ଅମୃତସର ଦୁର୍ଘଟଣାରେ ମୃତକଙ୍କ ପାଇଁ ଚାଲିଥିଲା କ୍ୟାଣ୍ଡେଲ ରାଲି ! ହସୁଥିଲେ ନବଜୋତ ସିଂ ସିଦ୍ଧୁ, ଭାଇରାଲ ହେଲା ଭିଡିଓ ।
ପଞ୍ଜାବ ଅମୃତସରରେ ଦଶହରାରେ ହୋଇଥିବା ହୃଦୟ ବିଦାରକ ଘଟଣା ଆଜି ବି ମନେ ପଡିଲେ ଲୋମ ଟାଙ୍କୁରି ଉଠେ । ରାବଣ ପୋଡିରେ ହୋଇଥିବା ଟ୍ରେନ ଦୁର୍ଘଟଣାରେ ଚାଲିଯାଇଛି ୬୦ରୁ ଅଧିକ ଜୀବନ । ଅନେକ ଏବେବି ମଧ୍ୟ ଆହତ ହୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି । ଆଉ ଅନ୍ୟ ପଟେ ଏହି ଲୋମଟାଙ୍କୁରା ଘଟଣାକୁ ନେଇ ମଧ୍ୟ ରାଜନୀତି ତେଜିବାରେ ଲାଗିଛି । ନେତାମାନଙ୍କ ମଧ୍ୟରେ ଆରୋପ ପ୍ରତ୍ୟାରୋପ ଜାରି ରହିଛି । ଆଉ ଏହାରି ମଧ୍ୟରେ ନବଜୋତ ସିଂହ ସିଦ୍ଧୁଙ୍କ ଏକ ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି, ଯାହାକୁ ନେଇ ଜୋରଦାର ଚର୍ଚ୍ଚା ହେବା ସହ ରାଜନୀତି ମଧ୍ୟ ତେଜିଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରକୃତ ଘଟଣା ହେଉଛି, ଅମୃତସର ଦୁର୍ଘଟଣାରେ ମୃତକଙ୍କ ପାଇଁ କଂଗ୍ରେସ ପକ୍ଷରୁ ଏକ କ୍ୟାଣ୍ଡେଲ ରାଲିର ଆୟୋଜନ କରାଯାଇଥିଲା । ଆଉ ଏହି ରାଲିରେ ନବଜୋତ ସିଂହ ସିଦ୍ଧୁ ହସୁଥିବାର ଏକ ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସୂଚନା ଅନୁଯାୟୀ, ଏହି କ୍ୟାଣ୍ଡେଲ ମାର୍ଚ୍ଚରେ ନବଜୋତ ସିଂହ ସିଦ୍ଧୁ ପଞ୍ଜାବ କଂଗ୍ରେସ ଅଧ୍ୟକ୍ଷ ସୁନୀଲ ଜାଖଡଙ୍କ ସହ କଥା ହେବା ସହ ଅନେକ ଥର ହସୁଥିବାର ମଧ୍ୟ ନଜର ଆସିଛନ୍ତି । ସିଦ୍ଧୁଙ୍କ ଏହି ଫଟୋ ଭାଇରାଲ ହେବା ପରେ ରାଜନୀତି ମଧ୍ୟ ଜୋର ଧରିଛି । ସାଧାରଣ ଲୋକମାନଙ୍କର କହିବା କଥା ଅମୃତସର ଦୁର୍ଘଟଣାକୁ ନେଇ ସିଦ୍ଧୁ ରାଜନୀତି କରୁଛନ୍ତି । ଏହି ହୃଦୟ ବିଦାରକ ଘଟଣା ପାଇଁ ସିଦ୍ଧୁ କେତେ ଦୁଃଖିତ ଅଛନ୍ତି, ତାହା ଏହି ଫଟୋରୁ ଜଣା ପଡୁଥିବା ସାଧାରଣରେ ଚର୍ଚ୍ଚା ହେଉଛି ।