ମନ୍ଦିର ହୁଣ୍ଡିରୁ ବାହାରୁଛି ପୁଳା ପୁଳା ଟଙ୍କା। ଆନ୍ଧ୍ରପ୍ରଦେଶର ପ୍ରସିଦ୍ଧ ବ୍ରହ୍ମଅମ୍ବିକା ମଲ୍ଲିକାର୍ଜୁନ ମନ୍ଦିରରୁ ଆସିଲା ଦୃଶ୍ୟ ।
କନକ ବ୍ୟୁରୋ: ମନ୍ଦିର ହୁଣ୍ଡିରୁ ମିଳିଲା କୋଟି କୋଟି ଟଙ୍କା । ଦାନ ଅର୍ଥକୁ ଗଣି ଗଣି ଥକିଯାଇଛନ୍ତି ମନ୍ଦିର କର୍ମଚାରୀ । ଆନ୍ଧ୍ରପ୍ରଦେଶର ପ୍ରସିଦ୍ଧ ବ୍ରହ୍ମଅମ୍ବିକା ମଲ୍ଲିକାର୍ଜୁନ ମନ୍ଦିରର ଏହା ହେଉଛି ଦୃଶ୍ୟ । ଆପଣ ଦେଖିପାରୁଥିବେ କିଭଳି ଲମ୍ବାଧାଡି କରି ମନ୍ଦିରର କର୍ମଚାରୀ ବସିଛନ୍ତି ଓ ଟଙ୍କା ଗଣୁଛନ୍ତି । କିଛି ସ୍ଥାନରେ ମେସିନ ସାହାର୍ଯ୍ୟରେ ମଧ୍ୟ ଟଙ୍କା ଗଣା ଚାଲିଛି । ୧୩ଦିନରେ ମନ୍ଦିର ହୁଣ୍ଡିରୁ ମିଳିଛି ୫କୋଟି ୧୧ଲକ୍ଷ ଟଙ୍କା ।
Kanak News is now on WhatsApp
Join and get latest news updates delivered to you via WhatsApp
ପ୍ରଶାସନର ସୂଚନା ଅନୁସାରେ ପ୍ରଥମ ଥର ପାଇଁ ଏତେ କମ ଦିନ ଭିତରେ ଏହି ମୋଟା ଅଙ୍କର ଅର୍ଥ ଦାନ ରୂପ ମିଳିଛି । କେବଳ ଟଙ୍କା ନୁହେଁ ଭକ୍ତମାନେ ୧୦୦ଗ୍ରାମର ସୁନା, ୭କେଜିର ରୂପ ଅଳଙ୍କାର ମଧ୍ୟ ଦାନ କରିଛନ୍ତି । ଏଥିସହ ବିଦେଶୀ ମୁଦ୍ରା ମଧ୍ୟ ହୁଣ୍ଡିରୁ ମିଳିଛି । ମନ୍ଦିର ପ୍ରଶାସନର ସୂଚନା ଅନୁସାରେ ପୁଲିସ ତଦାରଖ ଓ ସିସିଟିଭି କ୍ୟାମେରା ଭିତରେ ଟଙ୍କା ଗଣା ଚାଲିଛି ।