ଆଜି ତ୍ରି-ରାଷ୍ଟ୍ରିୟ ଟି-୨୦ ଶୃଙ୍ଖଳାର ଚତୁର୍ଥ ମ୍ୟାଚ୍ । ଆୟୋଜକ ଶ୍ରୀଲଙ୍କାକୁ ଭେଟିବ ଭ୍ରମଣକାରୀ ଭାରତ । ପୂର୍ବ ତିନୋଟି ମ୍ୟାଚରେ ସମାନ ସ୍ଥିତିରେ ଅଛନ୍ତି ତିନି ଦଳ
କନକ ବ୍ୟୁରୋ : ଆଜି ନିଦାସ ଟ୍ରଫି ତ୍ରି-ରାଷ୍ଟ୍ରିୟ ଟି-୨୦ ଶୃଙ୍ଖଳାର ଚତୁର୍ଥ ମ୍ୟାଚ୍ । ଆୟୋଜକ ଶ୍ରୀଲଙ୍କାକୁ ଭେଟିବ ଭ୍ରମଣକାରୀ ଭାରତ । ପୂର୍ବ ତିନୋଟି ମ୍ୟାଚରେ ସମାନ ସ୍ଥିତିରେ ଅଛନ୍ତି ତିନି ଦଳ । ଫାଇନାଲ ପ୍ରବେଶ ଦୃଷ୍ଟିରୁ ଏହି ମ୍ୟାଚ ଭାରତ ପାଇଁ ଅତ୍ୟନ୍ତ ମହତ୍ୱପୂର୍ଣ୍ଣ ହେବ । ହେଲେ ଅଧିନାୟକ ରୋହିତ ଶର୍ମାଙ୍କ ବିଫଳତା ହି ଭାରତ ପାଇଁ ସବୁଠାରୁ ବଡ ଚିନ୍ତାର କାରଣ ହୋଇଛି । ରୋହିତ ତାଙ୍କ ଶେଷ ପାଂଚଟି ଟି-୨୦ ମ୍ୟାଚରେ ଭଲ ପ୍ରଦର୍ଶନ କରିପାରିନାହାଁନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ତିନିଟି ଯାକ ଦଳ ଗୋଟିଏ ଲେଖାଏଁ ମ୍ୟାଚ ଜିତି ସମାନ ପଏଂଟ ପାଇ ସମାନ ସ୍ଥିତିରେ ରହିଛନ୍ତି । ହେଲେ ଗୋଟିଏ ବିଜୟରେ ସବୁ କିଛି ଓଲଟ ପାଲଟ ହୋଇ ଯାଇପାରେ । ଭାରତ ଶୀର୍ଷ ସ୍ଥାନକୁ ଚାଲି ଯାଇପାରେ । ତେବେ ଦକ୍ଷିଣ ଆଫ୍ରିକା ଭଳି ଶ୍ରୀଲଙ୍କାରେ ମଧ୍ୟ ଧୱନ ଧମାକା ଦେଖାଉଛନ୍ତି । ବାମହାତୀ ବୋଲର ଜୟଦେବ ଉନାଦକଟ ଏବଂ ଅଲରାଉଣ୍ଡର ବିଜୟ ଶଙ୍କର ବି ଭଲ ଖେଳ ଜାରି ରଖିଛନ୍ତି । ତେଣୁ ଆଜିର ମ୍ୟାଚ ଉପରେ ସମସ୍ତଙ୍କ ନଜର ରହିଛି ।