ଦଙ୍ଗା ପାଇଁ ଗାଁ ଛାଡି ଚାଲିଯିବାକୁ ବାଧ୍ୟ ହୋଇଥିଲେ ମୁସଲିମ୍ ପରିବାର, ସେମାନଙ୍କୁ ଫେରାଇ ଆଣିବାକୁ ଆପ୍ରାଣ ଉଦ୍ୟମ ଚଳାଇଛନ୍ତି ଏହି ହିନ୍ଦୁ ବ୍ୟକ୍ତି
ଉତ୍ତର ପ୍ରଦେଶରେ ହିନ୍ଦୁ-ମୁସଲମାନ ଭିତରେ ଭାଇଚାରା ର ଅନେକ ଉଦାହରଣ ଦେଖିବାକୁ ମିଳେ । ସେମିତି ଆଉ ଏକ ନିଦର୍ଶନ, ଯାହା ଆପଣଙ୍କ ହୃଦୟକୁ ଛୁଇଁଯିବ । ଉତ୍ତର ପ୍ରଦେଶ ମୁଜଫରନଗର ସ୍ଥିତ ଦୁହ୍ଲେଡା ଗାଁର ସଂଜୀବ ପ୍ରଧାନଙ୍କ ଗୋଟିଏ ସ୍ୱପ୍ନ ଅଛି । ସେ ଚାହାଁନ୍ତି କି ତାଙ୍କ ଗାଁର ମୁସଲମାନ ପରିବାର, ଯେଉଁମାନେ ଦଙ୍ଗା ପାଇଁ ଘର ଛାଡି ଚାଲିଯାଇଥିଲେ, ସେମାନେ ଫେରି ଆସନ୍ତୁ । ସେ ଏଥିପାଇଁ ପ୍ରାଣପଣେ ଚେଷ୍ଟା କରୁଛନ୍ତି । ଦଙ୍ଗା ପାଇଁ ଏହି ଗାଁରୁ ୬୫ଟି ମୁସଲିମ୍ ପରିବାରଙ୍କୁ ବର୍ଷ ୨୦୧୩ ଅଗଷ୍ଟ ଓ ସେପ୍ଟେମ୍ବରରେ ଘର ଛାଡିବାକୁ ପଡିଥିଲା । ଏମାନଙ୍କ ମଧ୍ୟରୁ ୩୦ ଜଣ ପରିବାରଙ୍କୁ ସଂଜୀବ ପ୍ରଧାନ ଫେରାଇ ଆଣିବାରେ ସଫଳ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଯେତେବେଳେ ମୁଜଫରନଗର ଦଙ୍ଗାର ନିଆଁରେ ଜଳୁଥିଲା, ସେତେବେଳେ ୪୨ ବର୍ଷୀୟ ଏହି ବ୍ୟକ୍ତି ଅନେକ ମୁସଲିମ୍ ପରିବାରଙ୍କ ସହାୟତା କରିଥିଲେ ଓ ତାଙ୍କୁ ଘରେ ଆଶ୍ରୟ ଦେଇଥିଲେ । ଏହା ବ୍ୟତୀତ ସେ ଓ ତାଙ୍କ ସାଥୀ ସେହି ଶରଣାର୍ଥୀଙ୍କୁ ରକ୍ଷା ବି କରିଥିଲେ । ଦୁହ୍ଲେଡା ଗାଁରୁ ପାଖାପାଖି ୧ କିମି ଦୂରରେ ୮ଜଣ ମୁସଲିମଙ୍କ ହତ୍ୟା ହୋଇଥିଲା । ଏହି ଦଙ୍ଗାରେ ମୋଟ୍ ୬୨ ଜଣଙ୍କ ମୃତ୍ୟୁ ହୋଇଥିଲା ଓ ୫୦ ହଜାରରୁ ଅଧିକ ଲୋକ ବିସ୍ଥାପିତ ହୋଇଥିଲେ । ସଂଜୀବ ଓ ତାଙ୍କ ସାଥୀ ଏବେ ଲୋକଙ୍କୁ ଗାଁକୁ ଫେରାଇ ଆଣିବାକୁ ସାର୍ଥକ ପ୍ରଚେଷ୍ଟା କରୁଛନ୍ତି ।