ଗୋଆ କଂଗ୍ରେସକୁ ବଡ ଝଟକା: କଂଗ୍ରେସ ଛାଡି ଟିଏମସିରେ ଯୋଗଦେଲେ ବିଧାୟକ ଆଲେକ୍ସୋ ରିଜିନାଲ୍ଡୋ
କନକ ବ୍ୟୁରୋ: ଗୋଆରେ କଂଗ୍ରେସ କୁ ଆଉ ଏକ ଝଟକା । ତୃଣମୁଳ କଂଗ୍ରେସରେ ଯୋଗ ଦେଲେ କଂଗ୍ରେସର ଗୋଆ ପ୍ରଦେଶ କାର୍ଯ୍ୟକାରୀ ସଭାପତି ଆଲେକ୍ସୋ ରେଜିନାଲ୍ଡୋ ଲୋରେଙ୍କୋ । ସୋମବାର ସେ କଂଗ୍ରେସରୁ ଇସ୍ତଫା ନେଇଥିଲେ । କୁର୍ଟୋରିମର ବିଧାୟକ ଭାବରେ ସେ ୨୦୧୭ ରେ କଂଗ୍ରେସ ଦଳରୁ ନିର୍ବାଚିତ ହେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସର ହାତ ଛାଡି ଦିଦିଙ୍କ ଟିମରେ ସାମିଲ ହେଇଛନ୍ତି ଗୋଆ କଂଗ୍ରେସର କାର୍ଯ୍ୟକାରୀ ସଭାପତି ଆଲେଇକ୍ସୋ ରେଜିନାଲ୍ଡୋ ଲୋରେଙ୍କୋ । ମଙ୍ଗଳବାର ମମତା ବାନାର୍ଜୀଙ୍କ ଉପସ୍ଥିତିରେ ସେ ତୃଣମୃଣ କଂଗ୍ରେସରେ ଯୋଗ ଦେଇଛନ୍ତି । ଆଲେଇକ୍ସୋ ରେଜିନାଲ୍ଡୋଙ୍କୁ ଗୋଆ ବିଧାନସଭାର ଶ୍ରେଷ୍ଠ ପ୍ରଦର୍ଶନକାରୀ ବିଧାୟକ ବୋଲି ଟୁଇଟ କରି ସୂଚନା ଦେଇଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ । ଗୋଆ କୁର୍ଟୋରିୟମ୍ରୁ ତିନି ତିନି ଥର ବିଧାୟକ ହୋଇଥିବା ଆଲେକ୍ସୋ ହଠାତ ଇସ୍ତଫା ଦେବା କଂଗ୍ରେସକୁ ବଡ ଝଟକା ଦେଇଛି । କଂଗ୍ରେସ ପକ୍ଷରୁ କୁହାଯାଇଛି ଯେ, ଆଲେକ୍ସୋ ଦଳ ସହ ବିଶ୍ୱାସଘାତତା କରିଛନ୍ତି । ସେ ଯେଉଁ ଦଳରେ ଯୋଡି ହୋଇଛନ୍ତି ତାହା ଆତ୍ମହତ୍ୟା କରିବା ସହ ସମାନ ।
୨୦୨୨ ଗୋଆ ବିଧାନସଭା ନିର୍ବାଚନ ପୂର୍ବରୁ ରାଜ୍ୟ ରାଜନୀତିରେ ବଡ ଧରଣର ହଲଚଲ ବିଗତ କିଛି ଦିନ ହେବ ଲାଗି ରହିଛି । ଆଉ ଏଥର ମମତାଙ୍କ ତୃଣମୂଳ କଂଗ୍ରେସ ଗୋଆରେ ଶକ୍ତି ବଢାଇବା ପାଇଁ ଅନ୍ୟଦଳର ପ୍ରମୁଖ ନେତାଙ୍କୁ ଆକୃଷ୍ଟ କରୁଛନ୍ତି । ଏହାରି ଭିତରେ କଂଗ୍ରେସ ନେତା ମାନେ ନିଜ ଦଳ ଛାଡୁଥିବା ଦେଖିବାକୁ ମିଳୁଛି । ଗତ କିଛି ଦିନ ଭିତରେ ଆଲେକ୍ସୋଙ୍କୁ ମିଶାଇ କଂଗ୍ରେସର ୨ ଜଣ ବିଧାୟକ ଦଳ ଛାଡିସାରିଲେଣି । ପୂର୍ବରୁ କଂଗ୍ରେସ ବରିଷ୍ଠ ନେତା ପୂର୍ବତନ ମୁଖ୍ୟମନ୍ତ୍ରୀ ଲୁଇଜିନୋ ଫଲେରିଓ ଟିଏମସିରେ ଯୋଗ ଦେଇଥିଲ । ୨୦୧୭ ରେ ରାଜ୍ୟରେ କଂଗ୍ରେସର ୧୭ ବିଧାୟକ ସହ ବୃହତ ଦଳ ଭାବରେ ପରିଗଣିତ ହୋଇଥିଲା । କିନ୍ତୁ ସମୟ ଗଡିବା ସହ କଂଗ୍ରେସ ନେତୃତ୍ୱ ନିଜ ଦଳ ଉପରୁ ଭରସା ତୁଟାଇବା ଆରମ୍ଭ କରିଥିଲେ । ଏବେ କଂଗ୍ରେସର ବିଧାୟକ ସଂଖ୍ୟା ଅବିଶ୍ୱସନୀୟ ଭାବରେ ଖସି ଆସି ୨ ରେ ପହଂଚିଛି ।
ଆସନ୍ତା ବର୍ଷ ଗୋଆରେ ବିଧାନସଭା ନିର୍ବାଚନ । ନିର୍ବାଚନ ପୂର୍ବରୁ ଗୋଆରେ ଦଳଡିଆଁ ଅଭିଯାନ ଆରମ୍ଭ ହୋଇଯାଇଛି । କଂଗ୍ରେସ ଦୁର୍ବଳ ହେଉଥିଲେ ମଧ୍ୟ ଦଳର ନେତୃତ୍ୱ ଏବେ ମଧ୍ୟ ଆଗାମୀ ୨୦୨୨ ନିର୍ବାଚନରେ ଗୋଆରେ ସରକାର ଗଢିବା ନେଇ ବିଶ୍ୱାସ ରଖିଛନ୍ତି । ତେବେ ଦେଖିବାକୁ ବାକି ରହିଲା ଆଗାମୀ ବର୍ଷ ଗୋଆରେ କିଏ ନିଜର ବିଜୟ ପତାକା ଦୋହାରାଉଛି ।