ଦିଲ୍ଲୀରୁ ବାର୍ତ୍ତା, ବେଜିଂରେ ଗୁଂଜରଣ ! ଚୀନରେ ଦେଖିବାକୁ ମିଳିଲା ଲାଲକିଲ୍ଲାରେ ମୋଦି ଦେଇଥିବା ଭାଷଣର ପ୍ରଭାବ
କନକ ବ୍ୟୁରୋ : ସ୍ୱାଧିନତା ଦିବସ ଅବସରରେ ଲାଲକିଲ୍ଲାରୁ ମୋଦି ଦେଇଥିବା ଭାଷଣର ପ୍ରଭାବ ଚୀନରେ ଦେଖିବାକୁ ମିଳିଛି । ଡୋକଲାମ୍ ପ୍ରସଙ୍ଗରେ ଭାରତର ଆଭିମୁଖ୍ୟ, ଭାରତ ପ୍ରତି ଚୀନର ଥିବା ଦୃଷ୍ଟିଭଙ୍ଗୀକୁ ବଦଳାଇ ଦେଇଛି ବୋଲି ଚୀନର ସରକାରୀ ଗଣମାଧ୍ୟମ ଗ୍ଲୋବାଲ ଟାଇମରେ ପ୍ରକାଶ ପାଇଛି । ଏହି ରିପୋର୍ଟ ଅନୁଯାୟୀ ଚୀନର କୁଟନୀତି ବିଶେଷଜ୍ଞମାନେ ଭାରତକୁ ସମାଲୋଚନା କରିଛନ୍ତି । ଏଥିରେ କୁହାଯାଇଛି ଯେ, ଭାରତ ନିଜର ଆଭ୍ୟନ୍ତରୀଣ ସମସ୍ୟାରୁ ନଜର ହଟାଇବା ପାଇଁ ଏଭଳି କରୁଛି ।
Kanak News is now on WhatsApp
Join and get latest news updates delivered to you via WhatsApp
ଦେଶର ସମସ୍ୟାର ସମାଧାନ କରିବାରେ ସମର୍ଥ ହେଉନଥିବାରୁ ଚୀନ ଏବଂ ଡୋକଲାମ୍ ନାଁ ନେଇ ସରକାର ଲୋକଙ୍କ ଦୃଷ୍ଟି ହଟାଇବାକୁ ଚାହୁଁଛନ୍ତି ବୋଲି ଏଥିରେ କୁହାଯାଇଛି । ଡୋକଲାମ ଘଟଣା ପରେ ଚୀନର ମତ ବଦଳି ଯାଇଛି, ଭାରତ ଏବେ ବନ୍ଧୁରୁ ପ୍ରତିନ୍ଦ୍ୱନ୍ଦି ପାଲଟି ଯାଇଛି ବୋଲି ଆଉ ଜଣେ ବିଶେଷଜ୍ଞ ମତ ଦେଇଛନ୍ତି ।
ସେ ଆହୁରି କହିଛନ୍ତି ଯେ ଭାରତ ଶାନ୍ତି ଚାହୁଁଛି ନା ଯୁଦ୍ଧ, ତାହାର ନିଷ୍ପତି ଭାରତ ନେଉ, ଏଥିରେ ଚୀନର କୌଣସି ଭୂମିକା ନାହିଁ ।
ଏହି ରିପୋର୍ଟରେ ପ୍ରଧାନମନ୍ତ୍ରୀ ମୋଦି ଦେଇଥିବା ମତକୁ ମଧ୍ୟ ସ୍ଥାନିତ କରାଯାଇଛି । ଦେଶର ସୁରକ୍ଷା ପ୍ରଥମ ପ୍ରାଥମିକତା ବୋଲି ମୋଦିଙ୍କ ବାର୍ତ୍ତାକୁ ଏହି ରିପୋର୍ଟରେ ସ୍ଥାନ ଦିଆଯାଇଛି । ଯାହା ଉପରେ ପ୍ରତିକ୍ରିୟା ରଖିଛନ୍ତି ଚୀନ୍ ବିଶେଷଜ୍ଞମାନେ । ଭାରତ, ଚୀନକୁ ବ୍ଲାକମେଲ ନୀତି ଆପଣାଉଥିବା ମଧ୍ୟ ଏହି ରିପୋର୍ଟରେ ଉଲ୍ଲେଖ କରିଛି ।
ଡୋକଲାମ ସୀମାରେ ଚୀନ ସହ ଉତ୍ତେଜନା ଭିତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେକୌଣସି ବାହ୍ୟ ଶତ୍ରୁର ମୁକାବିଲା ପାଇଁ ଭାରତ ପ୍ରସ୍ତୁତ ଅଛି । ଦେଶର ସୁରକ୍ଷା ପାଇଁ ସେନା ସବୁବେଳେ ପ୍ରସ୍ତୁତ ଅଛି । ସ୍ୱାଧୀନତା ଦିବସ ଅବସରରେ ଦିଲ୍ଲୀର ଲାଲକିଲ୍ଲାରେ ତ୍ରିରଙ୍ଗା ଉଡାଇବା ପରେ ଦେଶବାସୀଙ୍କୁ ମୋଦିଙ୍କ ଏହି ବର୍ତ୍ତା ବେଶ ଗୁରୁତ୍ୱ ରଖୁଛି ।