କନକ ବ୍ୟୁରୋ : ଏକବିଂଶ ଶତାବ୍ଦୀରେ ମଧ୍ୟ ଅନ୍ଧବିଶ୍ୱାସର ଜାଲରେ ବାନ୍ଧି ହୋଇ ରହିଛନ୍ତି ଆଜିର ଲୋକ । ଆଉ ଏହାର ଏକ ନିଚ୍ଛକ ଉଦାହରଣ ନବରଙ୍ଗପୁରରେ ଦେଖିବାକୁ ମିଳିଛି । ଡାହାଣୀ ଛଡାଇବା ନାଁରେ ନାବାଳିକାକୁ ଦିଆଯାଉଛି ନିର୍ଯାତନା । ନାବାଳିକା ଜଣକୁ ୪ଜଣ ଯୁବକ ଓ ଜଣେ ମହିଳା ଜୋରଜବରଦସ୍ତ ହାତ ଗୋଡ ଧରି ବାନ୍ଧି ରଖିବା ସହ ନିର୍ଯ୍ୟାତନା ଦେଇଛନ୍ତି ।ଏଭଳି ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକର ମୋତି ଗାଁରେ ।
Kanak News is now on WhatsApp
Join and get latest news updates delivered to you via WhatsApp
ଗାଁର ଜଣେ ନାବାଳିକା ଭଣ୍ଡାରୀ ନଦୀ ନିକଟକୁ କାମ କରିବାକୁ ଯାଇ ଫେରିଲା ପରେ ଅସ୍ୱାଭାବିକ ବ୍ୟବହାର କରିଥିବା ପରିବାର ଲୋକେ କହିଛନ୍ତି । ଏଥିପାଇଁ ସେମାନେ ଗୁଣିଆକୁ ଡାକିଥିଲେ । ତେବେ ଡାହାଣୀ ଲାଗିଥିବା କହି ଗୁଣିଆ ଓ କିଛି ଯୁବକ ଜୋରଜବରଦସ୍ତ ନାବାଳିକାକୁ ଧରିଥିଲେ । ନାବାଳିକାଟି କାନ୍ଦି କାନ୍ଦି ଛଟପଟ ହେଉଥିଲେ ମଧ୍ୟ କେହି ଏହାପ୍ରତି କର୍ଣ୍ଣପାତ କରିନଥିଲେ । ବେଶ କିଛି ସମୟ ଧରି ଏଭଳି ଘଟଣାଟି ଘଟିଥିଲେ ମଧ୍ୟ ସମସ୍ତେ ଦେଖିକି ଚୁପ୍ ରହିଥିଲେ । ତେବେ ଝଡାଫୁଙ୍କା ପରେ ନାବାଳିକାଟି ଭଲ ହୋଇଯାଇଥିବା ଗୁଣିଆ ଜଣକ ଦାବି କରିଛନ୍ତି ।