ଜ୍ଞାନବାପି ପରେ ଏବେ ଜୁମା ମସଜିଦ୍ ବିବାଦ । ଚାରିପଟେ ୧୪୪ ଧାରା ଜାରି
କନକ ବ୍ୟୁରୋ: ଦେଶରେ ବଢୁଛି ଧର୍ମ ବିବାଦ । କର୍ଣ୍ଣାଟକ ମାଙ୍ଗାଲୋର ମଲାଲି ସ୍ଥିତ ଜୁମା ମସଜିଦକୁ ନେଇ ଆରମ୍ଭ ହୋଇଛି ବିବାଦ । ଫଳରେ ମସଜିଦର ୫୦୦ ମିଟର ପରିସର ମଧ୍ୟରେ ୧୪୪ ଧାରା ଲାଗୁ କରାଯିବା ସହ ସୁରକ୍ଷା ବ୍ୟବସ୍ଥା ବ୍ୟବସ୍ଥାକୁ କଡାକଡି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଏପ୍ରିଲ ୨୧ ତାରଇଖରେ ମସଜିଦର ନବୀକରଣ କରାଯିବା ଅବସରରେ ଏହାର ତଳ ଭାଗରୁ ଏକ ହିନ୍ଦୁ ମନ୍ଦିରର ବାସ୍ତୁଶିଳ୍ପ ଡିଜାଇନ୍ ଦେଖିବାକୁ ମିଳିଥିଲା । ତେବେ ଏହି ମସଜିଦର ଗୋଟିଏ ଅଂଶକୁ ନଷ୍ଟ କରିଦିଆଯାଇଛି । ତେଣୁ ମସଜିଦ ହେବା ପୂର୍ବରୁ ଏହା ହିନ୍ଦୁ ମାନଙ୍କର ମନ୍ଦିର ଥିଲା ବୋଲି ହିନ୍ଦୁ ସଙ୍ଗଠନ ଦାବି କରୁଛି । ଏହାକୁ ନେଇ ଜୁମା ମସଜିଦର ଦସ୍ତାବିଜ୍ ଯାଞ୍ଚ କରି ଏହାର ବାସ୍ତବତା ଖୋଜିବାକୁ ହିନ୍ଦୁ ସଙ୍ଗଠନ ପକ୍ଷରୁ ଜିଲ୍ଲା ପ୍ରଶାସନଙ୍କ ପାଖରେ ଅପିଲ କରାଯାଇଛି । ତେଣୁ କାଳେ ଏଠାରେ ଏହି ପ୍ରସଙ୍ଗକୁ ନେଇ କୌଣସି ଅପ୍ରୀତିକର ପରିସ୍ଥିତି ସୃଷ୍ଟି ହେବ ତେଣୁ ୧୪୪ ଧାରା ଲାଗୁ କରାଯିବା ସହ ସଠିକ ତଥ୍ୟ ଜଣାପଡିବା ପର୍ଯ୍ୟନ୍ତ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ।