଇନଥିଲେ । ଏହାକୁ ନେଇ ବିବାଦ ଦେଖାଦେଇଛି ।