ଅନ୍ୟ ଜାତିର ଝିଅକୁ ବିବାହ କରିବାରୁ ୨୫ଲକ୍ଷ ୬୦ ହଜାର ଟଙ୍କାର ଜରିମାନା କଲା ଗ୍ରାମସଭା : କେନ୍ଦୁଝର ନିଆଳୀଝରଣ ଗାଁରୁ ଆସିଲା ଅଭାବନୀୟ ଖବର
କନକ ବ୍ୟୁରୋ : ଭିନ୍ନ ଜାତିରେ ବିବାହ କରିବାକୁ ଜରିମାନା । ଅନ୍ୟ ଜାତିର ଝିଅକୁ ବିବାହ କରିବାରୁ ଗ୍ରାମସଭାରେ ଯୁବକଙ୍କୁ ୨୫ ଲକ୍ଷ ୬୦ ହଜାର ଟଙ୍କାର ଜୋରିମାନା କରାଯାଇଛି । ଏହା ବ୍ୟତୀତ ସଂପୃକ୍ତ ଯୁବକଙ୍କ ପରିବାରକୁ ନିଆଁ ପାଣି ବାସନ୍ଦ କରାଯାଇଛି । ଜାତିପ୍ରଥା ଭଳି କୁତ୍ସିତ ପରମ୍ପରା ସଂପର୍କୀତ ଏହି ଅଭାବନୀୟ ଘଟଣା ଘଟିଛି କେନ୍ଦୁଝର ଜିଲ୍ଲା ଘସିପୁରା ବ୍ଲକ ଖାଳିଆମେଂଟା ପଂଚାୟତ ନିଆଳିଝରଣ ଗାଁରେ । ଏହି ଗାଁର ମହେଶ୍ୱର ବାସ୍କେ ନାମକ ଯୁବକ ନାଗାଡାହି ଗାଁର ଜଣେ ଯୁବତୀଙ୍କୁ ୬ ମାସ ତଳେ ବିବାହ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଯୁବତୀ ଜଣଙ୍କ ଭିନ୍ନ ଜାତିର ହୋଇଥିବାରୁ ମହେଶ୍ୱରଙ୍କୁ, ଗ୍ରାମବାସୀ ନିଆଁପାଣି ବାସନ୍ଦ କରିବା ସହ ୨୫ ଲକ୍ଷ ୬୦ ହଜାର ଟଙ୍କାର ଜୋରିମାନା କରିଛନ୍ତି । ଯାହା ଭରଣା କରିବା ମହେଶ୍ୱରଙ୍କ ପାଇଁ ସମ୍ଭବ ନୁହେଁ । ତେଣୁ ତାଙ୍କ ପରିବାର ଗାଁ ଛାଡି ଦେଇଛନ୍ତି । ସ୍ତ୍ରୀ ଓ ମାଆଙ୍କୁ ନେଇ ମହେଶ୍ୱର ସଂପର୍କୀୟଙ୍କ ଘରେ ରହୁଥିବା ବେଳେ ଏନେଇ ଥାନାରେ ଅଭିଯୋଗ ହୋଇନାହିଁ । ହେଲେ ଯୁବତୀଙ୍କ ଭାଇ ଆନନ୍ଦପୁର କୋର୍ଟରେ ମାମଲା ଦାଏର କରିବା ପରେ ତଦନ୍ତ ଆରମ୍ଭ ହୋଇଛି ।