ମଧ୍ୟପ୍ରଦେଶରେ ଥମୁନାହିଁ ଦଳିତଙ୍କ ଉପରେ ଆକ୍ରମଣ । ଯୁବକଙ୍କୁ ପିଟି ପିଟି ହତ୍ୟା କରିବା ପରେ ମା’କୁ ନିବସ୍ତ୍ର କରି ବୁଲାଇଲେ ଅପରାଧୀ
କନକ ବ୍ୟୁରୋ : ମଧ୍ୟପ୍ରଦେଶ ସାଗର ଜିଲ୍ଲାରେ ଜଣେ ଦଳିତ ଯୁବକଙ୍କୁ ପିଟି ପିଟି ହତ୍ୟା କରିବା ଘଟଣା ଏବେ ପୁଣିଥରେ ରାଜ୍ୟ ସରକାରଙ୍କ ଆଇନ ଶୃଙ୍ଖଳା ଉପରେ ପ୍ରଶ୍ନବାଚୀ ଛିଡା କରିଛି । ଅଭିଯୋଗ ମୁତାବକ କିଛି ଅସାମାଜିକ ଯୁବକ ଜଣେ ଝିଅ ସହିତ ବାରମ୍ବାର ଖରାପ ବ୍ୟବହାର କରୁଥିଲେ । ଏନେଇ ଝିଅର ଭାଇ ପ୍ରତିବାଦ କରିବାରୁ ଅସାମାଜିକ ଯୁବକମାନେ ଦଳିତ ଯୁବକଟିକୁ ପିଟି ପିଟି ହତ୍ୟା କରିବା ସହିତ ସଂପୃକ୍ତ ଯୁବକର ମା ଙ୍କୁ ନିବସ୍ତ୍ର କରି ରାସ୍ତାରେ ବୁଲାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଜଣେ ଦଳିତ ଯୁବତୀଙ୍କୁ କିଛି ଅସାମାଜିକ ଯୁବକ ବାରମ୍ବାର ଖରାପ ବ୍ୟବହାର କରୁଥିଲେ । ଏନେଇ ଯୁବତୀଙ୍କ ପରିବାର ଲୋକ ଥାନାରେ ଅଭିଯୋଗ କରିଥିଲେ । ଏହାପରେ ଅପରାଧୀ ପ୍ରବୃତ୍ତିର ଏହି ଆସାମାଜିକ ଯୁବକମାନେ ଯୁବତୀଙ୍କ ପରିବାର ଲୋକଙ୍କୁ ଥାନାରୁ ମାମଲା ପ୍ରତ୍ୟାହାର କରିବାକୁ ଚାପ ପକାଉଥିଲେ । ହେଲେ ଯୁବତୀଙ୍କ ପରିବାର ଥାନାରୁ ମାମଲା ପ୍ରତ୍ୟାହାର ନକରିବାରୁ ଏଭଳି କାଣ୍ଡ ଘଟାଇଛନ୍ତି ସେହି ଆସାମାଜିକ ଯୁବକମାନେ ।
ଘଟଣା ସାମ୍ନାକୁ ଆସିବା ପରେ ଚିରାଚରିିତ ଢଙ୍ଗରେ ଘଟଣାକୁ ନେଇ ରାଜନୀତି ଆରମ୍ଭ ହୋଇଯାଇଛି । କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଟ୍ୱିଟ କରି ଏହି ଘଟଣାକୁ ନିନ୍ଦା କରିବା ସହ ଲେଖିଛନ୍ତି କି, ମଧ୍ୟ ପ୍ରଦେଶ ଏବେ ଦଳିତଙ୍କ ଉପରେ ଅତ୍ୟାଚାରର ଏକ ପ୍ରୟୋଗଶାଳା ହୋଇଯାଇଛି । ବିଜେପି ଶାସିତ ମଧ୍ୟ ପ୍ରଦେଶରେ ଦଳିତଙ୍କ ଉପରେ ସର୍ବାଧିକ ଆକ୍ରମଣ ହେଉଛି । ମୁଖ୍ୟମନ୍ତ୍ରୀ କେବଳ କ୍ୟାମେରା ସାମ୍ନାରେ ଦଳିତଙ୍କ ପାଦ ଧୋଇ ଦୋଷ ଲୁଚାଇବାକୁ ପ୍ରୟାସ କରୁଛନ୍ତି ବୋଲି ଖଡଗେ କଟାକ୍ଷ କରିଛନ୍ତି ।
मध्य प्रदेश के सागर ज़िले में एक दलित युवक की पीट-पीट कर हत्या कर दी गई। गुंडों ने उसकी मॉं को भी नहीं बख़्शा।
सागर में संत रविदास मंदिर बनवाने का ढोंग रचने वाले प्रधानमंत्री जी मध्य प्रदेश में लगातार होते दलित व आदिवासी उत्पीड़न एवं अन्याय पर चूँ तक नहीं करते। मध्यप्रदेश के…
— Mallikarjun Kharge (@kharge) August 27, 2023
ସୂଚନା ମୁତାବକ ଏହି ଘଟଣା ଖୁରଇ ଦେହାତ ଥାନା ଅଞ୍ଚଳରେ ଘଟିଛି । କିଛି ଅସାମାଜିକ ଯୁବକ ଦଳିତ ଯୁବକଙ୍କୁ ପିଟି ପିଟି ହତ୍ୟା କରିଛନ୍ତି । ଏନେଇ ଅଭିଯୋଗ ହେବା ପରେ ପୋଲିସ ତରଫରୁ ୧୨ ଜଣ ଅଭିଯୁକ୍ତଙ୍କ ନାମରେ ମାମଲା ରୁଜୁ କରିଛି । ଏହାସହ ୯ଜଣଙ୍କୁ ଗିରଫ ମଧ୍ୟ କରିଛି ।