ସୁପ୍ରିମକୋର୍ଟଙ୍କ କଠୋର ନିର୍ଦ୍ଦେଶ ପରେ ସାମୟିକ ଭାବେ ଆନ୍ଦୋଳନରୁ ଓହରିଲେ ଆଇନଜୀବୀ । ଆଲୋଚନା ପରେ ଆଗାମୀ କାର୍ଯ୍ୟପନ୍ଥା
କନକ ବ୍ୟୁରୋ: ଆଜି ସୁପ୍ରିମକୋର୍ଟରେ ଶୁଣାଣି ହେବାକୁ ଥିବା ବେଳେ ତା ପୂର୍ବରୁ ପଶ୍ଚିମ ଓଡ଼ିଶାରେ ହାଇକୋର୍ଟର ସ୍ଥାୟୀ ବେଂଚ ଦାବି ନେଇ ସମ୍ବଲପୁରରେ ଚାଲିଥିବା ଆନ୍ଦୋଳନ ସ୍ଥଗିତ ରହିଛି । ଓକିଲ ସଂଘ ସମୂହ, କେନ୍ଦ୍ରୀୟ କ୍ରିୟାନୁଷ୍ଠାନ କମିଟି ଏହି ଆନ୍ଦୋଳନକୁ ସାମୟିକ ଭାବେ ଏହି ଆନ୍ଦୋଳନକୁ ସ୍ଥଗିତ ରଖିବା ନେଇ ନିଷ୍ପତି ନେଇଛି । ସୁପ୍ରିମକୋର୍ଟଙ୍କୁ ସମ୍ମାନ ଜଣାଇ ଏଭଳି ନିଷ୍ପତି ନିଆଯାଇଥିବା ସୂଚନା ଦେଇଛନ୍ତି କ୍ରିୟାନୁଷ୍ଠାନ କମିଟିର ସଭାପତି ପ୍ରଦୀପ ବହିଦାର । ତେବେ ଅନ୍ୟାନ୍ୟ ସଂଗଠନ ସହ ଆଲୋଚନା ପରେ ଆନ୍ଦୋଳନର ଦିଗ ପୁଣି ଥରେ ନିର୍ଣ୍ଣୟ ହେବ ବୋଲି ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସମ୍ବଲପୁରରେ ହାଇକେର୍ଟର ସ୍ଥାୟୀ ବେଞ୍ଚ ଦାବିର ଦୀର୍ଘ ବର୍ଷ ଧରି ଆନ୍ଦୋଳନ କରି ଆସୁଥିଲେ ପଶ୍ଚିମ ଓଡ଼ିଶାର ଆଇନଜୀବୀ । କିନ୍ତୁ ସୋମବାର ଆନ୍ଦୋଳନ ସମୟରେ ଘଟିଥିବା ଅପ୍ରତିକର ପରିସ୍ଥିତି ଯୋଗୁଁ ସୁପ୍ରିମକୋର୍ଟ ବିରକ୍ତି ପ୍ରକାଶ କରିଥିଲେ । ଏମିତି କି ଆନ୍ଦୋଳନ କରୁଥିବା ଆଇନଜୀବୀଙ୍କୁ କାହିଁକି ଗିରଫ କରାଯାଉ ନାହିଁ ବୋଲି ପ୍ରଶ୍ନ କରିଥିଲେ । ଆଜି ଆଇନଜୀବୀଙ୍କ ଆନ୍ଦୋଳନ ନେଇ ପୁଲିସ ଡିଜି ଏବଂ ସମ୍ବଲପୁର ଆଇଜି, ଭିଡିଓ କନଫରେନ୍ସି ମାଧ୍ୟମର ହାଜର ହେବାକୁ କୋର୍ଟ କହିସାରିଛନ୍ତି । ଏଯାଏଁ ପୋଲିସ୍ ୧୫ ଜଣ ଓକିଲଙ୍କୁ ଗିରଫ କରି କୋର୍ଟଚାଲାଣ କରିସାରିଛି । ସେପଟେ ବାର୍ କାଉନସିଲ ଅଫ ଇଣ୍ଡିଆ ସୋମବାର ୨୯ ଜଣ ଆଇନଜୀବୀଙ୍କୁ ୧୮ ମାସ ପାଇଁ ସସପେଣ୍ଡ କରିଥିବା ବେଳେ ଆଉ ୧୪ ଜଣଙ୍କୁ ସସପେଣ୍ଡ କରାଯାଇଛି ।