କନକ ବ୍ୟୁରୋ: କନକ ନ୍ୟୁଜ ପକ୍ଷରୁ ଆୟୋଜିତ ହୋଇଛି ହେଲଥ କନକ୍ଲେଭ । ଏଥିରେ ଶୀର୍ଷକ ଥିଲା ସରକାରୀ ହସ୍ପିଟାଲରେ ଗୁଣାତ୍ମକ ଚିକିତ୍ସା । ଏଥିରେ ଯୋଗଦେଇଥିଲେ ସ୍ୱାସ୍ଥ୍ୟମନ୍ତ୍ରୀ ନବଦାସ । କନକ ନ୍ୟୁଜ ଏଡିଟର ମନୋରଞ୍ଜନ ମିଶ୍ରଙ୍କ ସହ ସାକ୍ଷାତକାରରେ ସେ କହିଥିଲେ, ଆଗକୁ ରାଜ୍ୟରେ ସରକାରୀ ସ୍ୱାସ୍ଥ୍ୟ ସେବା ବୃଦ୍ଧି ପାଇବ । ଉପାନ୍ତ ଅଞ୍ଚଳ ସହ ବିଭିନ୍ନ ସ୍ଥାନରେ ମେଡିକାଲ କଲେଜ ଖୋଲିଛି । ଏହାଦ୍ୱାରା ଡାକ୍ତର ଅଭାବ ପୂରଣ ହୋଇପାରିବ ଓ ସ୍ୱାସ୍ଥ୍ୟସେବା ବି ଲୋକଙ୍କ ପାଖରେ ପହଞ୍ଚିପାରିବ । ରୋଗକୁ ନେଇ ଗବେଷଣା କରାଯିବ ଓ ଲୋକଙ୍କୁ ଏ ବାବଦରେ ସଚେତନ କରାଯିବ ବୋଲି ସ୍ୱାସ୍ଥ୍ୟମନ୍ତ୍ରୀ କହିଛନ୍ତି । ବିଜୁ ସ୍ୱାସ୍ଥ୍ୟ କଲ୍ୟାଣ ଓ ଆୟୁଷ୍ମାନ ଯୋଜନା ଉପରେ ବି ସ୍ୱାସ୍ଥ୍ୟମନ୍ତ୍ରୀ ଏକ ତୁଳନାତ୍ମକ ଚିତ୍ର ଦେଇଥିଲେ । ସେ କହିଥିଲେ, ବିଜୁ କଲ୍ୟାଣ ଯୋଜନାରେ ଲୋକେ ଅଧିକ ଫାଇଦା ପାଉଛନ୍ତି । ରାଜ୍ୟ ବାହାରେ ବି ଏହାର ଫାଇଦା ମିଳୁଛି ।
Kanak News is now on WhatsApp
Join and get latest news updates delivered to you via WhatsApp
ହେଲଥ କନକ୍ଲେଭର ଦ୍ୱିତୀୟ ଶୀର୍ଷକ ଥିଲା ଆପଣଙ୍କ ଲିଭର୍ ଠିକ୍ ରହିବ କେମିତି? ଏଥିରେ ବିଶିଷ୍ଟ ଡାକ୍ତର ମନୋଜ ସାହୁ ଯୋଗଦେଇ ଗ୍ୟାସଜନିତ ପେଟସମସ୍ୟା ଓ ଲିଭର ଠିକ ରହିବାର ଉପାୟ କହିଥିଲେ । ଏଥିପାଇଁ କଣ ଖାଇବେ ଓ କଣ ନ ଖାଇବେ ଓ ପେଟରେ ଗ୍ୟାସ ଯେଭଳି ନ ହେବ ସେ ଉପରେ ମତ ରଖିଥିଲେ ।
ଏହାପରେ ଯୁବାବସ୍ଥାରେ ହାର୍ଟଆଟାକ, ଓଡିଶାରେ ସ୍ୱାସ୍ଥ୍ୟ ପର୍ଯ୍ୟଟନ ଓ ଘରୋଇ ହସ୍ପିଟାଲର ଭୂମିକା, ଆନ୍ତର୍ଜାତୀୟସ୍ତରର ସ୍ୱାସ୍ଥ୍ୟସେବା ଓଡିଶାରେ ସମ୍ଭବ କି? ଏବଂ ସ୍ୱାସ୍ଥ୍ୟ କ୍ଷେତ୍ରରେ ପରିବର୍ତ୍ତିତ ସେବା ଓ ଆହ୍ୱାନ ଶୀର୍ଷକରେ ଆଲୋଚନା କରାଯାଇଥିଲା । ଏଥିରେ ବିଭିନ୍ନ ହସପିଟାଲରେ ବିଶେଷଜ୍ଞ ଓ ବରିଷ୍ଠ ଡାକ୍ତର ଯୋଗଦେଇ ନିଜର ମତ ରଖିଥିଲେ ।