ରାଉରକେଲାର ହତ୍ୟା ଅଭିଯୁକ୍ତକୁ ଏନକାଉଣ୍ଟର : ପୋଲିସ ଗୁଳିରେ ଚୁନୁ ଓରାମ୍ ଆହତ, ହସ୍ପିଟାଲରେ ଭର୍ତ୍ତି
କନକ ବ୍ୟୁରୋ : ସରକାରୀ ଜମିରେ ଜବରଦଖଲ ବିବାଦକୁ ନେଇ ରାଉରକେଲରେ ଫୁଟିଲା ଗୁଳି । ଗୁଳିମାଡରେ ଗୁରୁତର ହୋଇଥିବା ଯୁବକ ବାଂଛା ତନ୍ତୀ ପ୍ରାଣ ହରାଇଛନ୍ତି । ଝିରିପାଣି ଥାନା ଝରିରଟୋଲା ବସ୍ତିରେ ଗୁଳିକାଣ୍ଡ ଘଟିଥିଲା । ଏହି ଅଞ୍ଚଳରେ ଖାଲି ପଡିଥିବା ସରକାରୀ ଜମି ହାତେଇବା ପାଇଁ ଲାଗି ରହିଥିବା ବିବାଦ ଯୋଗୁଁ ବାଂଛାଙ୍କ ମୁଣ୍ଡ ଗୁଡିଥିବା ସ୍ପଷ୍ଟ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସେହି ଅଞ୍ଚଳର ଚୁନୁ ଓରାମ ନାମକ ଯୁବକ ସରକାରୀ ଜମି ନିଜ ଦଖଲରେ ରଖି ଘର ତିଆରି କରି ଭଡା ଲଗାଉଥିବା ଅଭିଯୋଗ ହୋଇଛି । ତେବେ ଏହି ଜମିର କିଛି ଅଂଶକୁ କବଜା କରିବା ଲାଗି ବାଂଛା ଉଦ୍ୟମ କରିବାରୁ ବିବାଦ ଦେଖାଦେଇଥିଲେ । ଶେଷରେ ଚୁନୁର ଗୁଳିମାଡରେ ବାଂଛା ପ୍ରାଣ ହରାଇଛନ୍ତି । ତେବେ ପୋଲିସ ଗୁଳିରେ ଆଜି ଚୁନୁ ଓରାମ୍ ଆହତ ହୋଇଛନ୍ତି । ତାଙ୍କୁ ନିକଟସ୍ଥ ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି ।