କନକ ବ୍ୟୁରୋ : ଦିଲ୍ଲୀ, ବିହାର ପରେ ପଶ୍ଚିମବଙ୍ଗରେ ଆକ୍ସନ ମୋଡରେ ପ୍ରବର୍ତ୍ତନ ନିର୍ଦ୍ଦେଶାଳୟ । ପଶ୍ଚିମବଙ୍ଗ କୋଇଲା ଦୁର୍ନୀତି ମାମଲାରେ ଶାସକ ଦଳ ଟିଏମସିର ମହା ସଚିବ ଅଭିଷେକ ବାନାର୍ଜୀ ଆଜି କୋଲକତା ସ୍ଥିତ ଇଡି କାର୍ଯ୍ୟାଳୟରେ ଉପସ୍ଥିତ ହୋଇଛନ୍ତି । ଅଗଷ୍ଟ ୩୦ ତାରିଖରେ ଇଡି ତରଫରୁ ଅଭିଷେକଙ୍କୁ ନୋଟିସ କରାଯାଇ ପଚରା ଉଚରା ପାଇଁ ଆଜି ଦିନ ସ୍ଥିର କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଏବେ ଇଡିର କର୍ମଚାରୀମାନେ ଅଭିଷେକଙ୍କ ପଚରା ଉଚରା କରୁଛନ୍ତି । ସୂଚନା ଥାଉକି ଏହି ମାମଲାରେ ପ୍ରଥମରୁ ଇଡି ତରଫରୁ ଅଭିଷେକଙ୍କୁ ଅନେକ ଥର ପଚରା ଉଚରା କରାଯାଇଛି । ଏହି କ୍ରମରେ ଆଜି ଅଭିଷେକ ବାନାର୍ଜୀ ପାଖାପାଖି ସକାଳ ୧୧ ଟାରେ କୋଲକତା ସଲ୍ଟଲେକ୍ ସ୍ଥିତ ଇଡି କାର୍ଯ୍ୟାଳୟରେ ହାଜର ହୋଇଥିଲେ । ସେପଟେ ଗୁରୁବାର ଦିନ ଦିଲ୍ଲୀରୁ ୫ ଜଣ ଇଡି ଅଧିକାରୀ ଅଭିଷେକଙ୍କ ଜେରା ପାଇଁ କୋଲକତା ପହଂଚିଥିବା କଥା କୁହାଯାଉଛି ।
West Bengal | TMC leader Abhishek Banerjee arrives at the ED office in Kolkata
Enforcement Directorate summoned Abhishek Banerjee on August 30 to appear at the agency’s Kolkata office, today pic.twitter.com/PvwK5sKvtl
— ANI (@ANI) September 2, 2022
ସେପଟେ ଅଭିଷେକ ଇଡି କାର୍ଯ୍ୟାଳୟରେ ହାଜର ହେବା ବେଳକୁ ଶାସକ ଦଳର ହଜାର ହଜାର କର୍ମୀ ସେଠାରେ ପହଂଚିଯାଇଥିଲେ । ଏହାକୁ ନଜରରେ ରଖି ଇଡି କାର୍ଯ୍ୟାଳୟ ଚାରିପଟେ କଡା ସୁରକ୍ଷା ବ୍ୟବସ୍ଥା କରାଯାଇଛି ।