ନିଟ୍ ନାମଲେଖା ପାଇଁ ଆନ୍ଦୋଳନରେ ବସିଥିବା ଡାକ୍ତରଙ୍କ ପାଇଁ ଖୁସି ଖବର: ଜାନୁଆରୀ ୬ ପୂର୍ବରୁ ହୋଇପାରେ କାଉନସେଲିଂ, ସ୍ୱାସ୍ଥ୍ୟମନ୍ତ୍ରୀ ଦେଲେ ସୂଚନା
କନକ ବ୍ୟୁରୋ: ନିଟ୍ ନାମଲେଖା ପାଇଁ ଦାବି କରି ଆନ୍ଦୋଳନରେ ବସିଥିବା ଡାକ୍ତରଙ୍କ ପାଇଁ ଖୁସି ଖବର । ଜାନୁଆରୀ ୬ ପୂର୍ବରୁ ପିଜି କାଉନସେଲିଂ ଆରମ୍ଭ ହେବ । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ମନସୁଖ ମାଣ୍ଡଭ୍ୟ ଏହି ସୂଚନା ଦେଇଛନ୍ତି । ଏଥିସହ ଆନ୍ଦୋଳନରତ ଡାକ୍ତରଙ୍କ ବିରୋଧରେ ଏଫଆଇଆର ହେବନି ବୋଲି ମନ୍ତ୍ରୀ ଆଶ୍ୱସନା ଦେଇଥିବା ସୂଚନା ରହିଛି । ଗୁରୁବାର ଇଣ୍ଡିଆନ୍ ମେଡିକାଲ ଆସୋସିଏସନ ମନ୍ତ୍ରୀଙ୍କୁ ଭେଟିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହି ସମୟରେ ଆଇଏମଏ ପରୀକ୍ଷା ଶୀଘ୍ର କରାଇବାକୁ ଦାବି କରିବା ସହିତ ଆନ୍ଦୋଳନରତ ଡାକ୍ତରଙ୍କ ବିରୋଧରେ ଏଫଆଇଆର ନହେଉ ବୋଲି ଦାବି କରିଥିଲା । ଆଇଏମଏ କହିଛି ହଜାର ହଜାର ଡାକ୍ତର ବର୍ଷେ ହେବ ମେଡିକାଲ କାଉନସେଲିଂ ପାଇଁ ଅପେକ୍ଷା କରିଛନ୍ତି । କରୋନା ମହାମାରୀ ପାଇଁ ପରୀକ୍ଷା ବିଳମ୍ବ ହେଉଛି । କିନ୍ତୁ ଏବେର ସ୍ଥିତି ଯାହା ଦେଶରେ ଓମିକ୍ରନ ପାଇଁ ତୃତୀୟ ଲହର ଆସିପାରେ । ଏପରି ସ୍ଥିତିରେ ହସ୍ପିଟାଲର ଡାକ୍ତର ଆନ୍ଦୋଳନ କରୁଛନ୍ତି ।