ଏନସିଆରବିରେ ସାଂଘାତିକ ତଥ୍ୟ : ରାଜ୍ୟର ବିଭିନ୍ନ ଜେଲରେ ଅଧାରୁ ଅଧିକ କଏଦୀ ଗରିବ; ସେହି ଅନୁପାତରେ ନାହାନ୍ତି ଧନୀକ ଶ୍ରେଣୀର ଲୋକ
କନକ ବ୍ୟୁରୋ : ଏନସିଆରବିରେ ତଥ୍ୟ । ରାଜ୍ୟର ବିଭିନ୍ନ ଜେଲରେ ଅଧିକରୁ ଅଧିକ କଏଦୀ ଗରିବ ଶ୍ରେଣୀର ବୋଲି ତଥ୍ୟରୁ ଜଣାପଡ଼ିଛି । ହେଲେ ସେହି ଅନୁପାତରେ କୌଣସି ଜେଲରେ ଧନୀକ ଶ୍ରେଣୀର ଲୋକ ଥିବା ଜଣାପଡ଼ିନି । ସେଥିରୁ ଅଧିକ ଅନୁସୂଚିତ ଜାତି ଓ ଅନୁସୂଚିତ ଜନଜାତି ବର୍ଗର ବିଚାରଧୀନ କଏଦୀ ରହିଛନ୍ତି । ଡିସେମ୍ବର ୩୧, ୨୦୨୧ ସୁଦ୍ଧା ରାଜ୍ୟରେ ବିଭିନ୍ନ ଜେଲରେ ବିଚାରାଧୀନ କଏଦୀ ସଂଖ୍ୟା ୧୮ହଜାର ୧୬୪ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏମାନଙ୍କ ମଧ୍ୟରୁ ଅନୁସୂଚିତ ଜାତିର ୫ହଜାର ୭୪୬, ଅନୁସୂଚିତ ଜନଜାତିର ୪ହଜାର ୩୮୯, ପଛୁଆ ବର୍ଗର ୫ହଜାର ୬୧ ଓ ଅନ୍ୟ ବର୍ଗରୁ ୨ହଜାର ୯୮୬ ରହିଛନ୍ତି । ଓଡ଼ିଶାରେ ୨୦୨୦ ତୁଳନାରେ ୨୦୨୧ରେ ବିଚାରାଧୀନ କଏଦୀଙ୍କ ସଂଖ୍ୟାରେ ବୃଦ୍ଧି ଘଟିଛି । ଅନ୍ୟପକ୍ଷରେ ଜେଲ୍ ମାନଙ୍କରେ ଦଣ୍ଡାଦେଶ ପରେ ସଜା କାଟୁଥିବା କଏଦୀମାନଙ୍କ ସଂଖ୍ୟା ମାତ୍ର ୨ହଜାର ୬୨୦ ରହିଛି । ସେହିଭଳି ଡିସେମ୍ବର ୩୧, ୨୦୨୧ ସୁଦ୍ଧା ବିଚାରାଧୀନ କଏଦୀ ଓ ସଜା କାଟୁଥିବା କଏଦୀଙ୍କ ସହ ୧୯ ଜଣ ଅଟକ ବନ୍ଦୀଙ୍କୁ ହିସାବକୁ ନେଲେ ମୋଟ ୨୦ହଜାର ୮୦୩ କଏଦୀ ରହିଛନ୍ତି ।