କନକ ବ୍ୟୁରୋ: ମାଓବାଦୀଙ୍କୁ ସମାଜର ମୁଖ୍ୟସ୍ରୋତରେ ସାମିଲ କରାଇବାକୁ ପଦକ୍ଷେପ ନେଉଛନ୍ତି ସରକାର । ତେବେ ଗତ ୧୦ ବର୍ଷରେ କେଉଁ ମାଓପ୍ରବଣ ଜିଲ୍ଲାରୁ କେତେ ମାଓବାଦୀ ଆତ୍ମ ସମର୍ପଣ କରିଛନ୍ତି ଏବଂ ସେମାନଙ୍କ ମଧ୍ୟରୁ କେତେ ମାଓବାଦୀଙ୍କୁ ଦକ୍ଷତା ବିକାଶ କେନ୍ଦ୍ରରେ ପ୍ରଶିକ୍ଷଣ ଦେଇଛନ୍ତି ସେନେଇ ବିଧାନସଭାରେ ଲଖିତ ଉତ୍ତର ରଖିଛନ୍ତି ଦକ୍ଷତା ବିକାଶ ଓ ବୈଷୟିକ ଶିକ୍ଷା ମନ୍ତ୍ରୀ ପ୍ରେମାନନ୍ଦ ନାୟକ ।
Kanak News is now on WhatsApp
Join and get latest news updates delivered to you via WhatsApp
ମନ୍ତ୍ରୀଙ୍କ ଉତ୍ତର ମୁତାବକ, ବିଗତ ୧୦ ବର୍ଷରେ ଆତ୍ମ ସମର୍ପଣ କରିଥିବା ମାଓବାଦୀଙ୍କ ମଧ୍ୟରୁ ମାଲକାନଗିରି ଜିଲ୍ଲାରେ ୨୦୧୭-୧୮ରେ ୨୩ ଜଣ ଏବଂ ୨୦୧୮-୧୯ରେ ୧୧ଜଣ ମାଓବାଦୀଙ୍କୁ ଦକ୍ଷତା ତାଲିମ ପ୍ରଦାନ କରାଯାଇଛି । ସେହିଭଳି ୨୦୧୫-୧୬ ବର୍ଷରେ କୋରାପୁଟ ଜିଲ୍ଲାରେ ୨ଜଣ ଓ ୨୦୧୭-୧୮ ବର୍ଷରେ ଜଣେ ଦକ୍ଷତା ବିକାଶ ଭିତ୍ତିକ ତାଲିମ ପ୍ରଦାନ କରାଯାଇଛି । ସେହିପରି ଆଇଟିଆଇ ଆମ୍ବଗୁଡ଼ା , କୋରାପୁଟ ଠାରେ ୨୦୧୬-୧୭ ବର୍ଷରେ ଜଣେ ମାଓବାଦୀଙ୍କୁ ବେସିକ୍ ଅଟୋମୋବାଇଲ କୋର୍ସରେ ୩ ମାସିଆ ଏମଇଏସ ତାଲିମ ଦିଆଯାଇଛି ।
ଗତବର୍ଷ ଆତ୍ମ ସମର୍ପଣ ୨ଜଣ ମାଓବାଦୀ ରାୟଗଡ଼ା ସରକାରୀ ଆଇଟିଆରେ ନାମ ଲେଖାଇବାକୁ ସହମତି ପ୍ରକାଶ କରିଥିଲେ ମଧ୍ୟ ପରବର୍ତ୍ତୀ ପର୍ଯ୍ୟାୟରେ ଦାଖିଲା ନେଇନଥିଲେ । ସବୁଠାରୁ ବଡ଼ କଥା ହେଲା କି, ମାଓ ଉପଦ୍ରବ ପ୍ରତି ଜିଲ୍ଲାରେ ଗୋଟିଏ କରି ୧୦ଟି ଦକ୍ଷତା ବିକାଶ ଏକଟେସିଅନ୍ କେନ୍ଦ୍ର ଏବଂ ସରକାରୀ ଆଇଟିଆଇ ଓ ପଲିଟେକ୍ନିକ ଖୋଲଯାଇଛି । ଏହାସହ କେନ୍ଦ୍ରୀୟ ପ୍ରବର୍ତ୍ତିତ ଏଲଡବ୍ଲୁଇ ଯୋଜନାରେ ଦେବଗଡ଼, ସମ୍ବଲପୁର, ଜଗପତି, ରାୟଗଡ଼ା ଏବଂ ମାଲକାନଗିରି ଜିଲ୍ଲାରେ ଗୋଟିଏ ଆଇଟିଆଇ ଓ ୨ଟି ଲେଖାଏଁ ଦକ୍ଷତା ବିକାଶ କେନ୍ଦ୍ର ସ୍ଥାପନ କରାଯାଇଛି ବୋଲି ଲିଖିତ ଉତ୍ତରଖିଛନ୍ତି ବିଭାଗୀୟ ମନ୍ତ୍ରୀ ।