ବିଜେପିର ସଙ୍କଳ୍ପ ପତ୍ରକୁ ଦୋହରାଇଲେ ଧର୍ମେନ୍ଦ୍ର ପ୍ରଧାନ । କହିଲେ , ରାଜ୍ୟରେ ବିଜେପି ସରକାର ହେଲେ ମା’ ଉଭଣୀଙ୍କୁ ମିଳିବ ୫୦ ହଜାର ଟଙ୍କାର ଉପହାର ।
କନକ ବ୍ୟୁରୋ: ସମ୍ବଲପୁରରେ ସାମ୍ବାଦିକ ସମ୍ମିଳନୀ କରି ତର୍କ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଆହ୍ୱାନ ଦେଇଛନ୍ତି କେନ୍ଦ୍ରମନ୍ତ୍ରୀ ତଥା ସମ୍ବଲପୁର ବିଜେପି ଲୋକସଭା ପ୍ରାର୍ଥୀ ଧର୍ମେନ୍ଦ୍ର ପ୍ରଧାନ । ଏହି କ୍ରମରେ ସେ ବିଜେପିର ସଙ୍କଳ୍ପ ପତ୍ରକୁ ଦୋହରାଇବା ସହ ଏଥିରେ ଥିବା ୨୧ ଟି ପ୍ରତିଶ୍ରୁତିକୁ ପୂରଣ କରିବାକୁ କହିଛନ୍ତି । ଏହାସହ ବିଜେଡି ସରକାରଙ୍କ ଦୋଷ ଦୁର୍ବଳାତାକୁ ମଧ୍ୟ ବଖାଣିଛନ୍ତି ଧମେନ୍ଦ୍ର ପ୍ରଧାନ ।
Kanak News is now on WhatsApp
Join and get latest news updates delivered to you via WhatsApp
ସଙ୍କଳ୍ପ ପତ୍ରକୁ ଦୋହରାଇ ଧର୍ମେନ୍ଦ୍ର କହିଛନ୍ତି, ରାଜ୍ୟରେ ବିଜେପି ସରକାର ଗଢିଲେ ରାଜ୍ୟର ମା’, ଭଉଣୀଙ୍କୁ ୫୦ ହଜାର ଟଙ୍କାର ଉପହାର ମିଳିବ । ଏହି ରାଶିକୁ ଜଣେ କିସ୍ତିରେ ହେଉ ବା ଏକକାଳୀନ ବ୍ୟାଙ୍କରୁ ନେଇପାରିବେ । ଏହାକୁ ଆଉ ଫେରାଇବାକୁ ପଡିବନାହିଁ । ଏହାବ୍ୟତୀତ ରାଜ୍ୟର ମତ୍ସ୍ୟଜୀବୀଙ୍କ ପାଇଁ ମଧ୍ୟ ମୋଦୀ ସରକାର ବିଶେଷ ଯୋଜନା କରିବାକୁ ଯାଉଛନ୍ତି । ବର୍ଷକର ଯେଉଁ ମାସରେ ଧୀବର ଭାଇମାନେ ସମୁଦ୍ରକୁ ମାଛ ଧରିବାକୁ ଯାଇପାରନ୍ତି ନାହିଁ ସେହି ସମୟ ପାଇଁ ସେମାନଙ୍କୁ ୧୦ ହଜାର ଟଙ୍କାର ଆର୍ଥିକ ସହାୟତା ରାଶି ଦିଆଯିବ ।
ସଙ୍କଳ୍ପ ପତ୍ରରେ ଥିବା ସବୁଠାରୁ ବଡ କଥା ହେଉଛି ଯୁବ ଗୋଷ୍ଠୀଙ୍କ ପାଇଁ । କାରଣ ରାଜ୍ୟରେ ବିଜେପି ସରକାର ଗଢିଲେ ସ୍ୱତନ୍ତ୍ର ଭାବେ ଯୁବଗୋଷ୍ଠୀ ପାଇଁ ନିଯୁକ୍ତି ସୁଯୋଗ ସୃଷ୍ଟି ହେବ । ଦେଢ ଲକ୍ଷ ସରକାରୀ ନିଯୁକ୍ତିି ସହ ମୋଟ ୫ ଲକ୍ଷ ନିଯୁକ୍ତି ସୁଯୋଗ ସୃଷ୍ଟି କରିବା କଥା ସେ କହିଛନ୍ତି । ଏହି କ୍ରମରେ ରାଜ୍ୟରେ ୭୫ ହଜାର କିଲୋମିଟରର ରାସ୍ତା କରାଯିବା ସହ ନିର୍ଦ୍ଦଷ୍ଟ ଜିଲ୍ଲା ମାନଙ୍କରେ ଇଣ୍ଡଷ୍ଟ୍ରିଆଲ କରିଡର କରାଯିବ , ଫଳରେ ରାଜ୍ୟରେ ନିଯୁକ୍ତି ସୁଯୋଗ ସୃଷ୍ଟି ହୋଇପାରିବ ।
ସେ ଆହୁରି ମଧ୍ୟ କହିଛନ୍ତି ଯେ, ରାଜ୍ୟର ସବୁ ଗରିବ ମୁଣ୍ଡ ଉପରେ ଛାତଟିଏ ରହିବ । ରାଜ୍ୟରେ ପ୍ରଧାନମନ୍ତ୍ରୀ ଆବାସ୍ ଯୋଜନା ଅଧିନରେ ଆହୁରି ୧୫ ଲକ୍ଷ ଘର ତୋଳିବାକୁ ଲକ୍ଷ୍ୟ ଧାର୍ଯ୍ୟ କରାଯାଇଛି । ଏହାଛଡା ସମ୍ବଲପୁରକୁ ଟେକଷ୍ଟାଇଲ ହବ୍ କରାଯିବ, ଫଳରେ ବୁଣାକାରମାନଙ୍କୁ ବିଶେଷ ଲାଭ ମିଳିବ । ଏଥିରେ ବୁଣାକାରଙ୍କ ଉତ୍ପାଦକୁ ବିଶ୍ୱବ୍ୟାପୀ ବଜାରକରଣ କରାଯିବା ସହ ସେମାନଙ୍କ ଉତ୍ପାଦର ମାନକ ରକ୍ଷା କରାଯାଇପାରିବ ।
କେବଳ ଏତିକି ନୁହେଁ ରାଜ୍ୟରେ ବିଧବା, ଦିବ୍ୟାଙ୍ଗ ଓ ନିରାଶ୍ରୟଙ୍କୁ ଯେଉଁ ୧୦୦୦ ଟଙ୍କା ଭତ୍ତା ମିଳୁଛି ତାକୁ ବଢାଯାଇ ୩୦୦୦ ଟଙ୍କା ଭତ୍ତା ଦିଆଯିବ । ଏବଂ ୮୦ ପ୍ରତିଶତ ଦିବ୍ୟାଙ୍କ ବ୍ୟକ୍ତିଙ୍କୁ ସାଢେ ୩ ହଜାର ଟଙ୍କାର ଭତ୍ତା ଦିଆଯିବ ବୋଲି କହିଛନ୍ତି ଧର୍ମେନ୍ଦ୍ର । ଏହାସହ ରାଜ୍ୟରେ ଯେତିକି ସ୍କୁଲ କଲେଜ ହେବା କଥା ତାହା କରାଯାଇ ନାହିଁ କି ସେଥିରେ ଶିକ୍ଷାଦାନ କରିବାକୁ ଶିକ୍ଷକ ଶିକ୍ଷୟିତ୍ରୀ ମଧ୍ୟ ନାହାଁନ୍ତି । ଫଳରେ ରାଜ୍ୟରେ ଶିକ୍ଷାର ମାନ ପଛୁଆ ରହିଛି ।
୨୫ ବର୍ଷ ଭିତରେ ରାଜ୍ୟ ସରକାର ଏହି ସମସ୍ୟା ପ୍ରତି କୌଣସି ଗଚୁରୁତ୍ୱ ଦେଉନାହାଁନ୍ତି । ୨୫ ବର୍ଷର ଶାସନ କାଳରେ ରାଜ୍ୟରେ ଅତ୍ୟାବଶ୍ୟକ ଆବଶ୍ୟକତା ଯେପରିକି ପାନୀୟ ଜଳ, ଶିକ୍ଷା, ସ୍ୱାସ୍ଥ୍ୟ, ଜଳସେଚନ ସମସ୍ୟାକକୁ ଏଯାଏଁ କାହିଁକି ସମସ୍ୟା କରିପାରିନାହାଁନ୍ତି ବୋଲି ମୁଖ୍ୟମନ୍ତ୍ରୀଙ୍କୁ ପ୍ରଶ୍ନ କରିଛନ୍ତି ଧର୍ମେନ୍ଦ୍ର ।