ଭୁବନେଶ୍ୱର ପୁଲିସକୁ ଭୁଆଁ ବୁଲାଇଲେ ବାଂଲାଦେଶୀ: ଲୁଟେରା ମିଳିଲେ ହେଲେ ଟଙ୍କା ମିଳିଲାନି
କନକ ବ୍ୟୁରୋ: ଭୁବନେଶ୍ୱର ଲିଙ୍ଗିପୁର ଅଂଚଳରୁ ଏଟିଏମ ମେସିନ ତାଡି ନେଇ ସାରା ରାଜ୍ୟରେ ଚାଂଚଲ୍ୟ ସୃଷ୍ଟି କରିଥିବା ଲୁଟେରାଙ୍କୁ ଗିରଫ କରିଛି କମିସନରେଟ ପୁଲିସ । ସ୍ଥାନୀୟ ପୁଲିସ ସହାୟତାରେ ବାଙ୍ଗାଲୋରରୁ ଦୁଇ ବାଂଲାଦେଶୀ ଲୁଟେରାଙ୍କୁ ପୁଲିସ ଗିରଫ କରିଥିବା ବେଳେ ବାକି ଲୁଟେରା ଲୁଟ କରିଥିବା ୨୦ ଲକ୍ଷରୁ ଅଧିକ ଟଙ୍କା ନେଇ ଚମ୍ପଟ ମାରିଛନ୍ତି । ପୁଲିସ ଦୁଇ ଲୁଟେରାଙ୍କୁ ହାତକଡି ପିନ୍ଧାଇଥିବା ବେଳେ ତାଙ୍କ ଠାରୁ ଟଙ୍କାଟିଏ ମଧ୍ୟ ଜବତ କରିପାରି ନାହିଁ । ଯାହା କମିସନରେଟ ପୁଲିସର ପାରିବା ପଣିଆ ଉପରେ ପ୍ରଶ୍ନ ଉଠାଇଛି ।
Kanak News is now on WhatsApp
Join and get latest news updates delivered to you via WhatsApp
ପୁଲିସର କହିବା କଥା ହେଲା ବାଂଲାଦେଶର ଏହି ହାଇପ୍ରୋଫାଇଲ ଡକାୟତମାନେ ଭୁବନେଶ୍ୱରରେ ରହି ଲୁଟର ବ୍ଲୁ ପ୍ରିଂଟ ପ୍ରସ୍ତୁତ କରିଥିଲେ । ଲିଙ୍ଗିପୁର ଅଂଚଳରେ ରେକି କରି ଚୋରା ଗାଡିରେ ଏଟିଏମ ମେସିନ ଧରି ଫେରାର ହୋଇଗଲେ । ଯାହା ଥିଲା ଓଡିଶାର ପ୍ରଥମ ଏଟିଏମ ମେସିନ ତଡା ଘଟଣା । ପୂର୍ବରୁ ସେମାନ ଦିଲ୍ଲୀ ଓ ଗୋଆରେ ଏଟିଏମ ମେସିନ ତାଡି ଲକ୍ଷ ଲକ୍ଷ ଟଙ୍କା ଲୁଟିବାରେ ସଫଳ ହେବା ପରେ ଭୁବନେଶ୍ୱରକୁ ସଫ୍ଟ ଟାର୍ଗେଟ କରିଥିଲେ । ହେଲେ ଟଙ୍କା ଲୁଟିବା ପରେ ଏଟିଏମ ମେସିନ ମିଳିଲା, ହେଲେ ଟଙ୍କା କୁଆଡେ ଗାଏବ ହୋଇଗଲା, ତାରା ପତା ପାଇଲାନି ପୁଲିସ ।
ଡକାୟତମାନେ ଭୁବନେଶ୍ୱରରେ ରହି, ଭୁବନେଶ୍ୱରରୁ ଲୁଟ୍ କରି ଚାଲିଗଲେ । ହେଲେ ପୁଲିସ ପାଖରେ ଖବର ପହଂଚିଲା ନାହିଁ । ପୁଲିସର କହିବା କଥା ହେଉଛି. ଓଲଡ ଟାଉନର କମଳା ଲଜ୍ ଓ ଖାରବେଳନଗରର ସେଂଟ୍ରାଲ ଗେଷ୍ଟ ହାଉସର ମାଲିକ ଓ ମ୍ୟାନେଜର ସରାଇ-ଆପ ଯୋଗେ ତଥ୍ୟ ନଦେଇ ପୁଲିସ ଠାରୁ ଲୁଚାଇଥିଲେ । ଯେଉଁଥିପାଇଁ ସେମାନଙ୍କୁ ଅଟକ ରଖି ପଚରା ଉଚରା କରାଯାଉଛି ।
ଏବେ ପ୍ରଶ୍ନ ଉଠୁଛି-ଭୁବନେଶ୍ୱରକୁ କାହିଁକି ସଫ୍ଟ ଟାର୍ଗେଟ କରିଥିଲେ ବାଂଲାଦେଶୀ ଡକାୟତ? ଭୁବନେଶ୍ୱରରେ ଡେରା ପକାଇ ଲୁଟ କରି ଚାଲିଗଲା ପରେ ବି କେମିତି ଜାଣିପାରିଲାନି ପୁଲିସ? ଲୁଟେରା ମିଳିଲେ ହେଲେ କୁଆଡେ ଗାଏବ ହୋଇଗଲା ଟଙ୍କା?